গীতসংহিতা 94:16 - Chakma Bible

¹⁶ কন্না মর্ পক্ষ ওইনে পাজিগুনোর বিরুদ্ধে কধা কবঅ? মর্ পক্ষ ওইনে অন্যেয়গুরিয়্যেগুনোর বিরুদ্ধে কন্না কধা কবঅ?

গীতসংহিতা 94:16 ပူးပေါင်းရင်းမြစ်များ

২ রাজাবলী 10:15

সিয়োত্তুন্‌ যানার পরেন্দি রেখবর পুয়ো যিহোনাদবর লগে যেহূর দেগা অলঅ। তে যেহূর লগে দেগা গুরিবাত্তে এইচ্ছ্যে। যেহূ তারে ভালেদি জানেইনে কলঅ, “মুই যেধোক্ক্যেন্‌ তমা পক্ষেন্দি আগং সেধোক্ক্যেন্‌ তুইয়ো কি মর্‌ পক্ষেন্দি আগচ্‌?” জোবত্‌ যিহোনাদবে কলঅ, “অয়, আগং।” যেহূ কলঅ, “যুনি সিয়েনই অয় সালে তর্‌ আত্তান্‌ বাবেই দে।” যিহোনাদবে সিয়েনই গুরিলো আর যেহূ তারে রথ্‌তানত্‌ তুলি নিলো।

২ রাজাবলী 9:32

যেহূ সেক্কে উগুরে জান্দালানন্দি চেইনে কলঅ, “মঅ পক্ষেন্দি কন্না আঘে? কন্না আঘে?” সেক্কে দুই-তিন জন রাজঘরত্ কামগুরিয়্যে উগুরেত্তুন্‌ তাইন্দি চেলাক্‌।

নহিমিয় 5:7

মুই তারার্‌ কধানি মনে মনে ভাবি চেলুঙ্‌ আর সে পরেন্দি মুরুব্বী মানুচ্চুনোরে আর নেতাগুনোরে দুষ্‌ ধুরিনে কলুঙ্‌, “তুমি তমার্‌ নিজো দেজর্‌ মানুচ্চুনোর্‌ ইত্তুন্‌ সুদ আদায় গোজ্য।” সেনত্তেই মুই তারার্‌ বিচের্‌ গুরিবাত্তে দাঙর্‌ এক্কো মিটিং ডাগিলুঙ্‌।

গীতসংহিতা 118:6

লগেপ্রভু মঅ তপ্পে আঘে, মুই নঅ-দোরেম্; মান্‌জ্যে মরে কি গুরি পারন্?

গীতসংহিতা 17:13

ও লগেপ্রভু, তুই উঠ্, তারারে থামা, তারারে মাদিত্ ফেলেেই দে। তর্ লাম্বা ছুড়িলোই পাজিগুনোর্ আঢত্তুন মরে উদ্ধোর্ গর্।

গীতসংহিতা 59:2

যিগুনে বজং কাম গুরি বেড়ান্ তারার আঢত্তুন্ মরে উদ্ধোর গর্; খুন গুরিয়্যেগুনোর আঢত্তুন মরে বাঁজা।

যিশাইয় 59:16

তে দেগিনে আমক্ অলদে, ন্যায়বিচেরর্ তপ্পে থিয়্যেবার কনজন নেই; সেনত্তে তে তার খেমতাবলা আঢ্‌‌‌তান্দোই উদ্ধোরর্ কামানি গুরিলো আর এ কামানত্ তার ন্যায্যতাগানে তারে সাহায্য গুরিলো।

যিশাইয় 63:5

মুই রিনি চেলুং, মাত্তর্ সাহায্যগুরিয়্যে কাররে ন-পেলুং; মুই আমক্ অলুং, কনজনে মরে সাহায্য ন-গুরিলো। সেনত্তে মুই নিজো খেমতালোই উদ্ধোরর্ কামানি গুরিলুং, আর মঅ রাগ্‌কানে মরে উচ্চোমি দিলো। ‌‍

যিরমিয় 5:1

লগপ্রভু কোইয়্যেদে, “তুমি যিরূশালেমর পথ্‌তানিত্ এ মাঢাত্তুন উ মাঢাত্ আর চেরোকিত্তে রিনি চঅ। সিদুগোর্ শঅর্-চক্করুনোত্ যেইনে তোগেই নেযঅ। চঅ, যুনি এমন কাররে পঅ যে ন্যায়ভাবে আর গমেডালে চলের্ সালে মুই এ শঅরানরে খেমা গুরি দিম।‌‌

যিহিষ্কেল 22:30

“মুই তারা ভিদিরে এমন এক্কো মান্‌‌‌‌‌‌‌‌‌‌‌‌‌জ্যরে তোগেলুং, যে দেবালান্ তুলি দিবো আর দেজর্ তপ্পে ওইনে দেবাল ফাগ ভিদিরে মঅ মুজুঙোত্ থিয়্যেব যেনে মত্তুন্ দেজ্‌‌‌‌‌‌‌‌‌‌‌‌‌‌চান ভস্ত গরা ন-পড়ে, মাত্তর্ কাররে ন-পেলুং।

গণাণা 10:35

যেক্কে সাক্ষ্য-সুন্দুক্কো যাহ্ ধুরিদো সেক্কে মোশি কদঅ, “ও লগেপ্রভু, উঠ্‌। তর্‌ শত্রুগুনে বেক্কুন ছিদি পোত্তোক্‌ আর যিগুনে তরে ঘিনাইদে চোগেন্দি দেগন্‌ তারা তর্‌ মুজুঙোত্তুন্‌ ধেই যাদোক।”

মথি লেখ্যে গম্ হবর্ 12:30

যুনি কনজনে মঅ পক্ষে ন-থায় সালে তে মঅ বিপক্ষে আঘে। যে মঅ সমারে ন-কুড়োই তে ছিদি দে।

৩ যোহন 1:8

সেনত্যে এবাবোত্যে মানুচ্চুনোরে এজাল্ দেনা আমার উচিত, যেন গোজেনর্ সত্যগানত্যে আমিয়ো তারার্ কামঅ সমাজ্জ্যে ওই।

বিচের গুরিয়্যেগুন 5:23

লগেপ্রভুর দূত্তো কলঅ, মেরোসরে অভিশাব দে, জদবদেগুরিনে অভিশাব দে সে জাগার মানুচ্চুনোরে; তারা কনজনে যুদ্ধোত্‌ লগেপ্রভু লগে ন-মিজেন্‌, ন-মিজেন্দোই বোলীবন্দগুনোর বিরুদ্ধে।