গীতসংহিতা 90:8 - Chakma Bible

⁸ আমা অন্যেয়ানি তুই তঅ মুজুঙোত্ রাগাচ্; তর্ পহ্‌রে আমা লুগেয়্যে পাপ্‌পানি ফগদাং অয়।

গীতসংহিতা 90:8 ပူးပေါင်းရင်းမြစ်များ

যিরমিয় 16:17

তারার বেক আঢাউদোগানি উগুরে মঅ চোগ্‌কুন রোইয়্যে; তারা মঅ চোগ্‌কুনোত্তুন লুগেয়্যে নয় আর তারার পাব্‌‍‍‍পানিয়ো মত্তুন্ গুমরত্ নয়। ‍‍‍

উপদেশক 12:14

গোজেনে বেক্ কামানির, এমন্ কি, বেক্ গুমর কধানি পৌইদ্যেনে বিচের্ গুরিবো-সিয়েন্ গম্ ওক্ বা ভান্ন্যেই ওক্।

যিরমিয় 23:24

কনজনে কি এমন গুমুরো জাগাত্ লুগেই পারে যিয়েনত্ মুই তারে ন-দেগং? মুই কি স্বর্গ আর পিত্‌‌‌‌থিমীর বেক্ জাগায়ানত্ ন-থাং‌?”

গীতসংহিতা 19:12

নিজোর্ ভুলানি কন্না বুঝে? মর্ হবর্ ন-পেইয়্যে দুষ্‌‌ছানি তুই খেমা গর্।

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।

গীতসংহিতা 10:11

তে মনে মনে কয়, “ইন্দি গোজেনর্ খিয়েল্ নেই; তে মুয়োন্ ফিরেই আঘে, কনদিন্‌‌অ ন-দেগিবো।”

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

রোমীয় 2:16

গোজেনে যেদিন্ন্যে যীশু খ্রীষ্টর্ মাধ্যমে মান্‌জ্যর্ গুমুরো বেক্কানি বিচের্ গুরিবো সেদিন্যে সিয়েনি ফগদাং পেবঅ। মুই যে গম্ হবর্ প্রচার গরং সেই কধা মজিম ইয়েনির্ বিচের্ অবঅ।

যিহিষ্কেল 8:12

তে মরে কলঅ, “ও মান্‌‌জ্যর পুয়োবো, ইস্রায়েলীয়গুনোর বুড়ো নেতাগুনে আন্ধারত্ পত্তিজনে নিজোর্ নিজোর্ ঘরত্ মূত্তিগুনো ইধু কি গত্তন্ সিয়েন কি তুমি বুঝি পাজ্য? তারা কদন্, ‘লগেপ্রভু আমারে ন-দেগে, কিত্যে তে দেজ্‌‌‌চান ছাড়ি যেয়েগোই।’”

গম্ উপদেজ্ 5:21

মানুচ্চুনোর্ আঢাউদো উগুরে লগেপ্রভু চোগ্ রাগেয়্যে; তারার বেক্ পথ্‌তানি তে পোরোক্ষ্যে গুরি দে।

গীতসংহিতা 80:16

সে গাজ্‌ছুন আগুনে পুড়ি যেয়োন, সিগুন কাবি ফেলা ওইয়্যে; তঅ মানুচ্চুনে তর্ গেইল্ হেইনে শেজ্ ওই যাদন্।

গীতসংহিতা 50:21

ইয়েনি তুই গোজ্যস্, মাত্তর্ মুই মুয়োন ন-খুলোং; তুই মনে গোজ্যস্‌চে মুই তঅ ধোক্ক্যেন এক্কো, মাত্তর্ মুই তর্ দুষ্‌ছান দেগেই দিম আর তর্ বেক্কানি তর্ চোগোর মুজুঙোত্ এক্কান এক্কান গুরি তুলি ধুরিম।

ইয়োব 34:21

মানুচ্চুনোর আদা-উদো গরানা উগুরে গোজেনর চোগ্ আঘে; তারার পত্তি পোইদ্যা তে দেগে।

লেবীয় 4:23

যেক্কে তারে তার্‌ অন্যেয়ান্‌ দেগেই দিয়্যে অবঅ সেক্কে উৎসর্ব গুরিবাত্যে তাত্তুন্‌ এক্কো থুদো নেইয়্যে পাদা ছাগল আনা পুরিবো।

লেবীয় 4:28

যেক্কে তারে তার্‌ অন্যেয়ানি দেগেই দিয়্যে অবঅ সেক্কে সেই অন্যেয়ানিত্তে উৎসর্ব ইজেবে তাত্তুন্‌ এক্কো থুদো নেইয়্যে পাদিছাগল্‌ আনা পুরিবো।

ইয়োব 10:14

যুনি মুই পাপ গরং, তুই সিয়েন্‌ খিয়েল্‌ রাগেবে আর মর্‌ দুষ্‌চান‌‌র্‌ সাজা ন-দিইনে তুই ন-ছাড়িবে।

গীতসংহিতা 109:15

আমিঝে সিয়েনি লগেপ্রভুর মুজুঙোত্ থোক্, যেনে তে পিত্‌থিমীত্তুন তারার স্মৃতিগানি ফুজি ফেলেই পারে।

যিরমিয় 2:22

যুনিয়ো তুই সোডালোই নিজোরে ধস্ আর অমকদ সাগোন্ বেবহার গরচ্ তো তর্ অন্যেয়র দাগ্ মঅ মুজুঙোত্ রোইয়্যে। মুই প্রভু লগেপ্রভু এ কধাগান কঙর্।