গীতসংহিতা 91:2 - Chakma Bible

² লগেপ্রভুর পৌইদ্যেনে মুই এ কধাগান্‌ কোম্, “তেয়ই মর্ আশ্রয় আর মর্ ঘর; তেয়ই মর্ গোজেন যিবে উগুরে মুই বিশ্বেজ্ গরং।”

গীতসংহিতা 91:2 ပူးပေါင်းရင်းမြစ်များ

পত্থম 17:7

এ সুদোমান বানা তর্‌ আর মঅ ভিদিরে চুলিবো সিয়েন নয়; সিয়েন্‌ চুলিবো তর্‌ পুয়ো-ছাগুনোর আর মঅ ভিদিরে বংশর পর্‌ বংশ ধুরি। ইবে অবঅ এক্কো উমরর্‌ সুদোম। এ সুদোমত্‌ মুই তর্‌ আর তঅ পরেদি তঅ বংশর্‌ মানুচ্চুনোরঅ গোজেন ওলুং।

গীতসংহিতা 14:6

তুমি যিগুনে বজং কাম্ গোজ্য, তুমি দুঘি মানুচ্চুনোর্ কামানি বর্‌বাদ লাগেইনে তারারে লাজত্ ফেলেয়ো, মাত্তর্ লগেপ্রভু তারার্ আশ্রয়।

গীতসংহিতা 142:5

ও লগেপ্রভু, মুই তইদু কান্যং; মুই কোইয়োঙে, “তুয়ই মর্ আশ্রয়, এ পিত্‌থিমীত্ তুয়ই মর্ সোম্বোত্তি।”

গীতসংহিতা 142:6

মঅ কানানিগান তুই শুনিচ্, কিত্তে মুই অমকদ অনালর্ ওইয়োং; মরে যিগুনে লোড়েয়োন্ তারা আঢত্তুন্ তুই মরে বাঁজা, কিত্তে তারা আমাত্তুন্ বেজ্ খেমতাবলা।

গীতসংহিতা 18:2

লগেপ্রভু মর্ অজল্ মুড়ো, মর্ ঘর আর মর্ উদ্ধোর্ গুরিয়্যে; মর্ গোজেন মর্ অজল্ মুড়ো, তাইদু মুই আশ্রয় নেযাং। তেয়ই মর্ ঢাল, মর্ রোক্ষ্যেগুরিয়্যে শিং, মর্ অজল্ আশ্রয়-জাগা।

গীতসংহিতা 18:3

লগেপ্রভুরে নাঙ্ গিনিবার, মুই তারে ডাগং; সেক্কে মর্ শত্রুগুনো আঢত্তুন্ মুই রোক্ষ্যে পাং।

গীতসংহিতা 25:2

ও মর্ গোজেন, তঅ উগুরে মুই বিশ্বেজ্ গরং, তুই মরে লাজত্ পড়িবাত্তে ন-দিচ্; মর্ শত্রুগুনে যেনে মঅ বেপারানিলোই রঙ্গ-ফুত্তি গুরিবার সুযোগ ন-পান।

গীতসংহিতা 31:15

তঅ আঢত্ দঅ মর্ জিংকানিগানর বেক্কানি; যিগুনে মরে লোড়েই এজদন্ সেই শত্রুগুনো আঢত্তুন্ তুই মরে বাঁজা।

গীতসংহিতা 43:4

যেনে মুই গোজেনর পুজোবো ইদু যেই পারং। তেয়ই মর্ সুখ্ আর হুজি। ও গোজেন, মর্ গোজেন, মুই বীণা বাজেইনে তর্ বাঈনী গুরিম।

গীতসংহিতা 46:1

গোজেনে আমার আশ্রয়র জাগা আর বল্; দযাত্ এযাল্ দিবাত্তে তে যুক্কোল থায়।

গীতসংহিতা 46:2

যুনিয়ো পিত্‌থিমীগান গির্‌গিরে উদে, মুড়ো-মুড়িগুন সাগরর্ সংমোধ্যে যেইনে পড়ন্দোই, যুনিয়ো বা পানিগান গুজুরি উদে আর ফেনালোই ভুরি উদে আর তার তুবলানর্ ঠেলালোই মুড়ো-মুড়িগুন জাগা লড়ন্, তো আমি ন-দোরেবং।

গীতসংহিতা 48:14

এ গোজেনেয়ই আমা উমরর্ গোজেন; তে আমারে মরণ সং পথ দেগেইনে যেবঅ।

গীতসংহিতা 61:5

ও গোজেন, মুই যে বেক্কানি মানত্ গোজ্যং সিয়েন দঅ তুই শুন্যচ্; তরে যিগুনে ভোক্তি গরন্ তারাত্তে যে অধিকারান তুই থির্ গোজ্যস্ সিয়েন তুই মরেয়ো দুয়োচ্।

গীতসংহিতা 71:3

তুই মর্ আশ্রয়-মুড়ো অ যিবে ইদু মুই নিত্য যেই পারং। তুই মর্ অজল্ মুড়ো আর ঘর, সেনত্তে মরে রোক্ষ্যে গুরিবাত্তে উগুম দুয়োচ্।

গীতসংহিতা 91:9

“ও লগেপ্রভু, তুয়ই মর্ আশ্রয়র জাগা।” তুই ঠিগ্ গোজ্যস্‌ছে দাঙর্ গোজেনে তর থেবার জাগা;

গম্ উপদেজ্ 18:10

লগেপ্রভুর দরমর ঘর ধোক্ক্যেন্; গোজেন ভক্ত মান্‌জ্যে সিয়েনত্ যেইনে রোক্ষ্যে পায়।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিরমিয় 31:1

লগেপ্রভু কোইয়্যেদে, “সে অক্তত্ মুই ইস্রায়েলর বেক গুট্টিগুনোর গোজেন ওম্, আর তারা মর্ মানুচ্ অবাক্।”

লূকে লেখ্যে গম্ হবর্ 20:38

মাত্তর্ গোজেনে দঅ মরাগুনোর্ গোজেন নয়, তে জেদাগুনোর্ গোজেন। তা আজায় বেক্কুনে বাঁজি থান্।

ইব্রীয় 11:16

মাত্তর্ তারা আরঅ গম এক্কান দেজর্, অত্তাৎ স্বর্গগানরে তগাদন্। সেনত্যে গোজেনে নিজোরে তারার্ গোজেন কধে ন-লাজায়, কিয়া তে তারাত্যে এক্কান শঅর্ বানেয়্যে।