গীতসংহিতা 94:8 - Chakma Bible

⁸ বাজে মনর্ মানুচ্চুন, তুমি কান পাদঅ; ও চিদে নেইয়্যে মানুচ্চুন, কমলে তমার গম্ বুদ্ধি অবঅ?

গীতসংহিতা 94:8 ပူးပေါင်းရင်းမြစ်များ

গীতসংহিতা 49:10

জ্ঞানি মান্‌জ্যেয়ো যে মুরি যায় সিয়েন বেক্কুনে হবর্ পান; যিগুনোর বিবেচনা নেই আর যিগুনোর মনানি বাজে ধরনর্ তারা একইভাবে ভস্ত অন; তারার ধনানি তারা অন্যগুনোত্তে থোই যান।

গীতসংহিতা 73:22

সেক্কেনে মুই বাজে আর অবুঝুনোর্ ওইয়োং আর তইদু বুদ্ধিনেইয়্যে য়েমান ধোক্ক্যেন ওইয়োং।

গীতসংহিতা 92:6

যিবের মনান্ বাজে তে সিয়েন হবর্ ন-পায়; যিবের মনত্ বিবেচনা নেই তে সিয়েন বুঝি ন-পারে।

গম্ উপদেজ্ 1:22

ভুল্ মানুচ্চুন, আর কয়দিন তুমি তমার ভুলো কামানি গম্‌পেবা? যিগুনে ঈচ্ গরন তারা আর কয়দিন তারা ইদু রঙ্গ-ফুত্তি পেবাক্? যিগুনোর চিদে চজ্জা নেই তারা আর কয়দিন জ্ঞানানরে ঘিনেবাক্?

গম্ উপদেজ্ 12:1

যে মানুচ্চো শাজন্ গমপায় তে জ্ঞান গম পায়, মাত্তর্ যে মানুচ্চো সংশোধনর কধা ঘিনেই তে য়েমান ধোক্ক্যেন্।

গম্ উপদেজ্ 8:5

ভুল্ মানুচ্চুন, চালাগ্ অবাত্তে বুদ্ধি গরঅ; জ্ঞাননেইয়্যে মানুচ্চুন্, বিচেরবুদ্ধি শিগো।

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যিরমিয় 10:8

তারা বেক্কুনে জ্ঞাননেইয়্যে আর ভুল্। তারার মূত্তিগুন দঅ তক্তালোই বানেয়্যে, সিগুনে কেধোক্ক্যেন গুরি শিক্ষ্যে দিবাক্?

রোমীয় 3:11

কেঅ সত্য জ্ঞান্দোই ন-চলে, কেঅ গোজেনর্ আওজ্ মজিম কাম্ ন-গরে।

দ্বি’লম্বর বিররণ 32:29

বুদ্ধি থেলে এই কধাগান তারা বুঝিদাক, বুঝিদাক তারার শেজ্‌ দজাগান কি অবঅ।

তীত 3:3

আমিয়ো আগে বুদ্ধি-নেইয়্যে আর অবাধ্য এলং, ভুল্ পধেদি চলিদোং, সুগী আর নানান্ বাবোত্যে কামনা-বাসনার চাগর্ এলং। আমি অন্যরে ইংসে গুরিদোং আর ক্ষোতি গুরিবার চিন্তেলোই জিংকানি কাদেদং। নিজে অন্যগুনোত্তুন্ ঈচ্ গরা হেইয়্যে অলেয়ো আমি একজন অারেক জনরে ঘিনেদং।