গীতসংহিতা 86:9 - Chakma Bible

⁹ ও প্রভু, তর্ বানেয়্যে বেক জাদ্‌তুনে এইনে তঅ মুজুঙোত্ জু জু জানেইনে মাঢা নিগিরিবো; তারা তর্ গুনগান গুরিবাক্।

গীতসংহিতা 86:9 ပူးပေါင်းရင်းမြစ်များ

২ বংশধর 6:33

সেক্কে তর্‌ থাইদে জাগা স্বর্গত্তুন্‌ তুই সিয়েনি শুনিচ্‌। তে যিয়েন্‌ চায় তাত্তেই সিয়েন্‌ গুরিচ্‌ যেনে পিত্‌থিমীর বেক্‌ মানুচ্চুনে তরে জানি পারন্‌ আর তর্‌ নিজোর্‌ মানুচ্‌ ইস্রায়েলীয়গুনো ধোক্ক্যেন তারায়ো তরে ভোক্তিপূর্ণ দোরেই পারন্‌ আর জানি পারন্‌, মর্‌ বানেয়্যে এ ঘরান্‌ তর্‌ ঘর্‌।

গীতসংহিতা 102:15

সেক্কে লগেপ্রভুর নাঙান্ শুনিনে অন্য বেক জাদ্‌তুনে দোরেবাক্; তর্ বাঈনী দেগিনে পিত্‌থিমীর বেক রাজাগুনোর মনত্ দর্‌বুক্ লাগিবো।

গীতসংহিতা 102:18

আগাম্ বংশধরুনোত্তে এ কধানি লেগা থেবঅ, যেনে এজঅ যিগুনে ন-জর্মান্ তারায়ো লগেপ্রভুর বাঈনী গুরি পারন্।

গীতসংহিতা 66:4

দুনিয়ের বেক্ মানুচ্চুনে তরে তর্ যগাজ্যে সর্মান দিবাক্; তর্ নাঙে তারা নাঙ্ গিনেদে-গীদ্ গেবাক্; তারা তর্ নাঙ্ গিনেদে গীদ্ গেবাক্।”

গীতসংহিতা 67:7

গোজেনে আমারে আশিদ্‌বাদ গোজ্যে; সিয়েনি দেগিনে পিত্‌থিমীর বেগত্তুন দূর দেজর মানুচ্চুনেয়ো তার ভক্ত অবাক্।

গীতসংহিতা 72:19

জিংকানিবর্ তার মহিমাবলা নাঙানির্ নাং গিনে ওক্; পুরো দুনিয়াগান তার মহিমালোই পূরোন ওক্। আমেন, আমেন।

গীতসংহিতা 72:8

তা রেজ্যগানর দুযিগান্ সাগরত্তুন সাগর সং, ইউফ্রটিস্ গাঙত্তুন্ পিত্‌থিমীর শেজ্ দুযি সং ওক্।

যিশাইয় 11:9

মঅ পবিত্র মুড়োবোর কনঅ জাগাত্ কনজনে খেতিয়ো ন-গুরিবাক্, ভস্তয়ো ন-গুরিবাক্, কিত্তে বড়্ সাগরানে যেধোক্ক্যেন্ পানিলোই পেলেং পেলেং থায় সেধোক্ক্যেন্ লগেপ্রভুর পৌইদ্যেনে জ্ঞান্দোই পিত্‌থিমীগান পেলে পেলে অবঅ।‌‌

যিশাইয় 43:7

মঅ নাঙে যিগুনোরে ডাগা অয়, মুই যিগুনোরে মর্ বাঈনী গুরিবাত্তে বানেয়োং, যিগুনোরে মুই দাঙর্ গোজ্যং আর বানেয়োং, তুমি তারারে পত্তিজনরে আন।’ ”

যিশাইয় 59:19

পোজিমেদি মানুচ্চুনে লগেপ্রভুরে ভোক্তিগুরিনে দোরেবাক্ আর পূগেদি মানুচ্চুনে তার মহিমাগান দেগিনে গমেডালে দোরেবাক্, কিত্তে লগেপ্রভু তার নিজেজ্‌‌চোই গদা ভাঙেদে বান পানি ধোক্ক্যেন এবঅ।

যিশাইয় 66:23

পত্তি আঙোচ্চ্যেত্ আর পত্তি জিরেবার দিনোত্ বেক মানুচ্চুনে মঅ মুজুঙোত্ এইনে মরে তবনা গুরিবাক্।

সফনিয় 3:9

সে পরেদি মুই জাদ্‌‌‌‌‌তুনোর মুয়োনি সিজি গুরিম যেনে তারা বেক্কুনে মরে উবোসনা গুরি পারন আর কানায় কানায় মিলিনে মরে সেবা গুরি পারন।

সখরিয় 14:9

লগেপ্রভুই অবঅ গোদা পিত্‌থিমীগানর্ রাজা। সেদিন্যে মান্‌জ্যে লগেপ্রভুরে এক্কো বানা গোজেন বিলিনে স্বিগের্ গুরিবাক। বানা তা নাঙে উবোসনা গুরিবাক্।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।

ইফিষীয় 1:12

আমি যিগুনে আগেদি খ্রীষ্ট উগুরে আজা গোজ্জ্যেই, তেয়ই আমা মাধ্যমে যেন গোজেনর্ মহিমার্ বাঈনী গরা অয় সেনত্যে তে আমারে বেঈ লোইয়্যে।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”