গীতসংহিতা 97:2 - Chakma Bible

² তার চেরোকিত্তে মেঘে আর আন্ধারে ঘিরে; ধর্ম আর দোল্‌বিচেরর্ উগুরে তার সিংহাসনান্ থিয়্যেই আঘে।

গীতসংহিতা 97:2 ပူးပေါင်းရင်းမြစ်များ

পত্থম 18:25

ইয়েন্‌ তর্‌ পক্ষে সম্ভব নয়। গম্‌ আর ভান্ন্যেয় উগুরে এক বাবোত্যে বেবহার গুরিনে তারারে একলগে মারে ফেলানা তর্‌ পক্ষে এক্কুবারে সম্ভব নয়। গোদা পিত্‌থিমীয়ানর্‌ যিবে বিচেরর্ মালিক্‌ তে কি দোল্‌বিচের্‌ গুরি ন পারে?”

ইয়োব 23:14

তে মত্তেই যিয়েন ঠিগ্ গুরি রাগেয়্যে সিয়েনই গরে; এবাবোত্যে বোউত্ সল্লা তার্ এজঅ জমা রোইয়্যে।

ইয়োব 26:9

তে পূন্‌‌ণিমা চান মুয়োন ঢাগি দে, ‍ সিয়েন উগুরে তা মেঘ্‌কান ছিদি দে।

গীতসংহিতা 77:19

সাগর ভিদিরেন্দি তুই পথ গুরি দিলে, গভিন পানি ভিদিরেন্দি তুই পথ গুরি দিলে, মাত্তর্ তর্ টেঙর মাজারা দেগা ন-যায়।

গীতসংহিতা 89:14

সততা আর ন্যায়বিচের উগুরে তর্ সিংহাসনান্ থিয়্যেই আঘে; কোচ্‌পানা আর বিশ্বেজ্‌ছান তর্ আগেন্দি যায়।

গীতসংহিতা 89:15

বর্‌পেইয়্যে সেই মানুচ্চুন, যিগুনে সেই হুজির রগুন চিনোন্; ও লগেপ্রভু, তারা তর্ দোয়্যের চোগেদি রিনি চানালোই পহরত্ আঢাউদো গরন্।

গীতসংহিতা 99:4

যে রাজা ন্যায়বিচের কোচ্‌পায় তা খেমতাগানরে তুয়ই অদে অদে রাগেয়োচ্, যেনে তে গমেডালে বিচের গুরি পারে। তুয়ই যাকোব বংশ ইদু ন্যায়বিচের আর ধর্মগান অদে অদে রাগেয়োচ্।

যাত্রা 19:9

ইয়েন পরেদি লগেপ্রভু মোশিরে কলঅ‌, “মুই তঅ সমারে যেক্কে কধা কোম্‌ সেক্কে মানুচ্চুনে যেনে সিয়েনি শুনোন্ সেনত্যেই মুই এক্কান দাদঅ মেঘর্ ছাগ ভিদিরেত্তুন্‌ তমা ইদু এই‌ম। সেক্কে মানুচ্চুনে আমিঝে তঅ উগুরে পুরোপুরি বিশ্বেজ্ রাগেবাক্।” মানুচ্চুনে যিয়েনি কোইয়োন্‌ মোশি পরেদি সিয়েনি লগেপ্রভুরে জানেল।

যাত্রা 20:21

মানুচ্চুনে দূরোত্‌ ঠিয়্যেই রলাক্‌ আর মোশি গোজেন ইদু সেই ঘন মেঘ ইন্দি উজেই গেলঅ‌।

গম্ উপদেজ্ 16:12

রাজার তপ্পে অন্যেয় কাম গরানা এক্কান জঘন্য বেপার, কিত্তে ন্যায় কাম গুরিনে সিংহাসনান্ থির্ থায়।

নহূম 1:3

লগেপ্রভু সহজে বেজার্ ন-অয় আর তে খেমতান্দি দাঙর্; দুষীরে তে সাজা ন-দিইনে ইরি ন-দে। তা পথ্‌‌‌তান তুট্ট্যেবোইয়্যের্ আর ঝড় ভিদিরে থায়, আর মেঘ্‌‌‌কান অলঅ তার টেঙর্ ধূল্যে।

রোমীয় 11:33

গোজেনর্ ধন ন-পুরেইয়্যে। তার্ জ্ঞান আর বুদ্ধি কত্তমান্ গভীন্! তার্ বিচের্ আর তার্ বেক্ কামানি বুঝোনা অসম্ভব।