গীতসংহিতা 96:9 - Chakma Bible

⁹ লগেপ্রভুর মহিমাবলা পবিত্রগানর কধা ভাবিনে তারে শ্রদ্ধা জানঅ; পিত্‌থিমীর বেক মানুচ্চুন্, তুমি তা মুজুঙোত্ গির্‌রে উদো।

গীতসংহিতা 96:9 ပူးပေါင်းရင်းမြစ်များ

২ বংশধর 29:28

গানগেইয়্যেগুনে গান গেবাত্তে আর তূরী বাজেয়্যেগুনে তূরী বাজেইলে বেক্‌ মানুচ্চুনে মাদিত্‌ মাধা নিগিরিনে লগেপ্রভুরে ভোক্তি জানেলাক্‌। পূজ্যে-উৎসর্বর পরব্‌পান থুম্‌ ন-অনা সং ইয়েনি বাজেলাক্‌।

২ বংশধর 29:29

উৎসর্বর পরব্‌পান থুম্‌ অনার্‌ পরেন্দি রাজা আর তা সমারে বেক্কুনে আদু পাদিনে লগেপ্রভুরে ভোক্তি জানেলাক্‌।

২ বংশধর 29:30

রাজা হিষ্কিয় আর তার্‌ কাম্‌গুরিয়্যেগুনে দায়ূদোর্‌ আর চেইচিদিয়্যে আসফর রোজেয়্যে-গান্‌নোলোই লগেপ্রভুর নাঙে বাঈনী গুরিবাত্তে লেবীয়গুনোরে উগুম্‌ দিলো। সেক্কে তারা হুজি ওইনে নাঙ গিনেদে-গান গেলাক্‌ আর মাদিত্‌ মাধা নিগিরিনে লগেপ্রভুরে ভোক্তি জানেলাক্‌।

ইষ্রা 7:27

আমা পূরোণি মানুচ্চুনোর গোজেন লগেপ্রভুর বাঈনী ওক্। যিরূশালেমত্ লগেপ্রভুর ঘর উগুরে এবাবোত্যেগুরি সর্মান দেগেবার মনভাব তেয়ই রাজার্ মনত্ জাগেয়্যে।

গীতসংহিতা 110:3

যুদ্ধোত্ তঅ মানুচ্চুনে নিজে যুদ্ধো গুরিবাত্তে এবাক্; পবিত্রগুরি সাজিসাজাই বেন্যেপোত্যে যেবাবোত্যে শিরোপানি, সেদোক্ক্যেন্ তইদু তঅ গাবুজ্যেগুনে।

গীতসংহিতা 114:7

ও পিত্‌থিমীগান, প্রভুর মুজুঙোত, যাকোব গোজেন মুজুঙোত্ গির্‌গিরে উদো।

গীতসংহিতা 29:2

তুমি লগেপ্রভুর বাঈনীগান্ ফগদাঙ্ গরঅ; তার্ মহিমাবলা পবিত্র কধানি ভাবিনে তারে শ্রদ্ধা জান।

গীতসংহিতা 33:8

পিথ্‌‌তিমীর বেক্ মানুচ্চুনে লগেপ্রভুরে ভোক্তি গোরোদোক্, জগদ মানুচ্চুনে বেক্কুনে তা দরে গির্‌গিরাদোক্;

গীতসংহিতা 76:11

তুমি তমার গোজেন লগেপ্রভুর ইদু মানত্ গর আর মান্যেগানি ছিরো। যিবে দর্‌গরেপারা তার নাঙে চেরোকিত্তে দেজত্তুন্ মানুচ্চুনে বক্‌শিজ্ আনোদোক্।

গীতসংহিতা 76:7

তুই, তুই অমকদ দর্‌গরেপারা; তঅ রাগ্‌কান উদিলে কন্না তঅ মুজুঙোত্ থিয়্যেই পারে?

গীতসংহিতা 99:1

লগেপ্রভুই রাজা; বেক জাদ্‌তুনে গির্‌গিরে উদোদোক্। তে স্বর্গদূত্‌তুনো উগুরে সিংহাসনত্ বুজি আঘে; পিত্‌থিমীগান টলমল গোরোক্।

যিহিষ্কেল 7:20

তারার্ দোল্ সোনানিলোই তারা বাড়্‌বো গুরিদাক্ আর সিয়েনিলোই তারার্ জঘন্য মূত্তি আর মূত্তিগুন বানেদাক্। সেনত্তে মুই তারাত্তে সিগুন অসিজি গুরি দিম্।

দানিয়েল 11:45

সাগর আর দোল্ সুদ্ধো-সাংগ মুড়োবোর্ সংমোধ্যে তে তার্ রাজ-তাম্বুলান্ টাঙেব। তো তার শেজ্ আজিলান্ অবঅ, কনজনে তারে বল্ ন-দিবাক্।