গীতসংহিতা 97:10 - Chakma Bible

¹⁰ যিগুনে লগেপ্রভুরে কোচ্‌পান তারা অন্যেয়ানরে ঘিনাদোক্; তেয়ই দঅ তা ভক্তগুনোর্ পরাণানি রোক্ক্যে গরে আর পাজিগুনোর আঢত্তুন্ তারারে উদ্ধোর্ গরে।

গীতসংহিতা 97:10 ပူးပေါင်းရင်းမြစ်များ

গীতসংহিতা 101:3

মুই বজঙ্ কনঅ কিজু মঅ চোগো মুজুঙোত্ ন-রাগেবে। বজঙ্ পধেদি যেয়্যে মানুচ্চুনোর কামানি মর্ চোগোছাল্; সিয়েনিয়ে মরে আক্‌সো রাগেই ন-পারিবো।

গীতসংহিতা 119:104

তর্ সুদোমানিত্তুন্ মুই বিচেরবুদ্ধি পাং, সেনত্তে মুই বেক্ মিজে পধেন্দি যানাগান ঘিনাং।

গীতসংহিতা 119:163

মিজেগানরে মুই ঘিনাং, জঘন্য মনে গরং, মাত্তর্ তঅ উগুমানি মুই গম পাং।

গীতসংহিতা 121:7

বেক্ ফি-গানিত্তুন্ লগেপ্রভু তরে রোক্ষ্যে গুরিবো; তে তঅ পরাণান্ রোক্ষ্যে গুরিবো।

গীতসংহিতা 125:3

গোজেন ভক্ত মানুচ্চুনে যেনে অন্যেয় কামত্ আত্ ন-দুয়োন্ সেনত্তে গোজেনর দিয়্যে তারা দেজ্‌ছান উগুরে পাজিগুনোরে রাজাগিরি গুরিবাত্তে দিয়্যে ন-অবঅ।

গীতসংহিতা 145:20

যিগুনে লগেপ্রভুরে কোচ্‌পান বেক্কুনোরে তে রোক্ক্যে গরে, মাত্তর্ বেক্ পাজিগুনোরে তে ভস্ত গুরি ফেলেব।

গীতসংহিতা 31:23

ও বেক্ গোজেন ভক্ত মানুচ্চুন, তুমি লগেপ্রভুরে কোচ্‌পেয়ো। লগেপ্রভু বিশ্বেজিগুনোরে রোক্ষ্যে গরে মাত্তর্ বার্‌বোগুনোরে তে জদবদে সাজা দে।

গীতসংহিতা 34:14

ভান্ন্যেই কামত্তুন্ দূরোত্ থাগ, গম্ কাম গরঅ; শান্তিত্তে আওজি অ আর তার্ পিজেদিগান্ ন-ছাজ্য।

গীতসংহিতা 36:4

বিচ্চোনত্ পুরিনেয়ো তারা বজং বুদ্ধি গরন্; তারা অন্যেয় পধেদি নিজোরে ছাড়ি দুয়োন্ আর ভান্ন্যেইয়ানি কোচ্‌পান্।

গীতসংহিতা 91:14

লগেপ্রভু কোইয়্যেদে, “কোচ্‌পানালোই যে মরে আজাবোধে ধোজ্যে, তারে মুই রোক্ষ্যে গুরিম; মুই তারে দজাত্ ন-ফেলেম, কিত্তে তে মরে ঘেচ্ছেক্‌গুরি চিন্যে।

গম্ উপদেজ্ 2:8

যেন তে দোল্ বিচের গুরি পারে, আর তা ভক্তগুনোর্ পথ্‌তানি রোক্ষ্যে গুরি পারে।

গম্ উপদেজ্ 3:7

তঅ নিজো চোগেদি জ্ঞানি ন-ওচ্; লগেপ্রভুরে ভোক্তিগুরিনে দোরেচ্, ভান্ন্যেই কামত্তুন্ দূরোত্ যাহ্।

গম্ উপদেজ্ 8:13

লগেপ্রভুরে ভোক্তি গুরিনে দরানা মানে পাজি কামানিরে ঘিনেনা; বার্‌বো গরানা, বার্‌বো কধা, বজং বেবহার আর বেঙা টেরা কধানি মুই ঘিনেং।

যিশাইয় 45:17

মাত্তর্ গোজেনে ইস্রায়েলরে উমরত্তে উদ্ধোর্ গুরিবো; তুমি কনঅ কালত্ লাজত্ ন-পুরিবা বা অগমান ন-পেবা।

যিরমিয় 15:21

মুই তরে পাজিগুনোর আঢত্তুন রোক্ষ্যে গুরিম আর চিৎকলিজে নেইয়্যেগুনোর মুদোত্তুন উদ্ধোর্ গুরিম।”

দানিয়েল 3:28

সেক্কে নবূখদ্‌নিৎসরে কলঅ, “শদ্রক, মৈশক আর অবেদ্‌-নগোর গোজেনর বাঈনী ওক্, যিবে তা স্বর্গদূত্বোরে পাধেইনে তা চাগরুনোরে উদ্ধোর্ গুরিলো। ইগুনে তা উগুরে বিশ্বেজ্ গুরিনে রাজার উগুমান ন-পালান্ আর তারার্ নিজো গোজেন বাদে অন্য কনঅ দেবেদারে সেবা আর পূজো গরানার বদলে মুরিবাত্তেয়ো রাজি এলাক্।

দানিয়েল 6:22

মর্ গোজেনে তার্ দূত পাধেইনে সিংহগুনোর মুয়োনি বানি দিয়্যে। তারা মরে আঘাত্ ন-গরন, কিত্যে গোজেনর চোগেদি মুই নিদ্দুযি এলুং। ও মহারাজ, তঅ মুজুঙোত্অ মুই কনঅ দুষ ন-গরং।”

দানিয়েল 6:27

তে রোক্ষ্যে আর উদ্ধোর গরে; তে আগাজত্ আহ্ পিত্‌‌থিমীত্ চিহ্নো ইজেবে নানান্ বাবোত্যে আমক্ কাম গরে। তে সিংহগুনো আঢত্তুন্ দানিয়েলরে রোক্ষ্যে গোজ্যে।

আমোষ 5:14

তুমি যেনে বাঁজি থেই পারঅ সেনত্তে গম্ পধেদি যঅ, ভান্ন্যেয় পধেদি নয়; সালে যেবাবোত্যে তুমি কোই থাগঅ সেবাবোত্যে বেগত্তুন্ খেমতাবলা গোজেন লগেপ্রভু ঘেচ্চেকগুরি তমা লগে লগে থেবঅ।

আমোষ 5:15

ভান্ন্যেয়ানরে ঈচ্ গরঅ, গমানরে কোচ্‌পঅ; শঅর গেদোত্ ন্যায়বিচের্ রোক্ষ্যে গরঅ। অয়ত ইস্রয়েলর বাঁজি থেইয়্যে মানুচ্চুনো উগুরে বেগত্তুন্ খেমতাবলা গোজেন লগেপ্রভু দোয়্যে গুরিবো।

রোমীয় 12:9

কোচ্‌পানা ভিদিরে ভন্ডামি ন-থোক্। যিয়েন ভান্ন্যেই সিয়েন ঈচ্ গরঅ; যিয়েন গম্ সিয়েন দরমর গুরি ধুরি রাগঅ।

রোমীয় 7:15

মুই যে কি গরং সিয়েন মুই নিজেই ন-বুঝোং, কিয়া মুই যিয়েন গুরিবাত্তে চাং সিয়েন ন-গরং বরং যিয়েন ঘিনাং সিয়েনই গরং।

রোমীয় 7:24

কি পড়া-কবাল্ল্যে মানুচ্‌ মুই! মঅ ভিদিরে এই যে পাপ-খাচ্চ্যত্ যিয়েনে মরণ আনে, সিয়েন আঢত্তুন্ কন্না মরে রোক্ষ্যে গুরিবো?

১ করিন্হীয় 8:3

মাত্তর্ যে গোজেনরে কোচ্‌পায়, গোজেনে তারে জানে।

২ থিষলনীকীয় 3:2

আরঅ তবনা গোজ্জ্য যেন আমি বিবেক্ নেইয়্যে আর শদান মানুচ্চুনো আঢত্তুন্ রোক্ষ্যে পেই, কিয়া বেক্‌ মানুচ্চুনোর্ যে বিশ্বেজ্‌চান আঘে সিয়েন নয়।

যাকোব 1:12

পোরোক্ষ্যের্ সময়োত্ যে ধৈয্য ধরে তে বর্ পেইয়্যে, কিয়া যগাজ্জ্যে প্রমাণ অলে পরেদি জিদেনার্ মালা ইজেবে তে জিংকানি পেবঅ। গোজেনরে যিগুনে কোচ্‌পান তারারে তে এ জিংকানিগান দিবার এগেম্ গোজ্জ্যে।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;

১ যোহন 4:19

তে পত্তমে আমারে কোচ্‌পেইয়্যে বিলিনে আমি কোচ্‌পেই।

১ যোহন 5:18

আমি কোই পারিই, গোজেনত্তুন্ যিবের জর্ম ওইয়্যে তে পাপত্ পড়ি ন-থায়। যিবে গোজেনত্তুন্ জোর্মেয়্যে তেয়ই তারে রোক্ষ্যে গরে, আর শদানে তারে ধুরি ন-পারে।

ফগদাং পেইয়্যে 13:8

যিগুনে এ পিত্‌থিমীর, অত্তাৎ যিগুনোর্ নাঙান্ ভেড়া-ছবোর্ জিংকানি-বোইবোত্ লেঘা নেই তারা বেক্কুনে সেই য়েমান্নোরে গোজেনর্ সর্মান দিইনে সালাম গুরিবাক্। এই ভেড়া-ছবোরে পিত্‌থিমীগান সৃট্টি গুরিবার আগে মারে ফেলেবাত্যে ঠিগ্ গরা ওইয়্যে।