গীতসংহিতা 85:6 - Chakma Bible

⁶ তঅ মানুচ্চুনে যেনে তরে নিইনে ফুত্তি গুরি পারন্ সেনত্তে কি তুই তারারে আরঅ জেদা ন-গুরিবে?

গীতসংহিতা 85:6 ပူးပေါင်းရင်းမြစ်များ

গীতসংহিতা 138:7

যেক্কেনে মুই দজাত্ পরং সেক্কেনে তুই মঅ পরাণান্ রোক্ক্যে গরচ্; তঅ আঢ্‌তান বাবেইনে তুই মঅ শত্রুগুনো রাগ্‌কানি কমেই দে, আর তর্ ডেন্ আঢ্‌তানে মরে উদ্ধোর্ গরে।

গীতসংহিতা 149:2

ইস্রায়েলে তার সিরিষ্টি গুরিয়্যেবোরে নিইনে ফুত্তি গোরোক্, সিয়োন মানুচ্চুনে তারার রাজাবোরে নিইনে হুজিয়্যে রাজিয়্যে থাদোক্।

গীতসংহিতা 53:6

ইস্রায়েলীয়গুনোর উদ্ধোর সিয়োনর ভিদিরেত্তুন্ এজোক্। গোজেনে যেক্কে তা মানুচ্চুনোর অবস্থা ফিরেব সেক্কেনে যাকোবর বংশগুনে ফুত্তি গুরিবাক্- ইস্রায়েলীয়গুনে হুজি অবাক্।

গীতসংহিতা 71:20

যুনিয়ো তুই মঅ উগুরে বোউত্ দুঘ্ আর দযা আন্যচ্, তো তুই আরঅ মঅ পরাণান জেদা গুরি দিবে; মাদি তলেত্তুন্ তুলি আনেদে ধোক্ক্যেন গুরি আরঅ তুই মরে তুলি আনিবে।

গীতসংহিতা 74:1

ও গোজেন, তুই উমরত্যে কিত্তে আমারে ফেলেই যেয়োচ্? তর্ চড়েদে জাগানর্ ভেড়াগুনোর বিরুদ্ধে কিত্তে তর্ রাগর আগুনান্ ধূমেই উদের্?

গীতসংহিতা 77:8

তার অমকদ কোচ্‌পানাগান কি উমরত্যে থুম্ ওই গেলঅ? তার শমক্তান্‌অ কি উমরত্যে বিফল ওই গেলঅ?

গীতসংহিতা 80:18

সালে আমি আর্ তঅ কায়-কুরেত্তুন্ ফিরি ন-যেবং; তুই আরঅ আমারে জেদা গুরি তুল্, আমি তরে তর্ যোগাজ্যে সর্মান দিবোং।

গীতসংহিতা 90:14

নুয়ো গুরি তর্ অমকদ কোচ্‌পানালোই আমা আওজ্‌ছানি পুরেই দে, যেনে আমি হুজিয়ে গীদ্ গেই পারিই আর হুজিয়ে জিংকানি কাদে পারিই।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিরমিয় 3:5

তুই কি নিত্য রাগ গুরি থেবে? তর্ রাগ্‌‌‌‌‌‌‍কান কি জিংকানিবর্ অদে অদে মনত্ থবে‍?’ তুই দঅ এবাবোত্যেগুরি কধা কচ্, মাত্তর্ তঅ তপ্পে যেত্তমান ভান্ন্যেই কাম্ গুরিবার সম্ভব তুই সেত্তমান গোজ্যস্।”

হোশেয় 6:2

কয়েকদিন পরে তেয়ই আরঅ আমারে বাজেব, আর আমারে আগ অবস্থাত্ ফিরেই আনিবো যেনে আমি তা মুজুঙোত্ বজত্তি গুরি পারিই।

হবক্‌‌‌‌কূক 3:2

ও লগেপ্রভু, মুই তঅ কাম কধা শুনিনে দোরেলুং। ও লগেপ্রভু, আমা সময়োত্ সিয়েনি তুই আরঅ গর্; আমা সময়োত্ তুই সিয়েনি দেগা। রাগর্ সময়োত্ তুই মেয়্যে গুরিবার কধা ভুলি ন-যেচ্।