গীতসংহিতা 86:12 - Chakma Bible

¹² ও প্রভু, মর্ গোজেন, মুই বেক্ মনান্দোই তর্ বাঈনী গুরিম; উমর জিংকানি তর্ গুণগান গুরিম।

গীতসংহিতা 86:12 ပူးပေါင်းရင်းမြစ်များ

১ বংশধর 29:13

ইক্কিনে, ও আমার গোজেন্‌, আমি তরে ভালেদি জানেই, তরে বাঈনী গুরিনে নাঙ্ গিনিই।

১ বংশধর 29:20

পরেন্দি দায়ূদে বেক্‌ মানুচ্চুনোরে কলঅ, “তুমি তমা গোজেন লগেপ্রভুরে বাঈনী গরঅ।” সেক্কে তারা বেক্কুনে তারার্‌ পূরোণি মানুচ্চুনোর গোজেন লগেপ্রভুরে বাঈনী গুরিলাক্‌ আর লগেপ্রভু আর রাজার নাঙে মাদা নিগিরিনে জু জু জানেলাক্‌।

গীতসংহিতা 104:33

মর্ গোদা জিংকানিগান্ ধুরি মুই লগেপ্রভুর নাঙে গীদ্ গেম্; মুই যেদকদিন্ বাঁজি থেম সেদকদিন্ মঅ গোজেনর নাঙে নাঙ্ গিনেদে গীদ্ গেম্।

গীতসংহিতা 34:1

মুই নিত্য লগেপ্রভুর বাঈনী গুরিম; মর্ মুয়োন্দি তার্ গুণগান আমিঝে থেবঅ।

গীতসংহিতা 9:1

ও লগেপ্রভু, মঅ বেক্ মনান্দোই মুই তরে বাঈনী গুরিম আর তর্ বেক্ আমক্ অইদে কামর্ কধানি কোম।

গীতসংহিতা 9:2

তরে নিইনে মুই হুজি থেম্ আর ফুত্তি গুরিম। ও দাঙর্ গোজেন, মুই তর্ নাঙ্ গিনেদে গান গেইম্।

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

প্রেরিত্‌ 8:36

পধেদি যাদে যাদে তারা এমন্‌ এক্কান জাগাত্ এলাক্ যিয়েনত্ পানি এলঅ। সেক্কে সেই চাগর্‌বো কলঅ, “এইয়্যে চঅ, ইয়েনত্ পানি আঘে; মর্ বাপ্তিষ্ম লবার্ মানা আঘে নাহি?”

রোমীয় 15:6

সালে তুমি মনেদি আর মুয়োদি এক ওইনে আমা প্রভু যীশু খ্রীষ্টর্ গোজেন আর বাবারে বাঈনী গুরি পারিবা।

১ করিন্হীয় 10:31

সেনত্তে তুমি হানা-দানা গরঅ আর যিয়েনই গরঅ, বেক্কানি গোজেনর্ বাঈনী গুরিবাত্তে গরঅ।

১ করিন্হীয় 6:20

বোউত্ দাম্ দিইনে তমারে কিনে ওইয়্যে। সেনত্তে গোজেনর্ বাঈনীত্তে তমা কিয়্যেগানি বেবহার গরঅ।

ইফিষীয় 5:19

আর গীতসংহিতার গীদ্, বাঈনী গরানা আহ্ আত্মিক গীদোর্ মাধ্যমে তুমি একজন আরেকজন সমারে কধা কঅ; তমা মনেদি প্রভুর নাঙে গীদ্ গঅ।

দ্বি’লম্বর বিররণ 6:5

তুমি বেক্কুনে তমার্‌ বেক্‌ মনান্‌, বেক্‌ পরাণান আর বেক্‌ বলান্‌ দিইনে তমা গোজেন্‌ লগেপ্রভুরে কোচ্‌পেবা।