গীতসংহিতা 85:12 - Chakma Bible

¹² যিয়েন গম লগেপ্রভু ঘেচ্চেক্‌গুরি সিয়েন দিবো, আর আমা দেজ্‌ছানে খেত-খেত্তি দিবো।

গীতসংহিতা 85:12 ပူးပေါင်းရင်းမြစ်များ

গীতসংহিতা 67:6

ভূইয়ানে তার খেত-খেত্তি দিয়্যে; গোজেন, আমা গোজেন, আমারে আশিদ্‌বাদ গোজ্যে।

গীতসংহিতা 72:16

দেজত্ বোউত্ খেত-খেত্তি ওক্, সিগুন মুড়োগুনোর্ মাদাবো সং ওক্। খেত-খেত্তিয়ে লেবানন ঝারর্ শন্‌শন্ রঅ গরে; শঅরত্তুন্ নিগিলি এচ্চ্যে মানুচ্চুনে যেন মাদ ঘাস ধোক্ক্যেন বোউত্ বাড়ন্।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

যিশাইয় 45:8

ও আগাজ্‌‌‌ছান, তুই ভালেদি গুরিবাত্তে ঝড় ফেলাচ্; মেঘ্‌কানে ভালেদি ঢালি দোক্। পিত্‌‌‌‌‌থিমীর বুগ্‌‌‌‌‌কান খুলি যেইনে উদ্ধোরান ভাজি উদোক্ আর সিয়েন সমারে বাড়ি উদোক্ গম্ জিনিস্‌‌‌‌‌চান। মুই লগেপ্রভু ইয়েনর্ বেবস্থা গোজ্যং।

লেবীয় 25:19

সেক্কে তুমি ভূইয়োত্তুন্‌ পুরো ফসলানি পেবা আর পেট ভুরি হেইনে নিচিদেগুরি সিয়েনত্‌ বজত্তি গুরি পারিবা।

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

সখরিয় 8:12

ইক্কিনে বীজিত্তুন্ গাজ্ গমেডালে বাড়ি উদিবো, আংগুরো লুদিত্ ফল ধুরিবাক্, মাদিত্ খেত্-খেত্তি জোর্মেবাক্ আর আগাজত্তুন্ শিরোপানি পুরিবো। এই জাদর্ বাঁজি থেইয়্যে মানুচ্চুনে মর্ দিয়্যে অধিকার ইজেবে ইয়েনি বেক্কানি পেবাক্।

মথি লেখ্যে গম্ হবর্ 13:23

গম্ ভূইয়োত্ পোজ্যে বীজিগুনোর্ মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনিনে বুঝোন্ আর ফল দুয়োন্। কনজনে দে একশগুন, কনজনে দে ষায়েট্গুন্ আর কনজনে দে ত্রিশগুণ।”

মথি লেখ্যে গম্ হবর্ 13:8

মাত্তর্ কয়েক্কো বীজি গম্ ভূইয়োত্ পড়িনে কনবোত্ একশগুন, কনবোত্ ষায়েত্‌গুন আর কনবোত্ ত্রিশগুন শোজ্য অলাক্।”

প্রেরিত্‌ 2:41

যিগুনে তা কধা বিশ্বেজ্ গুরিলাক্ তারা বাপ্তিষ্ম ললাক্ আর শিচ্চ্যগুনো দল সমারে সেদিন্ন্যে গোজেনে কমেদি তিন আজার্ মান্‌জ্যরে এগত্তর্ গুরিলাক্।

প্রেরিত্‌ 21:20

এ কধানি শুনিনে সেই নেতাগুনে গোজেনরে বাঈনী গুরিলাক্ আর পৌলরে কলাক্, “ভেই, তুই দঅ দেগর্, কদক্ আজার্ আজার্ যিহূদী যীশু উগুরে বিশ্বেজ্ গোজ্জ্যন্ আর তারা বেক্কুনে মোশির রীতি-সুদোম পালেবাত্তে ভারী আওজি।

১ করিন্হীয় 1:30

যীশু খ্রীষ্ট সমারে যে তুমি এগত্তর্ গুরি আঘ সিয়েন গোজেনত্তুন্ ওইয়্যে। যীশু খ্রীষ্ট আমা ইধু গোজেনর্ দিয়্যে জ্ঞান; তেয়ই আমার নিদ্দুজি, পবিত্র আর উদ্ধোর্।

ইফিষীয় 1:3

আমা প্রভু যীশু খ্রীষ্টর্ বাপ্পো আর গোজেনর্ বাঈনী ওক্। আমি খ্রীষ্ট সমারে মিজেয়্যেই বিলি স্বর্গর্ পত্তি আত্মিক আশিদ্‌‌বাদ গোজেনে আমারে দান গোজ্জ্যে।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।