গীতসংহিতা 88:7 - Chakma Bible

⁷ তঅ রাগ্‌কান মঅ উগুরে অমকদ আঘে; তর্ বেগ রাগর টেলায় তুই মরে ভাজে নেযর্।

গীতসংহিতা 88:7 ပူးပေါင်းရင်းမြစ်များ

ইয়োব 10:16

যুনি মুই মাধা অজল্‌ গরং সালে তুই সিংহ ধোক্ক্যেন্ মত্তেই হাপ্‌ দি থেবে আর মরে আরঅ তর্‌ দর্‌গরেপারা বল্‌ দেগেবে।

ইয়োব 6:4

বেগত্তুন্‌ খেমতাবলা গোজেনর সেল্‌লো মইদু ফুট্যে, মঅ পরাণানে সিবের্‌ বিষছান্‌ খার্‌; গোজেনর দর্‌গরেপারা কামানিয়ে মঅ বিরুদ্ধে সুর্‌ বুদিনে থিয়্যেইয়্যে।

গীতসংহিতা 32:4

কিত্যে সেক্কেনে দিনে-রেদে মঅ উগুরে তর্ আঢঅ চাপ্পান্ গুয়োর্ এলঅ; হরান্যেকালর্ গরমে যেধোক্ক্যেন্ অয় সেধোক্ক্যেন গুরি মর্ কি্য়্যের্ বলান কুমি যার্।

গীতসংহিতা 38:1

ও লগেপ্রভু, রাগে তুই মরে গেইল্ ন-দিচ্, বা বেজার্ ওইনে মরে শাজন্ ন-গুরিচ্;

গীতসংহিতা 42:7

সিয়েনত্ তর্ তান্‌‌জাঙর্ রবোর্ পানিগানর গুজুরোনিবো ডাগের্; আর তর্ ভাঙিপোজ্যে বেঈ এস্যে তুবোলুন্ মঅ উগুরেন্দি বেঈ যার্।

গীতসংহিতা 69:3

ডাগদে ডাগদে মুই বল্‌পোজ্যে ওইয়োং, মর্ মুয়োপানিগান্ শুগেয়্যে; মর্ গোজেনত্তে চেই থাগদে থাগদে মঅ চোগ্‌কুন ঝাপ্‌সা ওইয়োন।

গীতসংহিতা 90:7

তর্ রাগে আমি শেজ্ ওই যেই; তর্ অমকদ রাগ্‌কান আমি দোরেই।

যোনা 2:3

তুই মরে গভীন্ পানিত্, সাগর তলাত্ ফেলেই দিলে আর মুই গঙার সংমোধ্যে ভাজি গেলুং; তর্ বেক তুবোলুন্ মঅ উগুরেদি বেঈ গেলঅ।

যোনা 2:4

মুই কলুং, মরে তঅ চোগো মুজুঙোত্তুন্ দূর্ গুরি দিয়্যে ওইয়্যে; তো মুই আরঅ তর্ সেই সুদ্ধো-সাংগ ঘরান ইন্দি রিনি চেইম্।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।