গীতসংহিতা 92:1 - Chakma Bible

^1-3 ও লগেপ্রভু, দাঙর্ গোজেন, দশতারা আর হার্‌মোনি বাজেইনে আর বাশিলোই তরে ভালেদি জানানা, তর্ নাঙ্-গিনেদে গান গরানা, বেন্যেমাদান্ তর্ অমকদ কোচ্‌পানার কধা আর রেদোত্ তর বিশ্বেজর্ কধা ফগদাং গরানা কদক্ হুজির কধা!

গীতসংহিতা 92:1 ပူးပေါင်းရင်းမြစ်များ

গীতসংহিতা 107:1

“তুমি লগেপ্রভুরে ভালেদি জানঅ, কিত্তে তে অমকদ গম; তার অমকদ কোচ্‌পানাগান জিংকানিবর্ থিদেবর্ গোজ্যে।”-

গীতসংহিতা 107:15

মান্‌জ্য ইদু লগেপ্রভুর আমক্ অবার্ কামানিত্তে আহ্ তার অমকদ কোচ্‌পানার কারনে তারা তারে ভালেদি জানাদোক্।

গীতসংহিতা 107:8

মান্‌জ্য উগুরে লগেপ্রভুর আমক্ অবার কামানিত্তে আর তার গভীন্ কোচ্‌পানার কারনে তারা তারে ভালেদি জানাদোক্।

গীতসংহিতা 135:3

লগেপ্রভুরে বাঈনী গরঅ, কিত্তে তে আজলে গম্; তারে নাঙ্ গিনেদে গীদ্ গঅ, কিত্তে সিয়েন গরানা গম্।

গীতসংহিতা 147:1

লগেপ্রভুরে নাঙ্ গিনো ওক্। আমা গোজেনরে নাঙ্ গিনেদে গান গানা কত্তমান গম্! সিয়েন কি দোল্! তারে বাঈনী গরানা কত্তমান গম্!

গীতসংহিতা 33:1

ও গোজেন ভক্ত মানুচ্চুন, লগেপ্রভুর পৌইদ্যেনে তুমি হুজির্-গান গঅ; তার্ গুনগান গরানা খাটি মানুচ্চুনোর কাম।

গীতসংহিতা 50:23

যিবের জিংকানিত্ ভালেদিগানই অলঅ তার উৎসর্ব তেয়ই মরে সর্মান গরে; যে মঅ পধেন্দি আঢে তারে মুই উদ্ধোর গুরিম।”

গীতসংহিতা 52:9

তুই যিয়েন গোজ্যস্ সিয়েনত্তে জিংকানিবর্ মুই তর্ বাঈনী গুরিম; তুই মংগলময় বিলিনে তর্ ভক্তগুনোর্ মুজুঙোত্ মুই তরে বাজ্জেই থেম্।

গীতসংহিতা 54:6

মুই নিজোর আওজে তর্ নাঙে য়েমান উৎসর্ব গুরিম; ও লগেপ্রভু, মুই তর্ বাঈনী গুরিম, কিত্তেই তুই মংগলময়।

গীতসংহিতা 73:28

মাত্তর্ গোজেন সমারে থানা মত্তে মংগল; প্রভু লগেপ্রভুরে মুই মর্ আশ্রয়র জাগা বানেয়োং, যেন তার কামর কধানি মুই ফগদাং গুরি পারং।

গীতসংহিতা 82:6

মুই কোইয়োঙে, “তুমি যেন গোজেন, তুমি বেক্কুনে দাঙর্ গোজেনর পুয়ো।

গীতসংহিতা 92:8

মাত্তর্ ও লগেপ্রভু, তুই উমর সং বেক্কুনো উগুরে থেবে।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

দানিয়েল 5:18

ও মহারাজ, দাঙর্ গোজেনে তঅ আজু নবূখদ্‌‌‌নিৎসররে রেজ্য, খেমতা, বাঈনীপানা আর সয়-সাগোজ্যে দিয়্যে।

ইফিষীয় 5:19

আর গীতসংহিতার গীদ্, বাঈনী গরানা আহ্ আত্মিক গীদোর্ মাধ্যমে তুমি একজন আরেকজন সমারে কধা কঅ; তমা মনেদি প্রভুর নাঙে গীদ্ গঅ।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

ইব্রীয় 4:9

সালে দেগা যায়, গোজেন মানুচ্চুনোত্যে জিরেবার জু আঘে,