গীতসংহিতা 91:3 - Chakma Bible

³ তে তরে শিগেরিগুনোর ফালত্তুন্ আর মরেদে ভানা (সাজুরেদে পীড়ে) আঢত্তুন্ রোক্ষ্যে গুরিবো।

গীতসংহিতা 91:3 ပူးပေါင်းရင်းမြစ်များ

২ শমূয়েল 24:15

লগেপ্রভু সেক্কে বেন্যেত্তুন্‌ ধুরি আরাম্ভ গুরিনে ঠিগ্ গোজ্যে অক্তবো সং ইস্রায়েল উগুরে এক্কান্‌ ভানা পাধেই দিলো। সেক্কে দানত্তুন্‌ বের্‌-শেবা সং পুরো দেজর্‌ মানুচ্চুনো ভিদিরেত্তুন্‌ সত্তুর্‌ আজার মানুচ্‌ মুরি গেলাক্।

১ রাজাবলী 8:37

যুনি দেজত্‌ ভাদঅ রাত্‌ বা পিড়ের্‌ ভানা দেঘা দে, যুনি ফসল শুগে-যেইয়্যে পিড়ে বা আঙা যেয়ে পিড়ে অয়, যুনি ফসলত্‌ ফিরিং বা পুগ্-যুগ্ পড়ন্‌, যুনি শত্রুয়ে তারার্‌ কনঅ শঅর্‌ ঘিরি ফেলান্‌-যে কনঅ বাবোত্যে দজা বা পিড়ে দেঘা দিদো সাৎ,

গীতসংহিতা 124:7

শিগেরিগুনো আঢত্তুন্ পেগ্‌কুনে যেবাবোত্যে গুরি রোক্ক্যে পান্ সেবাবোত্যেগুরি আমি রোক্ক্যে পেইয়্যেই; ফাল্লো ছিনি যেইয়্যে আর আমি রোক্ক্যে পেইয়্যেই।

গীতসংহিতা 141:9

তারা মত্তে যে জালান্ পাত্যন্ সিয়েনত্তুন মরে রোক্ক্যে গর; অন্যেইগুরিয়্যেগুনোর্ পাদি রাগেয়্যে ফালত্তুন্ মরে রোক্ক্যে গর্।

গীতসংহিতা 68:21

গোজেনে ঘেচ্চেক্‌গুরি তার শত্রুগুনোর মাদাগুন নিগুজ্ গুরি দিবো; যিগুনে পাপ পদথ্ থান সিগুন চুল্লোই ভরা মাদাগুন্ তে গুরি গুরি দিবো।

গীতসংহিতা 91:6

ন-দোরেবে আন্ধারর্ ঘুদি যেইয়্যে ভানাগানরে (সাজুরেদে পীড়ে) বা দিবুজ্যে ভস্তগুরিয়্যে আঘাত্‌তানরে।

গম্ উপদেজ্ 6:5

শিগেরী আঢত্তুন্ উরিঙো ধোক্ক্যেন্ গুরি, পেগো শিগেরীত্তুন পেগো ধোক্ক্যেন্ গুরি তুই নিজোরে ছাড়েই নেযা।

গম্ উপদেজ্ 7:23

পেগ্‌কুনে যেবাবোত্যেগুরি ফালত্ পুরিবাত্তে যান আর যেরেদি তা কলিজেত্ সেল্ ফুদি যায়, সেধোক্ক্যেন গুরি সেই মানুচ্চো হবর্‌অ ন-পায়, ইয়েনত্ তার পরাণান্ যেবঅ।

উপদেশক 9:12

কনজনে হবর্ ন-পান্ তার্ মরণর্ অক্তবো কক্কে এবঅ। যেধোক্ক্যেন্ গুরিনে মাছে জালত্ ধরা পড়ন্ আর পেগ্‌কুনে ফালত্ পড়ন্ সেধোক্ক্যেন্ গুরিনে দজা অদাতৎ মান্‌জ্য উগুরে এজে আর তারে ফালত্ ফেলায়।

হোশেয় 9:8

ভাববাদিবো মর্ গোজেন লগে ইফ্রয়িমর চুগিদার অলেয়ো তার্ বেক্ পথ্‌তানিত্ রোইয়্যেদে ফাল্ আর তার গোজেন ঘরত্ রোইয়্যেদে তা বিরুদ্ধে শত্রুতা।

আমোষ 3:5

ফাল ভিদিরে গিরে ন-থেলে কি পেগ্‌‌‌‌‌কুনে ফাল ইধু এজন্? ধুরিবাত্তে কিজু ন-পেলে কি ফাল্লো ফাল্যে উদে?

১ তীমথিয় 6:9

মাত্তর্ যিগুনে থাগোইয়্যে অবাত্যে চায় তারা নানান্ পোরোক্ষ্যেত্ আর ফালত্ পরন্, আর এমন্‌ বাজে আর ক্ষতি গুরিবার আওজ্ তারার্ মনত্ উদে যিয়েনি মান্‌জ্যরে ভস্ত আর সর্বনাজ্ গরে।

২ তীমথিয় 2:26

সিয়েনর্ ফলে তারা শদানর্ ফালত্তুন্ ধেই এবাক্, কিয়া শদানে তার্ আওজ্‌চান পালেবাত্যে তারারে ধোজ্জ্যে।