ফগদাং পেইয়্যে 1:11 - Chakma Bible

¹¹ তে মরে কলঅ, “যিয়েন দেগিবে সিয়েন এক্কো বোইয়োত্ লেখ্, আর সিয়েন ইফিষ, স্মুর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আর লায়দিকেয়া-এ সাত্‌টো শঅরর্ সাত্‌টো মন্ডলী ইধু পাধেই দে।”

ফগদাং পেইয়্যে 1:11 ပူးပေါင်းရင်းမြစ်များ

যিশাইয় 30:8

তুই ইক্কিনে এ কধাগান্ এক্কো আড়ুগোত্ আর এক্কো বোইয়োত্ লিগি রাগা, যেনে এজেত্তে দিনুনোত্ সিবে ইস্রায়েলীয়গুনোত্তে এক্কো জিংকানিবরর্ সাক্ষ্য ওই থায়।

যিরমিয় 30:2

“মুই ইস্রায়েলর গোজেন লগেপ্রভু কঙর্, মুই তরে যেদক্কানি কধা কোইয়োং সিয়েনি বেক্কানি তুই এক্কো বোইয়োত্ লিগি রাগা,

হবক্‌‌‌‌কূক 2:2

সেক্কে জোবত্ লগেপ্রভু কলঅ, এ দর্শনানর কধাগান লেগ্ আর পাত্তর ফলগ উগুরে খুনিনেই গমেডালে গর্ যেনে সিয়েন সহজে পড়া যায়,‌

প্রেরিত্‌ 16:14

যিগুনে শুনোদন্ তারা ভিদিরে থুয়াতীরা শঅরর্ লুদিয়া নাঙে এক্কো মিলে এলঅ। তে বিগুনী রংয়র্ কাবর বেবসা গুরিদো। যিহূদী ন-অলেয়ো তে গোজেনর্ উবোসনা গুরিদো। প্রভু লুদিয়ার্ মনান্ এমন্‌ গুরিনে মিলি দিলো যাতে তে পৌলর কধা মন দিইনে শুনিনে বিশ্বেজ্ গরে।

প্রেরিত্‌ 18:24

এ ভিদিরে আপল্লো নাঙে এক্কো যিহূদী ইফিষত্ লুমিলো। আলেক্‌জান্দ্রিয়া শঅরত্ তার্ ঘর এলঅ। তে এক্কো গম্ কধা কোইয়্যে এলঅ আর পবিত্র বোইবো গমেডালে জানিদো।

প্রেরিত্‌ 20:17

পৌলে মিলীতত্তুন্ ইফিষত্ মানুচ্‌ পাধেইনে সিধুগো মন্ডলীর নেতাগুনোরে ডাগিলো।

১ করিন্হীয় 15:32

ইফিষত্ ঝার্‌বো এ্যামানুনো সমারে মত্তুন্ যে লড়াই গরা পোজ্জ্যে, সিয়েন যুনি বানা জাগতিক্ উদেচ্চ্য নিইনে গুরি থাং, সালে সিয়েনত্ মর্ কি লাভ ওইয়্যে? মরাগুনোরে যুনি জেদা গুরিনে তুলো ন-ওই থায় সালে চলেত্তে কধা মজিম, “এজঅ, আমি হানা-দানা গুরিই, কিয়া কেল্ল্যে দঅ আমি মুরিবোং।” তুমি ভুল্ ন-গোজ্জ্য।

১ করিন্হীয় 16:8

পঞ্চাশত্তমী-পরব্‌অ সং মুই ইফিষোত্ থেম্,

ইফিষীয় 1:1

মুই পৌল গোজেনর্ আওজে খ্রীষ্ট যীশুর্ এক্কো দূত। ইফিষ শঅরত্ যিগুনে গোজেনর্ মানুচ্ আর খ্রীষ্ট যীশু উগুরে বিশ্বেজি তারা ইধু মুই এ চিধিয়ান লেগঙর্।

দ্বি’লম্বর বিররণ 31:19

“তুমি ইক্কিনে এই গানান্‌ লিগি নেযঅ। ইয়েন ইস্রায়েলীয়গুনোরে শিগেবা আর তারারে গাহ্ বাজে দিবে, যেনে তারা বিরুদ্ধে ইয়েন মর্ পক্ষেন্দি এক্কান সাক্ষী ওই থায়।

কলসীয় 2:1

মুই তমারে জানেবার চাং, তমাত্যে আর লায়দিকেয়া শঅরর্ মন্ডলীর মানুচ্চুনোত্যে, আর যিগুনে মরে ন-দেগন্ তারার্ বেক্কুনোত্যে মুই মনে পরাণে কাম্ গরঙর্।

১ তীমথিয় 1:3

মুই ম্যাসিডোনিয়াত্ যেবার সময়োত্ তরে যিয়েনি কোইয়োং ইক্কিনিয়ো সিয়েনি কঙর্-তুই ইফিষ শঅরত্ থাগ্, যেনে কয়েক্কো মান্‌জ্যরে নিদ্দেচ্‌ দি পারচ যেন তারা আর ভুল্ শিক্ষ্যে ন-দুয়োন।

ফগদাং পেইয়্যে 1:17

তারে দেগিনে মুই মরা ধোক্ক্যেন তা টেঙ কুরে পড়িলুং। সেক্কে তে তার্ ডেন্ আঢ্‌তান মঅ উগুরে থোইনে কলঅ, ন-দোরেচ্। মুয়ই পত্তম আর থুম্,

ফগদাং পেইয়্যে 1:19

ইয়েনত্যে তুই যিয়েনি দেগিলে, যিয়েনি ইক্কিনে ঘদের্ আর ইয়েনির্ পরেদি যিয়েনি ঘুদিবো সিয়েনি লিগি থঅ।

ফগদাং পেইয়্যে 1:2

গোজেনর্ কধানি আর যীশু খ্রীষ্টর সাক্ষ্যগানি পৌইদ্যেনে যোহনে যিয়েনি দেক্ক্যে, সিয়েনি বেক্কানি পৌইদ্যেনে তে ইয়েনত্ সাক্ষ্য দিয়্যে।

ফগদাং পেইয়্যে 1:20

যে সাত্‌টো সনার চেরাগ টগ্ আর মঅ ডেন্ আঢেদি যে সাত্‌টো তারা তুই দেগিলে সিয়েনর্ গুমুরো অত্তগান ইয়েন-সেই সাত্‌টো তারা অলঅ সেই সাত্‌টো মন্ডলীর সাতজন দূত আর সাত্‌টো চেরাগ টগ্ অলঅ সেই সাত্‌টো মন্ডলী।

ফগদাং পেইয়্যে 1:4

মুই যোহন এশিয়া রেজ্যর্ সাত্‌টো মন্ডলী ইধু লেগঙর্। যিবে আঘে, যিবে এলঅ আর যিবে এজের্ তে আর তা সিংহাসনান মুজুঙোত্ যে সাত্‌টো আত্মা থায় সিগুনে আর যীশু খ্রীষ্ট তমারে দোয়্যে গোরোক্ আর শান্তি দান গোরোক্। যীশুই বিশ্বেজি-সাক্ষী আর মরণত্তুন্ তেয়ই পত্তমে জেদা ওই উঠ্যে, আর তেয়ই পিত্‌থিমীর রাজাগুনোর শাসনগুরিয়্যে। তে আমারে কোচ্‌পায় আর নিজোর্ লো-গান্দোই পাপত্তুন্ আমারে উদ্ধোর্ গোজ্জ্যে।

ফগদাং পেইয়্যে 1:8

প্রভু গোজেনে কত্তে, “মুয়ই সেই আল্‌ফা আর ওমিগা যিবে আঘে, যিবে এলঅ আর যিবে এজের্। মুয়ই বেগত্তুন্ খেমতাবলা।”

ফগদাং পেইয়্যে 10:4

যেক্কে সাত্‌টো দেবা পেরাগ পড়েদে আবাজ্ অলঅ সেক্কে মুই লিগিবাত্যে যুক্কোল অলুং। মাত্তর্ স্বর্গত্তুন্ মরে এ কধাগান কুয়ো অলঅ, “সাত্‌টো দেবা পেরাগ্ যে কধাগান কলঅ সিয়েন গুমুরোত্ থঅ, ন-লিগিচ্।”

ফগদাং পেইয়্যে 14:13

সে পরেদি মুই একজনরে স্বর্গত্তুন্ কধে শুনিলুং, “এ কধাগান লেগ-ইক্কেত্তুন্ ধুরি যিগুনে প্রভু সমারে মিজেইনে মুরিবাক্ তারা বর্‌পেইয়্যে।” পবিত্র আত্মাগানে এ কধাগান কত্তে, “অয় তারা বর্‌পেইয়্যে। তারার্ কামত্তুন্ তারা জিরেন পেবাক্, কিয়া তারার্ কামর ফল তারা সমারে থেবঅ।”

ফগদাং পেইয়্যে 19:9

সে পরেদি সেই স্বর্গদূত্‌তো মরে কলঅ, “এ কধাগান লেগ, ‘ভেড়া-ছবোর্ মেলাত্ যিগুনোরে বাত্যেনা ওইয়্যে তারা বর্‌পেইয়্যে।’ ” তে এ কধাগানঅ কলঅ, “ইয়েন গোজেনর্ কধা আর সিয়েন সত্য।”

ফগদাং পেইয়্যে 2:1

ইফিষ শঅরর্ মন্ডলী দূত্‌তো ইধু এ কধাগান লেগ- যিবে তার ডেন্ আঢেদি সাত্‌টো তারা ধুরিনে সনার সাত্‌টো চেরাগ সংমধ্যে ঘুরি বেড়ায় তে এ কধাগান কর্:

ফগদাং পেইয়্যে 2:12

পর্গাম শঅরর্ মন্ডলী দূত্‌তো ইধু এ কধাগান লেগ- যে ধারেয়্যে ছুরিগানর্ দ্বিয়ো কিত্ত্যেদি ধার্ আঘে সিয়েনর অধিকারী এ কধাগান কত্তে:

ফগদাং পেইয়্যে 2:18

থুয়াতীরা শঅরর্ মন্ডলী দূত্‌তো ইধু এ কধাগান লেগ- গোজেনর্ পুয়ো, যিবের্ চোগ্‌‌কুন আগুনো জিলো ধোক্ক্যেন আর টেঙানি ভারী চক্‌চোক্ক্যে পিদোল ধোক্ক্যেন তে এ কধাগান কর্:

ফগদাং পেইয়্যে 2:24

ও থুয়াতীরার মানুচ্চুন্, তুমি যিগুনে সেই শিক্ষ্যে মজিম ন-চলঅ আর যিবেরে শদানর্ সেই গভিন্ শিক্ষ্যে কুয়ো অয় সিয়েন কোই ন-পারঅ, তমারে মুই কঙর্: তমা উগুরে মুই অন্য কনঅ ভার্ ন-দিম।

ফগদাং পেইয়্যে 2:8

স্মুর্ণা শঅরর্ মন্ডলীর দূত্‌তো ইধু এ কধাগান লেগ- যিবে পত্তম আর থুম্, যিবে মোজ্জ্যে আর জেদা ওইয়্যে, তে এ কধাগান কত্তে:

ফগদাং পেইয়্যে 21:5

যিবে সেই সিংহাসনত্ বৈ এলঅ, তে কলঅ, “চঅ, মুই বেক্কানি নুয়ো গুরি বানাঙর্।” যেরেদি তে আরঅ কলঅ, “এ কধাগান লেগ, কিয়া এ কধানি বিশ্বেজ্ গুরিবার আর সত্য।”

ফগদাং পেইয়্যে 22:10

সে পরেদি তে মরে কলঅ, “এ বোইবোর্ বেক্ কধানি, অত্তাৎ গোজেনর্ কধানি তুই গুমুরোত্ ন-থোচ্, কিয়া সময়ান লুম্মেগি। যে অন্যেয় গুরিয়্যেবো, তে ইয়েনর্ পরেদিয়ো অন্যেয় গোরোক্;

ফগদাং পেইয়্যে 22:16

“মুই যীশু মঅ দূত্‌‌তোরে পাধেয়োং যেন তে তমা ইধু মন্ডলীগুনোত্যে ইয়েনি পৌইদ্যেনে সাক্ষি দি পারে। মুই দায়ূদোর গড়াগান আর বংশধর, বেন্যে পোত্যের্ জ্বোল্‌‌জোল্ল্যে তারা।”

ফগদাং পেইয়্যে 3:1

সার্দি শঅরর্ মন্ডলীর দূত্‌তো ইধু এ কধাগান লেগ- গোজেনর্ সাত্‌টো আত্মা আর সাত্‌টো তারা যিবে ধুরি আঘে তে এই কধাগান কর্: মুই তর্ কামর্ কধানি কোই পারং। জেদা আঘচ্ বিলিনে তর্ গম সুনাঙ্ আঘে, মাত্তর্ আজলে তুই মরা।

ফগদাং পেইয়্যে 3:14

লায়দিকেয়া শঅরর্ মন্ডলী দূত্‌তো ইধু এ কধাগান লেগ- যিবে আমেন, যে বিশ্বেজি আর সত্য সাক্ষী, যিবে গোজেনর্ সৃট্টির গড়াগান, তে এ কধাগান কর্: মুই তর্ কামর কধানি কোই পারং।

ফগদাং পেইয়্যে 3:4

মাত্তর্ সার্দিত তর্ এন্ কয়েক্কো মানুচ্‌ আঘন যিগুনে তারার্ কাবর-চুগোর্, অত্তাৎ চালচলনান্ কাজর্ ন-গরন্। তারা যগাজ্জ্যে মানুচ্‌ বিলিনে ধুব্ কাবর পিনিনে মঅ সমারে আঢাউদো গুরিবাক্।

ফগদাং পেইয়্যে 3:7

ফিলাদিল্‌ফিয়া শঅরর্ মন্ডলী দূত্‌তো ইধু এ কধাগান লেগ- যিবে পবিত্র আর সত্য, যাইধু দায়ূদোর চাবি আঘে, যিবে খুলিলে কেঅ বানি ন-পারে আর বানিলে কেঅ খুলি ন-পারে,