গীতসংহিতা 86:16 - Chakma Bible

¹⁶ তুই মন্দি ফির্ আর মরে দোয়্যে গর্; তঅ চাগর্‌বোরে তর্ খেমতা দান গর্; তঅ চাগরানিবোর পূয়োবোরে রোক্ষ্যে গর্।

গীতসংহিতা 86:16 ပူးပေါင်းရင်းမြစ်များ

গীতসংহিতা 116:16

ও লগেপ্রভু, ঘেচ্চেক্‌গুরি মুই তঅ চাগর্, তর্ চাগর, তঅ চাগরানিবোর পুয়ো; তুয়ই মর্ বান্যেগান খুলি দুয়োচ্।

গীতসংহিতা 119:132

যিগুনে তরে কোচ্‌পান তারা উগুরে তুই যেধোক্ক্যেন্ গুরি থাচ্, সেধোক্ক্যেন গুরি তুই মইন্দি ফির্ আর মরে দোয়্যে গর্।

গীতসংহিতা 119:94

মরে রোক্ক্যে গর্, কিত্তে মুই তর্; তর্ সুদোম ইন্দি মুই মনান্ দুয়োং।

গীতসংহিতা 138:3

মুই যেক্কেনে তরে ডাগিলুং তুই মরে জোব্ দিলে; মঅ মনত্ খেমতা দিইনে তুই মরে সাহসী বানেয়োচ্।

গীতসংহিতা 25:16

মন্দি ফির্ আর মঅ উগুরে দোয়্যে গর্, কিত্যে মুই গায় গায় আর বল্‌‍পোজ্যে।

গীতসংহিতা 41:5

মর্ শত্রুগুনে মর্ অমংগল চেইনে কন্, “তে কক্কে মুরিবো? কক্কে তা নাঙান্ বাদ যেবঅ?”

গীতসংহিতা 69:16

ও লগেপ্রভু, তর্ ভালেদির অমকদ কোচ্‌পানায় মরে তুই জোব্ দে; তর্ থুম্ ন-ওইয়্যে দোয়্যে-মেয়্যেলোই তুই মন্দি ফির্।

গীতসংহিতা 84:5

তত্তুন্ যিগুনে বল্ পান তারা বর্‌পেইয়্যে। বর্‌পেইয়্যে তারা, যিগুনোর মনত্ সিয়োনত্ যেবার পদ চিন্তেগান আঘে।

গীতসংহিতা 90:13

ও লগেপ্রভু, আর কয়দিন? এবেরা তুই ফিরি চাহ্, তর্ চাগরুনো উগুরে তুই মেয়্যে দেগা।

যিশাইয় 45:24

তারা মঅ পৌইদ্যেনে কবাক্, ‘বানা লগেপ্রভু ভিদিরে সততা আর খেমতাগান আঘে।’ মানুচ্চুনে মঅ মুজুঙোত্ এবাক্ আর যিগুনে মঅ উগুরে রাগ্ গুরি আগন তারা লাজত্ পড়িবাক্।

সখরিয় 10:12

মর্ খেমতালোই মুই তারারে বোলী গুরিম আর মর্ আওজ্ মজিম তারা আদাউদো গুরিবাক্। মুই লগেপ্রভু এ কধাগান কঙর্।”

লূকে লেখ্যে গম্ হবর্ 1:38

মরিয়মে কলঅ, “মুই প্রভুর্ চাগরানি, তঅ কধা মজিম্ মঅ উগুরে বেক্কানি ওক্।” ইয়েনর্ পরেদি স্বর্গদূত্তো মরিয়ম কায় কুরেত্তুন্ গেলগোই।

ইফিষীয় 3:16

মুই তবনা গরং যেন গোজেনর্ শেচ্‌-নেইয়্যে মহিমা অনুসারে তে তমারে এমন্‌ খেমতা দে যেনে পবিত্র আত্মার মাধ্যমে তমা মনানি খেমতাবলা অয়,

ইফিষীয় 6:10

যেরেদি কং, প্রভু লগে মিজেইনে তার্ দিয়্যে দাঙর্ খেমতালোই বোলী অ।

ফিলিপীয় 4:13

যে মরে বল্ দান গরে তার্ মাধ্যমে মুই বেক্কানি গুরি পারং।

কলসীয় 1:11

ইয়েন সম্ভব, কিয়া গোজেনে তার্ দাঙর্ খেমতা মজিম বেক্ খেমতাগান্দোই তমারে খেমতাবলা গোজ্জ্যে যেনে তুমি নিত্য হুজিয়ে ধৈজ্জ্য ধুরিনে বেক্কানি সোজ্জ্য গরঅ আর বাবা গোজেনরে ভালেদি জানঅ। পহ্‌র রেজ্যত্ গোজেন মানুচ্চুনে যে অধিকারান পেবাক্ সিয়েনর্ ভাগী অবাত্যে তে তমারে যগাজ্জ্যে গুরি তুল্ল্যে,