গীতসংহিতা 92:12 - Chakma Bible

¹² গোজেন ভক্তগুনে খাজোর গাজ ধোক্ক্যেন্ ফুলে-গুলোগুলিয়ে ভুরি উদিবাক্; তে লেবাননর্ এরস গাজ ধোক্ক্যেন দাঙর্ অবাক্।

গীতসংহিতা 92:12 ပူးပေါင်းရင်းမြစ်များ

১ রাজাবলী 4:33

তে লেবাননর এরস গাজত্তুন্‌ আরাম্ভ গুরিনে দেবাল কিয়্যেত্তুন্‌ উঠ্যে হিস্যোপ গাজ সং বেক্‌ গাজছুনোর্‌ কধা কোইয়্যে। তে য়েমান, পেখ্‌, বুগকোই-আদি বেড়েইয়্যে প্রাণী আর মাছ কধা কোইয়্যে।

১ রাজাবলী 6:29

তবনা-ঘরর দ্বিবে গুদিত্‌ পুরো দেবালানিত্‌ করূব, খাজোর্‌ গাজ আর ফূট্যে ফুল কাবিনে বানেয়্যে এলঅ।

ইষ্টের 9:5

যিহূদীগুনে তারার্‌ বেক্‌ শত্রুগুনোরে শেজ্‌ গুরিবাত্তে, মারে ফেলেবাত্তে আর এক্কুবারে শেজ্‌ গরা ধুরিলাক্‌ আর যিগুনে তারারে ঘিনেইদাক্‌ তারা উগুরে যিয়েন্‌ হুজি সিয়েনই গরা ধুরিলাক্‌।

গীতসংহিতা 1:3

তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

গীতসংহিতা 104:16

লগেপ্রভুর বানেয়্যে বেক গাজ-বাশছুন্ বোউত্ ঝড় পান; তার লাগেয়্যে লেবাননর্ এরস গাছ্‌চুনেয়ো ঝড় পান্।

গীতসংহিতা 148:9

ও বেক্ মুড়ো-মুড়িগুন্ আর গুলোগুলো বাবোত্যে গাজ্‌চুন আর বেক্ এরস গাজ্‌চুন, তারে নাঙ্ গিনো।

গীতসংহিতা 37:34

লগেপ্রভু উগুরে আজা রাগা, তা পধেন্দি আঢিচ্; তে তরে দাঙর্ গুরিবো যেনে তুই দেজর্ ভাগ্ পাজ্। পাজিগুনে ভস্ত অলে তুই সিয়েন দেগিবে।

গীতসংহিতা 52:8

মাত্তর্ মুই গোজেনর ঘরত্ দাঙর্ ওইয়্যে জলপাই গাজ ধোক্ক্যেন্; মুই নিত্য গোজেনর গভিন্ কোচ্‌পানা উগুরে নির্ভর গুরি থাং।

গীতসংহিতা 72:7

তা আমলত্ গোজেন ভক্তগুনে যেন বোউত্ আশিদ্‌বাদ পান; যেদকদিন চানান্ থেবঅ সেদকদিন তারার জিংকানিত্ ভালেদিয়্যে ভালেদিয়্যে ভুরি উদোক্।

গীতসংহিতা 92:7

পাজি মানুচ্চুনে যুনিয়ো ঘাস ধোক্ক্যেন্ যাদি দাঙর অন্ আর অন্যেয়গুরিয়্যেগুনে যাদিমাদি ফুলি উদোন্, তো তারা উমরত্যে ভস্ত ওই যেবাক্।

যিশাইয় 55:13

কাদাঝুবোর্ বদলে বেরস আর কাদাগাজর বদলে গুলমেঁদি জোর্মেব। লগেপ্রভুর সুনাঙত্তে এক্কান উমরর্ চিহ্নো ইজেবে ইয়েনি অবঅ। সেই চিহ্নোগান কনদিন্অ ভস্ত ন-অবঅ।”

যিশাইয় 65:22

তারা ঘর্ বানেলে অন্যগুনে আর সিদু বজত্তি ন-গুরিবাক্, বা গাজ্ লাগেলে অন্যগুনে ফল ন-হেবাক্। মঅ মানুচ্চুনোর আয়ুগান এক্কো গাজর্ আয়ুর সং সং অবঅ; মর্ বেঈ লোইয়্যে মানুচ্চুনে ভালোক্ দিন ধুরিনে তারার আঢর্ কাম ফলুন্ ভোগ গুরিবাক্।

যিরমিয় 17:8

তে পানি পারত্ লাগেয়্যে গাজ ধোক্ক্যেন অবঅ যিবে গঙার্ পারত্ তা শিঙোরান মিলি দে। গরম এলে তে ন-দরায়; তার্ পাদানি নিত্য য়েল্ থায়। খরান্যেত্ তার কনঅ চিদে চজ্জা ন-অয় আর তে কনদিন্‌‌অ গুলোগুলি নেইয়্যে ন-অয়।

আমোষ 2:9

ও ইস্রায়েলর মানুচ্চুন, ইমোরীয়গুনে যুনিয়ো এরস গাজ ধোক্ক্যেন লাম্বা আর এলোন গাজ ধোক্ক্যেন দরমর এলাক্ তো তমা মুজুঙোত্ সেই ইমোরীয়গুনোরে মুয়ই ভস্ত গোজ্যং। মুই তারার্ ফল আর শিঙোরানি ভস্ত গোজ্যং।

মীখা 7:10

সেক্কে আমা শত্রুগুনে সিয়েন দেগিনে অমকদ লাজেবাক্। তারা দঅ আমারে কদাক্, “তমার্ গোজেন লগেপ্রভু কুধু?” মাত্তর্ আমা চোগ্‌‌‌কুনে তারারে পত্তে দেগিবাক্; এন্ কি, পধ কাদা ধোক্ক্যেন তারারে টেঙোই মাড়া অবঅ।‌

গণাণা 24:6

সিয়েনি পড়ি আঘে কিজিঙো ধোক্ক্যেন, পড়ি আঘে গাঙ পারর্‌ বাগান ধোক্ক্যেন, লগেপ্রভুর্ লাগেয়্যে অগুরু গাজঅ ধোক্ক্যেন, পানি পাড়র্‌ এরস গাজঅ ধোক্ক্যেন।