গীতসংহিতা 9:17 - Chakma Bible

¹⁷ যিদুক্কুন জাদে গোজেনরে ভুলি যান্ সেই পাজিগুনে মুরিনে গোরত্ যেবাক্।

গীতসংহিতা 9:17 ပူးပေါင်းရင်းမြစ်များ

ইয়োব 5:13

তে জ্ঞানীগুনোরে তারার্‌ চালাগ ভিদিরে ধরে, আর ছলনাগুরিয়্যেগুনোর ফন্দিগানি নঅ ফলে।

ইয়োব 8:13

যিগুনে গোজেনরে ভুলি যান্‌ তারার্‌ দজাগান সেধোক্ক্যেন্ অয়; গোজেন উগুরে ভক্তিনেইয়্যেগুনোর্‌ আজাগান্‌ সেধোক্ক্যেন্‌ গুরিনে ভস্ত অয়।

গীতসংহিতা 106:13

মাত্তর্ তা কামানির কধা যাদিমাদি ভুলি গেলাক্; তারা তার সল্লা গুরিবাত্তে বাজ্জেই ন-থেলাক্।

গীতসংহিতা 44:17

ইয়েনি বেক্কানি আমা উগুরে ঘোট্যে, তো যে আমি তরে ভুলি যেইয়্যেই সিয়েন নয়; তর্ সুদোমানি উগুরে যে এক্কুবারে অবিশ্বেজি ওইয়্যেই সিয়েন্‌অ নয়।

গীতসংহিতা 44:20

আমা গোজেনরে যুনি আমি ভুলি যেইনে থেই, যুনি আঢ্ বাবেইনে থাং কনঅ দেবেদার ইদু,

গীতসংহিতা 49:14

ভেড়া পালরে যেধোক্ক্যেন ঠিগ্ গোজ্যে খোয়াড়ত্ নেযা অয়, সেধোক্ক্যেন ঠিগ্ গোজ্যে গোরত্ সে মানুচ্চুনোরেয়ো নেযা অবঅ; সিয়েনত্ মরণানে তারার্ গরক্ অবঅ। বেন্যেমাদান্ গোজেন ভক্ত মানুচ্চুনে তারা উগুরে জিদিবাক্; গোরানে তারার কিয়্যেগানি হেই ফেলেব; তারার থেবার জাগা বলতে আর্ কিচ্চু ন-থেবঅ।

গীতসংহিতা 50:22

“তুমি যিগুনে গোজেনরে ভুলি যেইয়ো কধাগান একপল্লা ভাবি চেইয়ো; সিয়েন ন-অলে মুই তমারে কট্টা কট্টা গুরি ফেলেম, তমারে বাজেবার কনজন ন-থেবাক্।

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

গম্ উপদেজ্ 5:22

পাজি মানুচ্চো তা ভান্ন্যেই কামর ফালত্ পড়ে, তে নিজো পাপ দুড়িত্ বানা হায়।

যিশাইয় 3:11

হায়! পাজিগুন্! তারা উগুরে দজা এবঅ। তারা যিয়েনি গোজ্যন্ তারা সিয়েনির পাওনাগান্ পেবাক্।

যিশাইয় 5:14

সেনত্তে মরন জাগায়ানে তা গত্তনার্ নালীবো পাদাজ্যে গোজ্যে, তা মুয়োন্ অমকদ দাঙর্ গুরিনে আ গোজ্যে। সর্মানি আর সাধারন মান্‌‌জ্যে, কোজ্যে বাজেয়্যে আর রঅ ছাড়িয়্যেগুনে বেক্কুনে সিয়েনত্ লামিবাক্।

যিরমিয় 13:25

ইয়েনই তর্ পাওনা; ইয়েনই মুই তত্বে মাবি দুয়োং, কিত্তে তুই মরে ভুলি যেইনে মিজে দেব-দেবেদা উগুরে বিশ্বেজ্ গোজ্যস্।

যিরমিয় 18:15

মাত্তর্ মঅ মানুচ্চুনে মরে ভুলি যেইনে বাজে মূত্তি ইধু আগর্‌বাট্টি জালাদন। তারা ঠিগ্ পধত্তুন উজোত্ হেইনে সেই পুরোনা পধেদি আর্ আঢাউদো ন-গত্তন। তারা গম্ পধ্‌‌থান ছাড়িনে ভান্ন্যেই পধেদি চলদন।

যিরমিয় 2:32

কনঅ মিলে কি তার অষ্‌‍‍ট অলংকার পৌইদ্যেনে ভুলি যেই পারে? কনঅ নূয়ো বৌ কি তার মেলার সনা-রুবো পৌইদ্যেনে ভুলি যেই পারে? মাত্তর্ মঅ মানুচ্চুনে ভালোক্ দিন ধুরিনে মরে ভুলি রোইয়োন।

যিরমিয় 3:21

এড়েইয়্যে মুড়োগুনো উগুরে ইস্রায়েলীয়গুনোর কানানি আর কোজোলি গরানার রঅ শুনো যার্, কিত্তে তারা পথ্‌তান তারা বেঙা গোজ্যন আর তারার গোজেন লগেপ্রভুরে তারা ভুলি যেইয়োন।‌‍

যিহিষ্কেল 22:16

জাদ্‌‌‌তুনো মুজুঙোত্ তুই যেক্কে অসর্মান অবে সেক্কে তুই হবর্ পেবে, মুই লগেপ্রভু।’”

হোশেয় 2:13

যেদক্ দিন সং তে বাল দেবেদাগুনোর্ নাঙে আগর্‌বাট্টি জ্বালেয়্যে আর আন্দিক্ আর গহনা-গাটি দিইনে নিজোরে সাজেইনে তা লাঙুনে ইন্দি যেইনে মরে ভুলি যেয়্যেগোই সেদক্ দিনোত্তে মুই তারে সাজা দিম। মুই লগেপ্রভু এ কধাগান কঙর্।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”