ফগদাং পেইয়্যে 1:1 - Chakma Bible

¹ এ বোইবো ভিদিরে যিয়েনি লেগা ওইয়্যে সিয়েনি যীশু খ্রীষ্টই ফগদাং গোজ্জ্যে। ইয়েনি বেক্কানি গোজেনে খ্রীষ্ট ইধু ফগদাং গোজ্জ্যে, যেন যেদক্কানি ঘটনা কয়েকদিনো ভিদিরে খামাক্কায় ঘুদিবাত্যে যার্ সিয়েনি তে তার চাগরুনোরে জানায়। খ্রীষ্ট তার দূত্‌তো পাধেইনে তার চাগর যোহনরে ইয়েনি বেক্কানি জানেয়্যে।

ফগদাং পেইয়্যে 1:1 ပူးပေါင်းရင်းမြစ်များ

গীতসংহিতা 25:14

লগেপ্রভুরে যিগুনে ভোক্তি গরন্ তারা ইদু তে তার্ হবর্ ন-পেইয়্যে উদ্দেশ্যগানি ফগদাং গরে, আর তার্ থিদেবর্ গোজ্যে সুদোমানি তে তারারে জানায়।

দানিয়েল 8:16

মুই এক্কো মান্‌‌জ্য রঅ শুনিলুং; সেই রবো ঊলয় ছড়া ভিদিরেত্তুন্ ডাগিনে কলঅ, “গাব্রিয়েল, এ দর্শনানর ভেদ্‌তান্ এ মানুচ্চোরে বুঝেই দে।”

দানিয়েল 9:21

মুই সেক্কেয়ো তবনা গরঙর্ এমন সময়োত্ আগ দর্শনত্ মুই যিবেরে দেখ্যং সেই গাব্রিয়েল দূতে সাজোন্যে উৎসর্বর সময়োত্ জোরে উরিনে মইদু এলঅ।

দানিয়েল 9:23

তুই তবনা আরাম্ভ গত্তে ন-গত্তে গোজেনে সিয়েনর জোব্ দিলো, আর সিয়েন মুই তরে জানেবাত্তে এচ্চ্যং, কিয়া তে তরে অমকদ কোচ্‌পেদঅ। সেনত্তে এ হবরান পৌইদ্যেনে তুই চিদে গুরি চাহ্ আর দর্শনান্ বুঝি লঅ।‌‌‌‌‌

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

যোহন 12:49

কিয়া মুই দঅ নিজোত্তুন্ কিচ্চু ন-কং, মাত্তর্ যে মরে পাধেয়্যে সেই বাবা নিজেই মরে উগুম্ গোজ্যে কি কি কুয়ো পুরিবো।

যোহন 15:15

মুই তমারে আর চাগর্ ন-কং, কিয়া গিরোজে কি গরে চাগরে সিয়েন্ কোই ন-পারে; বরং মুই তমারে সমাজ্যে কোইয়োং, কিয়া মঅ বাবাত্তুন্ যিয়েনি শুন্ন্যং সিয়েনি তমারে কোইয়োং।

যোহন 17:8

ইয়েনর্ কারণান্ অলঅ, তুই যিয়েনি যিয়েনি মরে কবাত্যে কোইয়োচ্ সিয়েনি মুই তারারে কোইয়োং। তারা সিয়েনি মানি লোইনে জদবদে হবর্ পেইয়োন্দে যে, মুই তত্তুন্ এচ্চ্যং, আর বিশ্বেজ্অ গোজ্জ্যন্দে যে, তুয়ই মরে পাধেয়োচ্।

যোহন 3:32

তে যিয়েন্ দেক্ক্যে আর শুন্ন্যে সিয়েনই সাক্ষ্য দে, মাত্তর্ কেঅ তার্ সাক্ষ্য মানি ন-লন্।

যোহন 8:26

তমা পৌইদ্যেনে কবার্ আর বিচের্ গুরি চেবার্ মর্ বোউৎ কিজু আঘে। মাত্তর্ যে মরে পাধেয়্যে তাইধু মিজে কধা নেই; মুই তাইধু যিয়েনি শুন্ন্যং সিয়েনি মান্‌জ্যরে কং।”

রোমীয় 16:25

যীশু খ্রীষ্ট পৌইদ্যেনে যে গম্ হবরান্ মুই প্রচার গরং সেই গম্ হবরান ভিদিরেদি তমারে থির্ গুরি রাগেবার খেমতা গোজেনর্ আঘে। ভালোক্ যুগ্ ধুরিনে গোজেনে তার্ গুমুরো উদ্দেচ্চ্যগান পৌইদ্যেনে কাররে ন-কয়,

গালাতীয় 1:12

মুই কনঅ মান্‌জ্যত্তুন্ সিয়েন ন-পাং বা কেঅ মরে সিয়েন ন-শিগায়, বরং যীশু খ্রীষ্ট নিজেই মইধু সিয়েন ফগদাং গোজ্জ্যে।

ইফিষীয় 3:3

তার্ গুমুরো উদ্দেচ্চ্যগান তে বিশেষ কধালোই মরে জানেয়্যে, আর এ বেপারান মুই তমা ইধু কম্ কধালোই লিগিলুং।

তীত 1:1

মুই পৌল গোজেনর্ চাগর আর যীশু খ্রীষ্টর্ এক্কো প্রচারক ওইয়োং, যেন মুই গোজেনর্ বেঈ লোইয়্যে মানুচ্চুনোরে বিশ্বেজর্ পধেদি আনি পারং, আর গোজেন-ভোক্তির্ সমারে যে সত্যগান আঘে সেই সত্যগানরে জানিবাত্যে তারারে সাহায্য গুরি পারং।

ফগদাং পেইয়্যে 1:19

ইয়েনত্যে তুই যিয়েনি দেগিলে, যিয়েনি ইক্কিনে ঘদের্ আর ইয়েনির্ পরেদি যিয়েনি ঘুদিবো সিয়েনি লিগি থঅ।

ফগদাং পেইয়্যে 1:9

মুই তমার ভেই যোহন; যীশু লগে মিজেইনে মুই তমা লগে একই দুঘ্, একই রেজ্য আর একই ধৈজ্জ্যর্ ভাগী ওইয়োং। গোজেনর্ কধানি আর যীশুর সাক্ষ্যগানি ফগদাং গোজ্জ্যং বিলিনে মরে পাট্‌ম দ্বীবোত্ নেযেইনে থুয়ো ওইয়্যে।

ফগদাং পেইয়্যে 17:1

যে সাতজন স্বর্গদূতো আঢত্ সাত্‌টো কদরা এলাক্ তারাত্তুন্ একজনে এইনে মরে কলঅ, “বজমান পানি উগুরে যে দাঙর্ বেশ্যেবো বৈ আঘে, আয়, মুই তার সাজা তরে দেগাং।

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”

ফগদাং পেইয়্যে 19:9

সে পরেদি সেই স্বর্গদূত্‌তো মরে কলঅ, “এ কধাগান লেগ, ‘ভেড়া-ছবোর্ মেলাত্ যিগুনোরে বাত্যেনা ওইয়্যে তারা বর্‌পেইয়্যে।’ ” তে এ কধাগানঅ কলঅ, “ইয়েন গোজেনর্ কধা আর সিয়েন সত্য।”

ফগদাং পেইয়্যে 21:2

যেরেদি মুই সেই পবিত্র শঅরানরে, অত্তাৎ নুয়ো যিরূশালেমানরে স্বর্গ ভিদিরেত্তুন্ আর গোজেন ইত্তুন লামি এত্তে দেগিলুং। বৌরে যেধোক্ক্যেন গুরি তা জামেইবোত্যে সাজা অয়, এই শঅরানরেয়ো ঠিগ্ সেধোক্ক্যেন গুরি সাজা ওইয়্যে।

ফগদাং পেইয়্যে 21:9

যে সাতজন স্বর্গদূতো আঢত্ শেজ্ সাত্‌তান আঘাত-ভরা সাত্‌টো কদরা এলঅ তারাত্তুন্ একজনে মইধু এইনে কলঅ, “আয়, মুই তরে বৌ, অত্তাৎ ভেড়া-ছবোর্ মোগ্‌কোরে দেগাং।”

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।

ফগদাং পেইয়্যে 22:16

“মুই যীশু মঅ দূত্‌‌তোরে পাধেয়োং যেন তে তমা ইধু মন্ডলীগুনোত্যে ইয়েনি পৌইদ্যেনে সাক্ষি দি পারে। মুই দায়ূদোর গড়াগান আর বংশধর, বেন্যে পোত্যের্ জ্বোল্‌‌জোল্ল্যে তারা।”

ফগদাং পেইয়্যে 22:6

যেরেদি সেই স্বর্গদুত্‌তো মরে কলঅ, এই বেক্‌ কধানি বিশ্বেজ্‌গুরিবার আর সত্য। প্রভু গোজেন, যিবে ভাববাদীগুনোরে দিইনে কধা কোইয়্যে তে তার্ দূত্‌তোরে পাধেই দিয়্যে, যেন কয়েক দিনো ভিদিরে যিয়েন খামাক্কায় ঘুদিবাত্যে যার্ সিয়েন সেই স্বর্গদূত্‌‌তো তা চাগরুনোরে দেগেই পারে।

ফগদাং পেইয়্যে 22:8

মুই যোহন ইয়েনি বেক্কানি শুন্ন্যং আর দেক্ক্যং। বেক্কানি শুনোনার্ আর চেবার পরেদি, যে স্বর্গদূত্‌তো মরে ইয়েনি দেগেল মুই তারে সালাম গুরিবাত্যে তা টেঙ উগুরে মাঢা নিগিরিলুং।

ফগদাং পেইয়্যে 22:9

মাত্তর্ তে মরে কলঅ, “থামা মুই তর্ আর তঅ বিশ্বেজি ভেইয়ুনোর, অত্তাৎ ভাববাদীগুনোর্ আর যিগুনে এ বোইবোর্ বেক কধানি পালান্ তারার্ চাগর সমাজ্যে। গোজেনরে সালাম গর্।”

ফগদাং পেইয়্যে 4:1

ইয়েন পরেদি মুই স্বর্গর এক্কান দুয়োর্ খুলো দেগিলুং। তূরী আবাজ ধোক্ক্যেন যিবের্ মুয়ো রবুয়ো আগেদি মুই শুন্ন্যং তে মরে কলঅ, “তুই ইধু উদি আয়। ইয়েনর্ পরেদি যিয়েনি হামাক্কায় ঘুদিবাত্যে যার্ সিয়েন মুই তরে দেগেম।”

ফগদাং পেইয়্যে 5:7

পরেদি সেই ভেড়া-ছবুয়ো এইনে যিবে সিংহাসনানত্ বৈ এলঅ তা ডেন্ আঢত্তুন্ বোইবো ললঅ।