গীতসংহিতা 86:8 - Chakma Bible

⁸ ও প্রভু, দেবেদাগুনো ভিদিরে তঅ ধোক্ক্যেন্ কনজন নেই; তঅ কামানির সমারে অন্য কনঅ কামর তুলনা ন-অয়।

গীতসংহিতা 86:8 ပူးပေါင်းရင်းမြစ်များ

২ বংশধর 2:4

ইক্কিনে মুই মর্‌ গোজেন লগেপ্রভুত্তে এক্কান্‌ ঘর্‌ বানেবাত্তে আর তার্‌ নাঙে সিয়েন্‌ উৎসর্ব গুরিবাত্তে যুক্কোল্‌ ওইয়োং, যেনে তা মুজুঙোত্‌ তুম্বাজ্‌-আগর্‌বাট্টি জ্বালা যায়, সুদোম মজিম্‌ মুজুঙো-রুটি সাজেইনে রাগা যায় আর পত্তিদিন বেন্যে আর সাজোন্যে, জিরেবার্‌ দিনোত্‌, আঙোস্যেত্‌ আর আমা গোজেন লগেপ্রভু ঠিগ্‌-গোজ্যে নানান্‌ পরবর্‌ অক্তত্‌ পূজ্যে-উৎসর্বর অনুষ্ঠানুন্‌ গরা যায়। ইগুন্‌ বেক্কুন্‌ পালানা ইস্রায়েলীয়গুনোত্তে এক্কান্‌ উমরর্‌ সুদোম।

গীতসংহিতা 135:5

মুই হবর্ পাং লগেপ্রভু বোউত্ দাঙর্; আমা গিরোজ্‌সো বেক্ দেবদাগুনোত্তুন্অ দাঙর্।

গীতসংহিতা 136:4

যিবে গায় গায় বেক্ দাঙর্ দাঙর্ কামানি গরে তারে ভালেদি জানঅ; -তার কোচ্‌পানাগান উমরত্তে থিদেবর্ গোজ্যে-

গীতসংহিতা 89:6

স্বর্গ ইদু এন্ কন্না আঘে যিবেরে লগেপ্রভুর লগে সং গুরি পারে? স্বর্গদূত্‌তুনো ভিদিরে কন্না লগেপ্রভুর সং সং?

গীতসংহিতা 89:7

পবিত্র দূত্‌তুনোর তেম্মাঙত্ বেক্কুনে গোজেনরে দরান্ আহ্ ভোক্তি গরন্; তার চেরোকিত্যে বেক্কুনোত্তুন্ তেয়ই বেশ্ ভোক্তিবলা দর্ জাগায়।

গীতসংহিতা 89:8

ও লগেপ্রভু, বেগত্তুন খেমতাবলা গোজেন, কন্না আগে তঅ ধোক্ক্যেন খেমতাবলা, ও লগেপ্রভু? তর্ বিশ্বেজ্‌ছানে তরে ঘিরি আঘে।

গীতসংহিতা 95:3

লগেপ্রভুই দাঙর্ গোজেন; বেক দেব-দেবেদাগুনো উগুরে তেয়ই দাঙর্ রাজা।

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যাত্রা 8:6

সেক্কে হারোণে মিসরর বেক্‌ পানিগান উগুরে তার্‌ আঢ্‌তান্‌ বাবেই দিলো। সেক্কে বেঙুন্‌ উদি এইনে দেজ্‌ছানত্‌ ছিদি পড়িলাক্‌।

যিশাইয় 40:18

মাত্তর্ কা সমারে তুমি গোজেনর্ তুলনা গুরিবে? তুলনা গুরিবে কিয়োর্ লগে?

যিশাইয় 40:25

সেই সুদ্ধো-সাংগ মানুচ্চো কোইয়্যেদে, “তুমি কা লগে মরে তুলনা গুরিবে? কন্না মর্ সং সং?”

যিরমিয় 10:16

যিবে যাকোবর্ পাওনার ভাগ্ তে ইগুনো ধোক্ক্যেন নয়, কিত্তে তে বেক্ জিনিস্‌‍‍চানি বানেয়্যে আর ইস্রায়েলে তার বিশেষ সোম্বোত্তি। তা নাঙান বেগত্তুন খেমতাবলা লগেপ্রভু।

দানিয়েল 3:29

সেনত্তে মুই এ উগুমান দুয়োঙর্, কনঅ জাদর্, দেজর্ বা ভাষার মানুচ্ যুনি শদ্রক, মৈশক আর অবেদ্-নগোর গোজেন বিরুদ্ধে কিজু কন্ সালে তারে কট্টা কট্টা গুরিনে কাবি ফেলা অবঅ আর তার ঘরানি কাজর-কুড়্ বানা অবঅ, কিত্যে আর কনঅ দেবেদা এবাবোত্যেগুরি উদ্ধোর্ গুরি ন-পারে।”

দ্বি’লম্বর বিররণ 3:24

ও প্রভু লগেপ্রভু, তুই যে কত্তমান্‌ দাঙর্‌ আর বোলী সিয়েন্‌ তর্‌ চাগর্‌বোরে দেগেবাত্তে আরাম্ভ গোজ্যস্‌। স্বর্গত্‌ বা পিত্‌থিমীত কনঅ দেবেদা আগন্‌ নাহি, তুই যেদক্কানি কাম্‌ গোজ্যস্‌ সিয়েনি গুরি পারন্‌ আর তুই যে বল্‌ দেগেয়োচ্‌ সিয়েনি দেগেই পারন?

দ্বি’লম্বর বিররণ 4:34

তুমি তোগেই চঅ, তমা গোজেন লগেপ্রভু তমা চোগো মুজুঙোত্‌ মিসর দেজত্‌ তমাত্যে যিয়েনি গোজ্য কনঅ দেবেদা কনদিনঅ সেধোক্ক্যেনগুরি পোরোক্কেগুরিনে, আমক্‌ অবার্‌ কাম্‌ আর চিহ্নোলোই, যুদ্ধোলোই, দরমর আর বোলী আত্তোই আর দাঙর্‌ আর দর্‌ লাগাইদে কাম্মোই কনঅ জাদরে অন্য জাদ ভিদিরেত্তুন্‌ নিজোত্তে নিগিলেই আন্যন্‌ নাহি।