গীতসংহিতা 9:12 - Chakma Bible

¹² কিয়া যিবে লো ঝরানার্ হেনা সুজে তে মারে ফেলেয়্যে মানুচ্চুনোরে ভুলি ন-যায়, দুঘি মানুচ্চুনোর্ কানানিগানি তে এলাফেলা ন-গরে।

গীতসংহিতা 9:12 ပူးပေါင်းရင်းမြစ်များ

পত্থম 9:5

কনজনে যুদি তমারে খুন গরন্‌ সালে মুই হামাক্কায় তমার লোগানি বদলে তার লোগান, অত্তাৎ তা পরাণান্‌ দাবি গুরিম্‌, তে য়েমান ওক্‌ বা মানুচ্‌ ওক্‌। মান্‌জ্য পরাণান্‌ যে মানুচ্চো নেজেব সিবে পরাণান্‌অ নেযা অবঅ-ইয়েন মর্‌ দাবি।

গীতসংহিতা 10:14

মাত্তর্ ও গোজেন, দুঘ্-কট্টগানিয়ে তঅ চোগ্‌কুনোরে ফাকি দি নঅ-পারন্; তুই নিজো আঢে ইয়েনর্ বেবস্থা গর্। অসহায়ানে দঅ তঅ আঢত্ নিজোরে তুলি দে; মা-বাপ নেইয়্যেগুনোরে তুই সাহায্য গুরি থাচ্।

গীতসংহিতা 10:17

ও লগেপ্রভু, নম্রগুনোর্ মন আওজর্ কধানি তুই শুন্যচ্; তুই তারারে সাহস দুয়োর্, তারার্ কানানিগানি তুই শুন্যচ্।

গীতসংহিতা 102:17

তে সর্বহারাগুনোর তবনার জোব্ দিবো; তারার কোজোলিগানি তে ঈচ্ ন-গুরিবো।

গীতসংহিতা 132:13

লগেপ্রভু সিয়োনানরে বেঈ লোইয়্যে; তাহ্ থেবার জাগানত্তে ইয়েনই তে চেইয়্যে।

গীতসংহিতা 22:24

দুখিগুনোর দুখ্ দেগিনে তারে তে তুচ্ছো বা এলাফেলা ন-গরে; তে তাত্তুন্ নিজোর্ মুয়োন্ ন-ফিরেই, বরং বল্ পেবাত্তে তে তার্ কোজোলীগান শুন্যে।

গীতসংহিতা 34:6

এই অভাগ্যত্যেবো লগেপ্রভুরে ডাগিলো; তে তার্ ডাগনিলোই ইজিরে দিলো আর বেক্ দুঘোত্তুন্ তারে উদ্ধোর্ গুরিলো।

গীতসংহিতা 68:17

গোজেনর্ রথ আজার আজার, লাখ্ লাখ্; প্রভু সিয়েনির ভিদিরে পবিত্র জাগানত্ আঘে, যেধোক্ক্যেন তে সিনাই মুড়োবোত্ এলঅ।

গীতসংহিতা 74:2

ইদোত্ তুলি চাহ্ তর্ সেই মানুচ্চুনোর কধানি যিগুনোরে তুই ভালোক্ দিন আগে তঅ মানুচ্ ইজেবে নেযেয়োচ্, যে বংশবোরে তুই তর্ অধিকার ইজেবে উদ্ধোর গুরি আন্যচ্। ইদোত্ তুলি চাহ্ সেই সিয়োন মুড়োবোর কধা যিয়েনরে তুই তর্ থেবার জাগা ইজেবে বানেয়োচ্।

গীতসংহিতা 76:3

তে সিদু বেক্ জোল্‌জোল্যে সেলুন ভাঙি ফেলেয়্যে, ভাঙি ফেলেয়্যে ঢালানি, তলোয়ার আর যুদ্ধোর আত্যেরানি।

যাত্রা 3:7

লগেপ্রভু কলঅ, “মিসর দেজত্‌ মঅ মানুচ্চুনো উগুরে যে অত্যেচার অর্‌ সিয়েন মর্‌ চোগোর বারেদি নয়। মিসরীয় সদ্দারুনোর্‌ অত্যেচারত্‌ ইস্রায়েলীয়গুনে যে কানা-কুদি গরদন্ সিয়েন মুই শুন্যং। তারা দুগোর্‌ কধানি মুই হবর্‌ পাং।

যাত্রা 3:9

ইস্রায়েলীয়গুনোর্‌ কানা-কুদিগানি ইক্কিনে মইধু এইনে লুম্মেগি। মিসরীয়গুনে কেধোক্ক্যেন গুরি তারা উগুরে অত্যেচার্‌ গরদন্‌ সিয়েনঅ মুই দেক্কোং।

যিশাইয় 26:21

চঅ, জগদ মানুচ্চুনোরে পাপর্ সাজা দিবাত্তে লগেপ্রভু তা থেবার জাগানত্তুন্ নিগিলি এজের্। পিত্‌থিমীগান উগুরে যে লো যোজ্যে সিয়েনি ফগদাং গরা অবঅ; মারে ফেলেয়্যে তা মানুচ্চুনোরে আর্ তে লুগেই ন-রাগেব।‍ ‌

যিশাইয় 8:18

এইয়্যে চাহ্, মুই আর সেই পুয়োগুন যিগুনোরে লগেপ্রভু মরে দিয়্যে। বেগত্তুন্ খেমতাবলা লগেপ্রভু, যিবে সিয়োন মুড়োবোত্ বজত্তি গরে আমি তার আওজ্ মজিম্ চিহ্নো আর আমক্ অবার্ লক্ষণ ওইয়্যেই।

মথি লেখ্যে গম্ হবর্ 23:35

সেনত্তে নিদ্দুজি হেবল খুনোত্তুন্ ধুরি আরাম্ভ গুরিনে তুমি যে বরখিয়র্ পুয়ো সখরিয়রে পবিত্র জাগা আর পূজোবো সংমোধ্যে খুন্ গোজ্য, সেই সখরিয়র খুন্ সং পিত্‌থিমীত্ যিদুক্কুন্ নিদ্দুজি মানুচ্ খুন্ ওইয়োন্ তুমি সেই বেক্ লো-গানির্ দায়ী অবা।

ফগদাং পেইয়্যে 16:6

এ মানুচ্চুনে গোজেন মানুচ্চুনোরে আর ভাববাদীগুনোরে খুন গোজ্জ্যে। সেনত্যে তুই তারারে এ লো-গান হেবাত্যে দুয়োচ্ আর ইয়েনই তারাত্যে যগাজ্জ্যে ওইয়্যে।”

বিচের গুরিয়্যেগুন 10:16

ইয়েনর্ পরেন্দি তারা ভিদিরে অন্য জাদ্‌‌‌‌তুনোর যিদুক্কুন দেব-দেবেদা এলাক্‌ সিগুনোরে দূর্ গুরি দিইনে তারা লগেপ্রভুরে সেবা গরা ধুরিলাক্‌। ইস্রায়েলীয়গুনোর দুঃখানি দেগিনেই লগেপ্রভুর মনত্‌ বুক্‌ ধিবেদিপ্যে অলঅ।