গীতসংহিতা 92:14 - Chakma Bible

¹⁴ শেজ্ বয়জত্‌অ তারা ফল দিবাক্; তারা রসিক্ আর ফোত্‌পোত্যে অবাক্।

গীতসংহিতা 92:14 ပူးပေါင်းရင်းမြစ်များ

ইয়োব 17:9

মাত্তর্‌ খাটি মানুচ্চুনে তারার্‌ পধেদি উজেই যেবাক্‌, আর যিগুনো আঢ্‌তানি সিজি তারা দিনে দিনে বোলি অবাক্‌।

গীতসংহিতা 1:3

তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

গীতসংহিতা 71:18

ও গোজেন, এচ্চ্যে বুড়ো ওইনে চুল পাগিলেয়ো তুই মরে ছাড়ি ন-যেচ্; আগাম্ বংশধরুনোর ইদু তর্ খেমতার কধা, আগাম্ বংশধরুনোর ইদু তর্ বলর্ কধা মরে ফগদাং গুরিবাত্তে দে।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

যিশাইয় 46:4

তমার বুড়ো বয়স সং মুই এক্কুই থেম্; তমা চুলান্ পাগিবার বয়স সং তমা ভারান্ বুয়োই দিম। মুয়ই তমারে বানেয়োং, মুয়ই তমা ভারান বুয়োম্; মুয়ই তমারে বুয়োম্ আর রোক্ষ্যে গুরিম।

যিরমিয় 17:8

তে পানি পারত্ লাগেয়্যে গাজ ধোক্ক্যেন অবঅ যিবে গঙার্ পারত্ তা শিঙোরান মিলি দে। গরম এলে তে ন-দরায়; তার্ পাদানি নিত্য য়েল্ থায়। খরান্যেত্ তার কনঅ চিদে চজ্জা ন-অয় আর তে কনদিন্‌‌অ গুলোগুলি নেইয়্যে ন-অয়।

যিহিষ্কেল 47:12

গাঙর্ দ্বিপারত্ নানান্ বাবোত্যে গুলোগুলি গাজ্ জোর্মেব। সিগুনোর্ পাদানি শুগেই ন-যেবঅ, গুলোগুলি শেজ্ ন-অবঅ। পত্তি মাসত্ সিগুনোত্ গুলোগুলি ধুরিবো, কিত্যে উবোসনা-ঘরত্তুন্ সিয়েনত্ পানি বেঈ এবঅ। সিগুনোর্ গুলোগুলিগুন্ হেবাত্তে আর পাদানি গম্ অবাত্তে বেবহার গরা অবঅ।”

মথি লেখ্যে গম্ হবর্ 3:10

গাজ গড়াত্ কুড়োল্ বাজেয়্যে আঘে। যে গাজত্ গম্ ফল ন-ধরে সিবে কাবিনে আগুনোত্ ফেলে দিয়্যে অবঅ।

যিহূদা 1:12

এ মানুচ্চুনে যেক্কে দুঘ্ সাহচ্‌‌সোই তমার কোচ্‌পানার-হানাত মিলোন্ সেক্কে তমার সেই হানা ভিদিরে তারা কাজর ধোক্ক্যেন অন্। ইগুনে বানা নিজো পৌইদ্যেনে চিন্তে গরন্। ইগুনে বৈয়্যেরত্ ভাজেই নেযেইয়্যে পানি-নেইয়্যে মেঘ ধোক্ক্যেন। গুলোগুলি পাড়িবার অক্তত্ গুলোগুলি নেই বিলিনে শিঙোর্ সুদ্ধো উগুরেই ফেল্ল্যে গাজ ধোক্ক্যেন ইগুনে দ্বি'কিত্যেদি মরা।