গীতসংহিতা 94:7 - Chakma Bible

⁷ তারা কদন্দে, “ইন্দি লগেপ্রভুর চোগ্ নেই; যাকোবর গোজেনে খিয়েল্ ন-গরে।”

গীতসংহিতা 94:7 ပူးပေါင်းရင်းမြစ်များ

গীতসংহিতা 59:7

চাহ্, তারা মুয়োন্দি কি বেক্ কধানি নিগিলেয়োন্, তারার ঠুদোত্তুন যেন লাম্বা ছুরি নিগিলি এজের্; তারা কদন, “আমা কধানি কনজনে ন-শুনিবাক্।”

যিশাইয় 29:15

অভিশাব্ পোড়োক্ সেই মানুচ্চুনোর্, যিগুনে লগেপ্রভু ইত্তুন্ তারার্ পরিকল্পনাগানি লুগেবাত্তে জদবদে চেট্ট্যা গরন্। তারা আন্ধারত্ তারার্ কামানি গরন্ আর ভাবন্, “কন্না আমারে দেখ্যে? কন্না কোই পারিবো?”

যিশাইয় 47:10

তর্ সেই পাজিগান উগুরে তুই বিশ্বেজ্ গরর্ আর কোইয়োচ্চ্যে, কনজনে মরে ন-দেগদন্। তর্ জ্ঞান আর বুদ্ধিগানে তরে ভান্ন্যেই পধেদি নেযেয়্যে; তুই মনে মনে কোইয়োচ্চ্যে, বানা মুয়ই আগং, মুই বাদে আর কনজন নেই।

যিহিষ্কেল 8:12

তে মরে কলঅ, “ও মান্‌‌জ্যর পুয়োবো, ইস্রায়েলীয়গুনোর বুড়ো নেতাগুনে আন্ধারত্ পত্তিজনে নিজোর্ নিজোর্ ঘরত্ মূত্তিগুনো ইধু কি গত্তন্ সিয়েন কি তুমি বুঝি পাজ্য? তারা কদন্, ‘লগেপ্রভু আমারে ন-দেগে, কিত্যে তে দেজ্‌‌‌চান ছাড়ি যেয়েগোই।’”

যিহিষ্কেল 9:9

তে জোবত্ মরে কলঅ, “ইস্রায়েল আর যিহূদার মানুচ্চুনোর পাপ অমকদ বেশ্; দেজ্‌‌‌‌‌‌চান লো-লোই ভরা আর শঅরান্ অন্যেয় কামত্ ডুবি যেইয়্যে। তারা কন্দে, ‘লগেপ্রভু এ দেজ্‌‌‌‌‌‌‌চান ছাড়ি যেইয়্যে; সেনত্তে তে ইয়েনি ন-দেগে।’

সফনিয় 1:12

সে সময়োত্ মুই চেরাগ্‌‌কোই যিরূশালেমর বেক জাগানিত্ তোগেম্ আর যিগুনে নিজোরে নিইনে হুজি থান্ আর কন্, ‘লগেপ্রভু গম্-ভান্ন্যেই কিচ্ছু ন-গুরিবো,’ তারারে মুই সাজা দিম্।