গীতসংহিতা 89:3 - Chakma Bible

³ তুই কোইয়োচ্যে, “মর্ বেঈ লোইয়্যে মানুচ্চোত্যে মুই এক্কান্ সুদোম থিদেবর্ গোজ্যং; মর্ চাগর দায়ূদো ইদু মুই এ শমক্তান্ গোজ্যং,

গীতসংহিতা 89:3 ပူးပေါင်းရင်းမြစ်များ

২ শমূয়েল 23:5

গোজেন ইদু কি মর্‌ বংশবো সেধোক্ক্যেন নয়? মত্তে তে দঅ এক্কান্‌ উমরত্যে সুদোম্ গোজ্যে। সে সুদোমানর্‌ বেক্‌ কধানি দোলেডালে সাজেয়্যে আর গমে রাগা ওইয়্যে। মঅ উদ্ধোরান্ তে গমেডালে গুরিবো, মঅ অাওজ্‌চান তে পুরেই দিবো।

২ শমূয়েল 3:9

দায়ূদো ইদু লগেপ্রভু শমক্‌ হেইনে এগেম্ গোজ্যেদে সেবাবোত্যে গুরিনে যুনি মুই কাম্‌ ন-গরং, অত্তাৎ শৌলর বংশত্তুন্‌ রেজ্য লোইনে দানত্তুন্‌ বের্‌-শেবা সং ইস্রায়েল আর যিহূদা উগুরে দায়ূদোর সিংহাসনান্ থিদেবর্ ন-গরং সালে গোজেনে যেনে অব্‌নেররে সাজা দে আর সিয়েন জদবদে দে।

১ রাজাবলী 8:16

মঅ মানুচ্‌ ইস্রায়েলীয়গুনোরে মিসরত্তুন্‌ নিগিলেই আনিবার পরেন্দি মুই ইস্রায়েলীয়গুনোর কনঅ গুট্টির শঅর বেঈ ন-নেযাং যিয়েনত্‌ নিজোরে ফগদাং গুরিবাত্তে থেবারজাগা ইজেবে এক্কান ঘর বানা যায়। মাত্তর্‌ মঅ মানুচ্‌ ইস্রায়েলীয়গুনোরে শাজন্ গুরিবাত্তে মুই দায়ূদোরে বেঈ লোইয়োং।

গীতসংহিতা 132:11

লগেপ্রভু দায়ূদো ইদু এ শমক্তান্ গোজ্যে যিয়েন তে কনদিন্‌অ ন-ভাঙিবো, “তর্ এক্কো পুয়োরে মুই তঅ সিংহাসনানত্ বোজেম্।

গীতসংহিতা 78:70

তে তার চাগর দায়ূদরে বেঈ নেযেল, নেযেল তারে ভেড়া গোরত্তুন্;

গীতসংহিতা 89:19

একপল্লা তুই দর্শন দিইনে তর্ ভক্তগুনোরে কোইয়োচ্, মুই এক্কো বীরোরে সাহায্য গোজ্যং; মানুচ্চুনো ভিদিরেত্তুন একজনরে বেঈ নেযেইনে অজলত্ তুল্যং।

গীতসংহিতা 89:28

উমর সং তা উগুরে মর্ কোচ্‌পানা থেবঅ; তাত্ত্যেই মর্ থিদেবর্ গোজ্যে সুদোমান অদে অদে থেবঅ।

গীতসংহিতা 89:39

তঅ চাগরবোত্যে যে সুদোমান থিদেবর্ গোজ্যস্ সিয়েন তুই টেঙোই মাজ্যচ্; তা মুকুট্‌তো তুই মাদিত্ ফেলেইনে অসিজি গোজ্যস্।

যিশাইয় 42:1

লগেপ্রভু কোইয়্যেদে, “চাহ্, মঅ চাগর্‌বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্‌‌‌‌‌‌তুনো ইদু ন্যায়বিচের্ আনিবো।

যিশাইয় 55:3

মঅ কধানি শুন্, মইদু আয়; মঅ কধাগান শুন্ যেন তুমি জেদা থাগঅ। মর্ বিশ্বেজে ভরা কোচ্‌‍‌‌‍‍পানালোই মুই দায়ূদো ইদু যে এগেমান্ গোজ্যং সেই মজিম্ মুই তমাত্তে এক্কান উমরর্ সুদোম্ থিদেবর্ গুরিম।‍

যিরমিয় 30:9

সিয়েনর বদলে তারা তারার গোজেন লগেপ্রভুর আর তারার রাজা দায়ূদোর এক্কো বংশধররে সেবা গুরিবাক্ যিবেরে মুই তারার রাজা বানেম।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

মথি লেখ্যে গম্ হবর্ 3:17

সেক্কে স্বর্গত্তুন্ কুয়ো অলঅ, “ইবেয়ই মর্ কোচ্‌পানার্ পুয়ো, ইবে উগুরে মুই অমকদ হুজি।”

প্রেরিত্‌ 2:30

তে এক্কো ভাববাদী এলঅ আর তে কোই পাত্ত গোজেনে শমক্ হেইনে এ এগেমান্ গোজ্যেদে যে, তা সিংহাসনত্ তার এক্কো গুট্টিরে তে বোজেব।

ইব্রীয় 7:21

মাত্তর্ তে যীশুরে দাঙর্ ধর্মগুরু বানেবার অক্তত্ শমক্ খিয়্যে। পবিত্র বোইবোত্ এ পৌইদ্যেনে লেগা আঘে, প্রভু শমক্ খিয়্যে, “তুই উমরত্যে ধর্মগুরু।” এ পৌইদ্যেনে তে তার্ মনান্ ন-বোদোলেব।

বিচের গুরিয়্যেগুন 2:1

লগেপ্রভুর দূত্তো গিল্‌গলত্তুন বোখীমোত্‌ এইনে ইস্রায়েলীয়গুনোরে কলঅ‌, “মুই মিশর দেজত্তুন্ তমারে নিগিলেই আন্যং আর যে দেজ্‌চান দিবার শমক্‌ মুই তমার্‌ পূরোণি বুড়োবুড়িগুনো ইদু গোজ্যং সে দেজত্‌ তমারে আন্যং। মুই কোইয়োং, ‘তমাত্তেই মর্‌ থিদেবর্ গোজ্যে সুদোমান্‌ মুই কনদিনঅ ন-ভাঙিম্‌।