ফগদাং পেইয়্যে 10:1 - Chakma Bible

¹ সে পরেদি মুই আর এক্কো খেমতাবলা স্বর্গদূতোরে স্বর্গত্তুন্ লামি এত্তে দেগিলুং। তা পজাগ্‌কান এলঅ মেঘ, আর তা মাঢাবো উগুরে এলঅ রান্‌জনীগান। তা মুয়োন বেলান ধোক্ক্যেন আর তা টেঙানি এলঅ আগুনো টুনি ধোক্ক্যেন।

ফগদাং পেইয়্যে 10:1 ပူးပေါင်းရင်းမြစ်များ

গীতসংহিতা 104:3

তর্ স্বর্গর থেবার জাগানর গড়াগান্ তুই দেবাবো পানিগান উগুরে থিদেবর্ গোজ্যস্; তুই মেঘ্‌কানরে গোজ্যস্ তর্ রথ; তুই বোইয়্যের ডুয়োগানিলোই ভর্ গুরিনে আঢাউদো গরচ্।

গীতসংহিতা 97:2

তার চেরোকিত্তে মেঘে আর আন্ধারে ঘিরে; ধর্ম আর দোল্‌বিচেরর্ উগুরে তার সিংহাসনান্ থিয়্যেই আঘে।

যাত্রা 16:10

হারোণে যেক্কে ইস্রায়েলীয়গুনো ইদু কধা কলঅ সেক্কে তারা ধূল্যেচর-চাগালা ইন্দি রিনি চেলাক্; আর আমক্‌ অবার্‌ ইয়েন, সিয়েনত্‌ মেঘ ভিদিরে তারা লগেপ্রভুর্‌ মহিমা দেগিলাক্।

পরমগীত 5:15

তা উলুহুলুন্ দ্বিবে যেন খাটি সোনা খুদো উগুরে বোজেয়্যে মার্বেল পাত্তরর্ খুদো। তা কিয়্যেগান্ লেবাননর্ অজল্ মুড়োবো ধোক্ক্যেন্, লেবাননর্ বেঈ লোইয়্যে এরস গাজ ধোক্ক্যেন্ জোগ্‌‌‌‌‌‌যোক্যে।

যিশাইয় 19:1

মিসর দেজ্‌ছান পৌইদ্যেনে লগেপ্রভুর কধা ইয়েন:‌‌ চঅ, লগেপ্রভু এক্কান যাদিমাদি যাইদে মেঘত্ গুরিনে মিসর দেজত্ এজের্। তা মুজুঙোত্ মিসর মূত্তিগুন্ গির্‌গিরেবাক্, আর মিসরীয়গুনো মনত্ সাহস ন-থেবঅ।‌‌

যিশাইয় 54:9

“মইদু ইয়েন নোহর দিনুনো ধোক্ক্যেন লাগের্। মুই যেবাবোত্যে শমক্ হেইয়োং, নোহ সময়োত্ পানি ধোক্ক্যেন পানি আর কনদিন্অ পিত্‌থিমীগান নাঢি ন-ফেলেব, সেবাবোত্যেগুরি এ শমক্তান্ গোজ্যং, তঅ উগুরে রাগ্ ন-গুরিম, তরে আর কনদিন্অ গেইল্ ন-দিম। ‍‌

আবিলেচ্ 3:44

তুই মেঘ্‌‌কোই নিজোরে ঢাগি ফেল্যচ্ যেনে কনঅ তবনা তা ভিদিরেদি যেই ন-পারে।

যিহিষ্কেল 1:28

ঝড় দিনোত্ মেঘ ভিদিরে রান্‌‌জোনি ধোক্ক্যেন তা চেরোকিত্তে সেই পহ্‌‌রান্ দেগা যার্। যিয়েন দেগা গেলঅ সিয়েন এলদে লগেপ্রভুর মহিমা ধোক্ক্যেন্। মুই সিয়েন দেগিনে মাদিত্ মাঢা নিগিরি পড়িলুং আর একজনরে কধা কদে শুনিলুং।

দানিয়েল 10:6

তা কিয়্যেগান বৈদূর্যমণি ধোক্ক্যেন, মুয়োন কারেন ধোক্ক্যেন, চোগ্‌কুন জ্বোল্‌জোল্যে বম্বা ধোক্ক্যেন, আঢ্-টেঙানি পালিশ গোজ্যে পিদোল চোক্‌চোক্যে ধোক্ক্যেন আর তা রবো এগত্তর্ ওইয়্যে বোউত্ মান্‌জ্যর্ রঅ ধোক্ক্যেন।

দানিয়েল 7:13

রেদোত্ মর্ সেই স্ববনত্ মুই রিনি চেইনে মান্‌‌‌‌‌‌‌জ্যপুয়ো ধোক্ক্যেন একজনরে আগাজ মেঘ ভিদিরে এত্তে দেগিলুং। তে সেই বুড়ো মানুচ্চো ইধু উজেই গেলে পরেদি তারে তা মুজুঙোত্ নেযা অলঅ।

লেবীয় 16:2

তে কলঅ, তর্‌ ভেই হারোণরে কঅ‌, সাক্ষ্য-সুন্দুগো উগুরে ঢাগোনিগান মুজুঙোত্ যে পর্দাগান্‌ রোইয়ে ‍সিয়েনর্‌ পিজেন্দি সে পবিত্র জাগানত্‌ তে যেন তার্‌ আওজ্ মজিম যেক্কে-সেক্কে ন-যায়। সেধোক্ক্যেন গুরিলে তে মুরি যেবঅ, কিত্তে সে ঢাগনিগান উগুরে মেঘ ভিদিরে মুই দেগা দিম্‌।

মথি লেখ্যে গম্ হবর্ 17:2

তারা দেগিলাক্ যীশুর চেয়ারাগান্ বুদুলি গেলঅ। তা মুয়োন্ বেলান ধোক্ক্যেন্ জ্বোল্‌জোল্যে আর তা কাবড়ান্ অমকদ ধুব্ ওই গেলঅ। সে পরেদি তারা তিনজন শিচ্চ্যই মোশি আর এলিয় যীশু লগে কধা কধে দেগিলাক্।‍

লূকে লেখ্যে গম্ হবর্ 21:27

সে অক্তত্ দাঙর্ খেমতালোই আর মহিমালোই মান্‌জ্যপুয়োবোরে তারা মেঘ ভিদিরে গুরি এত্তে দেগিবাক্।

প্রেরিত্‌ 26:13

মহারাজ্, সেক্কে বেলান্ প্রায় দিবুজ্যে। পধত্ বেলানত্তুন্অ জ্বোল্‌জোল্ল্যা এক্কান্ পহ্‌র স্বর্গত্তুন্ মর্ আর মঅ সমাজ্যেগুনোর চেরোকিত্ত্যেদি জ্বলা ধুরিলো।

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।

ফগদাং পেইয়্যে 18:1

ইয়েন পরেদি মুই আর এক্কো স্বর্গদূতোরে স্বর্গত্তুন্ লামি এত্তে দেগিলুং। তার দাঙর্ খেমতা এলঅ আর পিত্‌থিমীগান তার্ মহিমালোই জ্বোল্‌জোল্ল্যে ওই গেলঅ।

ফগদাং পেইয়্যে 18:21

যেরেদি এক্কো বোলী স্বর্গদূতে দাঙর্ এক্কো পাত্তর্ লোইনে সাগরত্ ফেলেই দিইনে কলঅ, “এবাবোত্যেগুরি সেই নাঙ্-গোজ্জ্যে বাবিল শঅরানরে ফেলেই দিয়্যে অবঅ। তারে আর কনদিনঅ পাহ্ ন-যেবঅ।

ফগদাং পেইয়্যে 20:1

ইয়েন পরেদি মুই এক্কো স্বর্গদূতোরে স্বর্গত্তুন্ লামি এত্তে দেগিলুং। তা আঢত্ এলদে সেই সুরুঙো গাঢ্‌তোর্ চাবি আর এক্কান দাঙর্ শিগোল।

ফগদাং পেইয়্যে 4:3

তা চেঙারাগান্ ঠিগ্ হীরা আর সার্দীয় মণি ধোক্ক্যেন। সিংহাসনানর চেরোকিত্ত্যেদি এক্কান রান্‌‌জনী এলঅ; সিয়েন দেগদে ঠিগ্ এক্কান পান্না ধোক্ক্যেন।

ফগদাং পেইয়্যে 5:2

যেরেদি মুই এক্কো খেমতাবলা স্বর্গদূতরে জোরে এই কধাগান কধে শুনিলুং, “কন্না এ সীলমহ্‌রুন ভাঙিনে বোইবো মেলিবার যোগ্য?”

ফগদাং পেইয়্যে 8:13

পরেদি মুই এক্কো ঈগল পেগোরে আগাজত্ বোউত্ অজলত্ উড়োদে দেগিলুং, আর সেই ঈগল্লোরে দাঙর্ গুরি কধে শুনিলুং, “অন্য যে তিনজন স্বর্গদূতে তুরী বাজেবাত্যে যাদন্, তারার্ তুরীগুনোর্ আবাজ্ অলে যিগুনে এ পিত্‌থিমীর্ তারার্ দজা, দজা, দজা অবঅ।”