গীতসংহিতা 85:9 - Chakma Bible

⁹ যিগুনে তারে ভোক্তি গরন ঘেচ্চেক্‌গুরি তার উদ্ধোর্ গুরিবার অক্তবো তারা ইদু এচ্চ্যে; সেক্কে তা মহিমাগান আমা দেজত্ বজত্তি গুরিবো।

গীতসংহিতা 85:9 ပူးပေါင်းရင်းမြစ်များ

গীতসংহিতা 119:155

পাজিগুনে উদ্ধোরান্ এনেবাদে ন-পেবাক্, কিত্তে তারা তঅ সুদোমানি মন ন-দুয়োন্।

গীতসংহিতা 50:23

যিবের জিংকানিত্ ভালেদিগানই অলঅ তার উৎসর্ব তেয়ই মরে সর্মান গরে; যে মঅ পধেন্দি আঢে তারে মুই উদ্ধোর গুরিম।”

যিশাইয় 4:5

লগেপ্রভু সেদিন্যে সিয়োন মুড়োবোর্ বেক জাগায়ান উগুরে আর যিগুনে সিদু এগত্তর্ অবাক্ তারা উগুরে দিনোত্ ধূমো আর রেদোত্ জোল্‌জোল্যে আগুনো পহ্‌র গুরি দিবো; সিয়েন অবদে বেক্ ইস্রায়েলর মহিমাগান উগুরে যেন এক্কো চান্।‍‍‍‍‍

যিশাইয় 46:13

মর্ নিদ্দোজ্‌চান মুই তমা ইদু আনঙর্; সিয়েন বেশ্ দূরোত নয় আর মর্ উদ্ধোর কামত্অ আর বেশ্ দেরি নেই। মুই সিয়োনানরে উদ্ধোর গুরিনে ইস্রায়েলরে বাঈনী গরানাগান্ দান গুরিম।”

যিরমিয় 23:35

“ও মর্ মানুচ্চুন, তুমি পত্তিজনে যেন তমা সমাজ্যে বা কুদুম্মোরে পুযোর্ গরঅ, ‘লগেপ্রভু কি জোব্ দিয়্যে?’ বা ‘লগেপ্রভু কি কোইয়্যে?’

যিরমিয় 23:37

সে পরেদি লগেপ্রভু মরে কলঅ, যেক্কে তারা ভিদিরে কনজনে ভাববাদী ইজেবে কধা কন তারে পুযোর্ গরঅ, তমা ইধু লগেপ্রভু কি জোব্ দিয়্যে? বা লগেপ্রভু কি কোইয়্যে?

যিরমিয় 29:11

তমাত্তে মর্ পরিকল্পনাগানর্ কধাগান মুয়ই হবর্ পাং; সিয়েন তমা ভালেদিত্তে, ক্ষোতিত্বে নয়। সে পরিকল্পনাগানর ভিদিরেদি তমা ভবিচ্চদর্ আজাগান পূরোণ অবঅ।

যিহিষ্কেল 26:20

সেক্কেনে মুই তরে মরণ জাগাত যেইয়্যে মানুচ্চুনো সমারে পুরোনা দিনো মানুচ্চুনো ইধু তলে লামেই দিম। মুই তরে পিত্‌‌‌‌‌‌‌‌‌‌থিমীর গভীনোত্ পুরোনা দিনোর ভস্তওইয়্যে জাগানর সংমোধ্যে মরণ জাগাত্ যেইয়্যে মানুচ্চুনো সমারে বজত্তি গোরেম। তঅ ভিদিরে আর কনজনে বজত্তি ন-গুরিবাক্ আর জেদাগুনো দেজত্ তর্ জাগা ন-অবঅ।

যিহিষ্কেল 3:10

তে মরে আরঅ কলঅ, “ও মান্‌জ্যর্ পুয়োবো, মুই তরে যেদক্কানি কধা কোম্ সিয়েনি তুই মন দিইনে শুন্ আর মনত্ থুবেই রাগা।‌‌‌‌

হবক্‌‌‌‌কূক 2:1

মুই মর্ চুগিদার-জাগানত্ থিয়্যেম্, দেবাল উগুরে জাগা নেযেম্; তে মরে কি কবঅ আর মঅ আবিত্তিগানর্ কি জোব্ দিবো সিয়েনত্তে বাজ্জেই থেইম্।

সখরিয় 2:5

লগেপ্রভু কত্তে, তে নিজেই সিয়েনর চেরোকিত্তে আগুনোর দেবাল অবঅ আর তেয়ই তার মহিমায় সিয়েনত্ থেবঅ।’ ”

সখরিয় 2:8

বেগত্তুন খেমতাবলা লগেপ্রভু তার বাঈনীগান্ ফগদাং গুরিবাত্তে মরে সেই বেক্ জাদ্‌তুনো ইধু পাদেয়্যে যিগুনে তমারে লুদেয়োন। তে কত্তে, “যে কনজনে তমারে ধরন্ তে মর্ চোগো মানেক্কো ধরে।

লূকে লেখ্যে গম্ হবর্ 2:32

অন্য জাদ ইধু ইয়েন্ পথ দেগেবার পহরান্, আর তঅ ইস্রায়েল জাদ ইধু ইয়েন বাঈনী গুরিবার্ কধা।”

যোহন 1:14

সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।

যোহন 7:17

যুনি কেঅ তা আওজ্ পালেবাত্তে চায় সালে তে বুঝি পারিবো, এ শিক্ষ্যেগান্ গোজেনত্তুন্ এচ্চ্যে, না মুই নিজোত্তুন্ কঙর্।

প্রেরিত্‌ 13:16

সেক্কে পৌলে উদিনে থিয়েল আর আঢ্ তুলিনে কলঅ, ইস্রায়েলীয়গুন আর গোজেন ভক্ত অযিহূদীগুন, তুমি শুনো।

১ শমূয়েল 3:9

সেনত্যেই এলি শমূয়েলরে কলঅ, “তুই যেইনে ঘুমোত্‌ পড়। এবেরা যুনি তে তরে ডাগে সালে কবেদে, ‘কোই পারিবে লগেপ্রভু, তর্‌ চাগরবো শুনের্‌।’ ” সেক্কে শমূয়েলে যেইনে তার নিজোর জাগানত্ ঘুমোত পুরিলো।