গীতসংহিতা 92:6 - Chakma Bible

⁶ যিবের মনান্ বাজে তে সিয়েন হবর্ ন-পায়; যিবের মনত্ বিবেচনা নেই তে সিয়েন বুঝি ন-পারে।

গীতসংহিতা 92:6 ပူးပေါင်းရင်းမြစ်များ

গীতসংহিতা 104:24

ও লগেপ্রভু, তুই ভালোক্কানি বানেয়োচ্; তর্ জ্ঞান্দোই সিয়েনি বানেয়োচ্; তর্ বানেয়্যে জিনিজে দুনিয়্যেগান ভরা।

গীতসংহিতা 139:14

মুই তরে বাঈনী গরং, কিত্তে মুই অমকদ আমক্ ওইদ্যে ধোক্ক্যেন ওইয়োং; আমক্ অবার্ তর্ বেক্ কামানি, মুই সিয়েন গমেডালে হবর্ পাং।

গীতসংহিতা 14:1

যিগুনোর্ মনানি বাজে তারা মনে গরন্দে গোজেন বিলিনে কনজন নেই। তারার্ খাচ্চ্যত্‌তানি বর্‌বাদ ওই যেইয়্যে, তারার্ কামানি জঘন্য; গম্ কাম্ গরন এবাবোত্যে কনঅ মানুচ্ নেই।

গীতসংহিতা 32:9

তুমি ঘোড়া বা গাধা ধোক্ক্যেন ন-ওয়ো যিগুনোর বুঝিবার খেমতা নেই; মুয়োত্ লাগাম আর দুড়িলোই তারারে দোঙেই রাগা পড়ে, সিয়েনি ন-দিলে তারা তমা ইদু ন-এবাক্।

গীতসংহিতা 49:10

জ্ঞানি মান্‌জ্যেয়ো যে মুরি যায় সিয়েন বেক্কুনে হবর্ পান; যিগুনোর বিবেচনা নেই আর যিগুনোর মনানি বাজে ধরনর্ তারা একইভাবে ভস্ত অন; তারার ধনানি তারা অন্যগুনোত্তে থোই যান।

গীতসংহিতা 73:22

সেক্কেনে মুই বাজে আর অবুঝুনোর্ ওইয়োং আর তইদু বুদ্ধিনেইয়্যে য়েমান ধোক্ক্যেন ওইয়োং।

গীতসংহিতা 75:4

“মুই বার্‌বোগুনোরে কং, ‘বার্‌বো ন-গোজ্য,’ আর পাজিগুনোরে কং, শিঙুন্ ন-পাত্যেয়ো।

গীতসংহিতা 94:8

বাজে মনর্ মানুচ্চুন, তুমি কান পাদঅ; ও চিদে নেইয়্যে মানুচ্চুন, কমলে তমার গম্ বুদ্ধি অবঅ?

গম্ উপদেজ্ 1:22

ভুল্ মানুচ্চুন, আর কয়দিন তুমি তমার ভুলো কামানি গম্‌পেবা? যিগুনে ঈচ্ গরন তারা আর কয়দিন তারা ইদু রঙ্গ-ফুত্তি পেবাক্? যিগুনোর চিদে চজ্জা নেই তারা আর কয়দিন জ্ঞানানরে ঘিনেবাক্?

গম্ উপদেজ্ 24:7

জ্ঞানান্ বাজে-বিবেক্ মান্‌জ্যর নাগাল বারেদি; শঅর-গেদো তেম্মাঙত্ তার কিজু কবার যোগ্যতা ন-থায়।

গম্ উপদেজ্ 30:2

ঘেচ্চেক্‌‌গুরি মুই মানুচ্ অলেয়ো মঅ বুদ্ধিগান য়েমান ধোক্ক্যেন্; মান্‌‌জ্যর যে বিচের বুদ্ধিগান আঘে সিয়েন্‌অ মর্ নেই।

যিশাইয় 1:3

গোরুবো তা গিরোজ্‌ছোরে চিনে, গাধাবোয়ো তা গিরোজ্‌ছোর ঘাস খাজাবো চিনে; মাত্তর্ ইস্রায়েলে তা গিরোজ্‌ছোরে ন-চিনে, মঅ মানুচ্চুনে মরে ন-বুঝোন্।”

যিশাইয় 28:29

এ বেক্ জ্ঞানানি বেগত্তুন্ খেমতাবলা লগেপ্রভু ইত্তুন্ এজে। তার সল্লাগান্ আমক্ অবার আর তা জ্ঞানান্ দোল্।

যিশাইয় 55:9

দেবাবো যেধোক্ক্যেন পিত্‌থিমীত্তুন বোউত্ অজলত্, সেধোক্ক্যেন মঅ পথ্‌তান তমা পথ্‌তানত্তুন, মর্ চিদে চজ্জানি তমা চিদে চজ্জাত্তুন্ বোউত্ দাঙর্।‍‌‌‍‍‍‍‍‍

যিরমিয় 10:14

বেক্ মানুচ্চুন জ্ঞান নেইয়্যে আর ভুল্; পত্তি সনাবান্যে তা মূত্তিগুনোত্তে লাজ্ পায়। তার ছাজনিলোই ঢাল্যে মূত্তিগুন মিজে, সিগুনো ভিদিরে নিজেস্ নেই।

যিরমিয় 32:19

তর্ উদ্দশ্যগান দাঙর্ আর তর্ বেক কামানি খেমতাবলা। মান্‌‌জ্যর বেক চালচলনর্ ইন্দি তঅ চোগ্‌‌‌‌কুন খুলো রাগেয়োচ্; তুই পত্তিজনরে তার চালচলনর্ আর কামর্ ফল দি থাচ্।

লূকে লেখ্যে গম্ হবর্ 12:20

মাত্তর্ গোজেনে তারে কলঅ, ‘ও ভুলো, এইচ্চ্যে রেদোত্ তত্তুন্ মরা পুরিবো। সালে যেদক্কানি জিনিস্ তুমি থুবেইয়ো সিয়েনি কন্না ভোগ্ গুরিবো?’ ”

১ করিন্হীয় 2:14

যে মানুচ্চো আত্মিক নয় তে গোজেনর্ আত্মাত্তুন্ যিয়েনি এজে সিয়েনি মানি ন-লয়, কিয়া সিয়েনি তা ইধু মূর্খতা। সিয়েনি তে বুঝি ন-পারে, কিয়া পবিত্র আত্মাগানে শিক্ষ্যে ন-দিলে সিয়েনি পোরোক্ষ্যে গুরি দেগা ন-যায়।