গীতসংহিতা 9:13 - Chakma Bible

¹³ ও লগেপ্রভু, মঅ উগুরে দোয়্যে গর্; চাহ্, মঅ শত্রুগুনে কিবাবোত্যে গুরিনে মরে অত্যেচার গত্তন্। মরণর্ দোরোত্তুন্ তুই মরে তুলি আন্,

গীতসংহিতা 9:13 ပူးပေါင်းရင်းမြစ်များ

পত্থম 4:10

সেক্কে লগেপ্রভু কলঅ, “ইয়েন তুই কি গোজ্যচ্? চাহ্, ভুইয়োত্তুন্ তঅ ভেইবোর্ লোগানে মইধু এইনে কানের্‌।

পত্থম 4:9

সেক্কে লগেপ্রভু কয়িনরে কলঅ, “তঅ ভেই হেবলে কুদু?” কয়িনে কলঅ, “মুই হবর্ ন-পাং। মঅ ভেইবোর্ দেগাশুনোর ভারান্ মঅ উগুরে নাহি?”

১ রাজাবলী 21:19

তুই তারে কঅ, লগেপ্রভু কত্তে, ‘তুই কি ইক্কো মান্‌জ্যরে মারে ফেলেইনে তা সোম্বোত্তিগানি গজক্ ন-গরচ্‌?’ সে পরেন্দি তারে কঅ, লগেপ্রভু কত্তে, ‘কুগুরুনে যিয়েনত্‌ নাবোতর্‌ লোগান লেইলেই হেইয়োন্‌ সিয়েনত্‌ তারা তঅ লোগান, অয় তর্‌ লোগান লেইলেই হেবাক্‌।’”

২ রাজাবলী 9:26

‘মুই লগেপ্রভু কঙর্‌, গেল্যেকেল্যা মুই নাবোত আর তা পুয়োগুনোর্‌ লো-গানি দেখ্যং, আর এ ভূইয়ান উগুরে তত্তুন্‌ হামাক্কাই মুই সিয়েনির হেনা সুজিম্‌।’ সালে তুই ইক্কিনে লগেপ্রভুর কধা মজিম তারে তুলি নেযেইনে সে ভূইয়ানত্‌ ফেলেই দে।”

২ বংশধর 24:22

সখরিয় বাপ্পো যিহোয়াদা রাজা যোয়াশ উগুরে যে বিশ্বেজ্‌ছান্‌ দেগেয়্যে সিয়েন্‌ যোয়াশে মনত্‌ ন-রাগেইনে তা পুয়োবোরে মারে ফেলেল। সখরিয় মুরি যেবার অক্তত্‌ কোইয়্যেদে, “লগেপ্রভু এ কামান্‌ দেগিনে তরে সাজা দিবো।”

নহিমিয় 9:32

ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

গীতসংহিতা 10:12

ও লগেপ্রভু, উঠ্; ও গোজেন, তঅ আঢ্‌তান বাবেই দে, দুঘি মানুচ্চুনোরে ভুলি ন-যেচ্।

গীতসংহিতা 107:18

তারা বেক্ হানাগানি ঈচ্ গুরিলাক্ আর মরণ মুয়োত্ লুমিলাক্।

গীতসংহিতা 119:132

যিগুনে তরে কোচ্‌পান তারা উগুরে তুই যেধোক্ক্যেন্ গুরি থাচ্, সেধোক্ক্যেন গুরি তুই মইন্দি ফির্ আর মরে দোয়্যে গর্।

গীতসংহিতা 119:153

মর্ দুঘ্‌কান্ চাহ্, মরে রোক্ক্যে গর্, কিত্তে মুই তঅ উগুমান্ ভুলি ন-যাং।

গীতসংহিতা 12:6

লগেপ্রভুর কধাত্ ভেজাল্ নেই; সিয়েন্ যেন আগুন্দোই পুজ্যে রুবো, সাত্পল্লা গুরি শুদ্ধো গোজ্যে রুবো।

গীতসংহিতা 13:3

ও মর্ গোজেন লগেপ্রভু, মন্দি চাহ্, মরে জোব্ দে; মঅ বলান্ ফিরেই দে, ধগেনলে মঅ উগুরে এবদে মরণ ঘুমান্।

গীতসংহিতা 142:6

মঅ কানানিগান তুই শুনিচ্, কিত্তে মুই অমকদ অনালর্ ওইয়োং; মরে যিগুনে লোড়েয়োন্ তারা আঢত্তুন্ তুই মরে বাঁজা, কিত্তে তারা আমাত্তুন্ বেজ্ খেমতাবলা।

গীতসংহিতা 25:19

রিনি চাহ্, মর্ শত্রু কুদুক্কুন; তারা মরে কি জদবদে ঘিনান্।

গীতসংহিতা 30:3

ও লগেপ্রভু, তুই মরে মরণর জাগাত্তুন্ তুলি আন্যচ্; তুয়ই মরে বাঁজে রাগেয়োচ্ যেনে সেই গাত্তোত্ মত্তুন্ লামা ন-পড়ে।

গীতসংহিতা 38:19

মঅ শত্রুগুনে তাজা আর বোলিবন্দ; যিগুনে এনেবাদে মরে ঘিনান্ তারা ভালোক্কুন্।

গীতসংহিতা 51:1

ও গোজেন, তর্ অমকদ কোচ্‌পানাত্তে মঅ উগুরে দোয়্যে গর্; তর্ অমকদ দোয়্যে-মেয়্যেত্তে‌ তঅ উগুরে মর্ বেক্ উল্লোমিগানি ক্ষেমা গর্;

গীতসংহিতা 56:13

কিত্তেই মরণত্তুন তুই মঅ পরাণান রোক্ক্যে গোজ্যস্ আর পড়ানাত্তুন্ মরে বাজেয়োচ্, যেনে জিংকানির পহ্‌রলোই মুই গোজেন মুজুঙোত্ আঢা-উদো গুরি পারং।

গীতসংহিতা 86:13

মঅ উগুরে তর্ অমকদ কোচ্‌পানার শেজ্ নেই; মরণর বেগত্তুন্ তলে জাগানত্তুন্ তুই মঅ পরাণান রোক্ষ্যে গোজ্যস্।

যিশাইয় 38:10

মুই কোইয়োঙে, “মঅ জিংকানির অদ্দেগত্ কি মত্তুন্ মরণ জাগানর দোরান ইন্দি সমা পুরিবো? আর মর্ বাদবাগি বজরুনোত্তুন্ কি মরে বঞ্চিত গরা অবঅ?”

আবিলেচ্ 1:11

তার বেক্ মানুচ্চুনে ভঅনিজেস্ ফেলাদে ফেলাদে হানা তগাদন্; নিজোরে বাঁজেই রাগেবাত্তে তারা হানার্ বদলে তারার মূল্যবান পযাপিরানি দি দুয়োন্। যিরূশালেমে কত্তে, “ও লগেপ্রভু, রিনি চাহ্, ভাবি চাহ্, মরে ঈচ্ গরা ওইয়্যে।

আবিলেচ্ 1:9

তা কজরাগানি তা কাবড়ানিত্ বাজি আঘে; তার্ আগাম্ কধানি তে চিদে ন-গরে। তে অমকদ পড়ি যেইয়্যে; তারে বুঝেবার কনজন নেই। তে কত্তে, “ও লগেপ্রভু, মঅ দুঘ্‌কান চাহ্‌‌‌‌, কিত্তে শত্রগুনে জিদি যেইয়োন।”

যোহন 2:6

যিহূদী ধর্মর্ সুদোম্ মজিম্ সিজি অবাত্যে সে জাগানত্ পাত্তরর্ ছোবুয়ো চাড়ি বোজেয়্যে এলঅ। সিগুনোর্ পত্তি চাড়িত্ কমেদি পাচ্‌চল্লিশ লিটার গুরি পানি আঢ্‌ত।