গীতসংহিতা 9:15 - Chakma Bible

¹⁵ অন্য জাদ্‌তুনে নিজে খুজ্যে গাদত্ পত্তন্দোই; তারার্ লুগেয়্যে জালত্ তারা টেঙানি আক্‌‌সো যেইয়্যে।

গীতসংহিতা 9:15 ပူးပေါင်းရင်းမြစ်များ

গীতসংহিতা 107:22

তারা ভালেদি জানেবার-উৎসর্ব গোরোদোক্, রঙ্গ-ফুত্তির্ গীদ্ গেইনে তার বেক কামানির কধা কোদোক্।

গীতসংহিতা 13:6

লগেপ্রভু মরে ভালেদি গোজ্যে, সেনত্তেই মুই তা নাঙে গীত্ গেম্।

গীতসংহিতা 20:6

ইক্কিনে মুই হবর্ পাং, লগেপ্রভু তার্ অভিষেগ্ গোজ্যে মানুচ্চুনোরে রোক্ষ্যে গরে; তার্ ডেন্ আত্তোই রোক্ষ্যে গুরিবার বলান্দোই তে পবিত্র স্বর্গত্তুন তার্ অভিষেগ্ গোজ্যে মান্‌‌‌জ্যর্ ডাগনিলোই ইজিরে দিবো।

গীতসংহিতা 35:8

সেনত্তে আদিক্ক্যেন্‌গুরি তারা উগুরে দযা এজোক্; তারার্ হবর্ ন-পেইয়্যে জালত্ তারা ধরা পোড়োদোক্, সে দযাত্ তারা পোড়োদোক্।

গীতসংহিতা 35:9

সেক্কে লগেপ্রভুরে নিইনে মুই ফুত্তি গুরিম; তার্ দিয়্যে উদ্ধোরে মুই ফুত্তি গুরিম।

গীতসংহিতা 37:15

মাত্তর্ তারার্ লাম্বা ছুড়িগানি তারার্ বুগুদ্ সোমেব আর তারার্ ধনুগানি ভাঙি যেবঅ।

গীতসংহিতা 57:6

তারা মর্ আঢিবার পদ্‌তানথ্ জাল পাত্যন্; অত্যেচারে মুই ভাঙি পোজ্যং; তারা মঅ পদ্‌তানথ্ গাদ্ খুজ্যন্, মাত্তর্ তারা নিজে সিয়েনত্ পোজ্যন।

গীতসংহিতা 94:23

তারার অন্যেয়ানি তে তারার মাঢা উগুরে আনিবো, তারার পাজি কামানিত্যে তে তারারে শেজ্ গুরি দিবো; আমা গোজেন লগেপ্রভু সিয়েন গুরিবো।

গম্ উপদেজ্ 22:8

যে মানুচ্চো বজং বীজি ফেলায় তে দজার্ ফসল কাবিবো; তে রাগে যে অত্যেচারানি গরে সিয়েনি থামেই যেবঅ।

গম্ উপদেজ্ 5:22

পাজি মানুচ্চো তা ভান্ন্যেই কামর ফালত্ পড়ে, তে নিজো পাপ দুড়িত্ বানা হায়।