গীতসংহিতা 83:9 - Chakma Bible

⁹ তুই মিদিয়নীয়গুনোর উগুরে যিয়েন গোজ্যস্, কীশোন গাঙর্ পাড়ত্ সীষরা আর যাবীনো উগুরে যিয়েনি গোজ্যস্, ইগুনো উগুরেয়ো সিয়েন গর্।

গীতসংহিতা 83:9 ပူးပေါင်းရင်းမြစ်များ

পত্থম 19:37

পরেদি দাঙর্‌ ঝিবোর্ এক্কো পুয়ো অলে তে তা নাঙান্‌ রাগেল মোয়াব (যিয়েনর ভেদ্‌‌তান্ “বাবত্তুন্‌”)। এ মোয়াবেয়ই এ জাগার্‌ মোয়াবীয়গুনোর্‌ আগবাব্‌।

পত্থম 19:38

পরেদি চিগোন ঝিবোর্‌অ এক্কো পুয়ো অলঅ, আর তে তা নাঙান্‌ রাগেল বিন্-অম্মি (যিয়েনর ভেদ্‌‌তান্ “মঅ বংশর্‌ পুয়ো”)। তে সিদুগোর অম্মোনীয়গুনোর আগঅ বাব্‌।

যিশাইয় 10:26

বেগত্তুন্ খেমতাবলা লগেপ্রভু ওয়েব মুড়োবোত্ মিদিয়নরে আঘাত্ গুরিবার সময়োত্ যেবাবোত্যে গোজ্যে সেবাবোত্যে গুরি তে চাবুক্কোই আসিরিয়গুনোরে মারিবো। মিসরত্ যেবাবোত্যে গোজ্যে সেবাবোত্যে গুরি তে পানি উগুরে তা লুদিক্কো তুলিবো।

যিশাইয় 9:4

মিদিয়নর্ উদি যেবার্ দিন্নোত্ যেধোক্ক্যেন্ তুই গোজ্যস্, সেধোক্ক্যেন্ গুরি তুই চুর্‌‌মার্ গুরি দিবে সেই জুঙোলান্, যিয়েন তারা উগুরে গুয়োর্ ওই আঘে, সেই লুদিক্কো, যিবে তারারে আঘাত্ গরে, সেই জাদ্‌তো, যে তারা উগুরে অত্যেচার্ গরে।

বিচের গুরিয়্যেগুন 4:7

মুই যাবীনোর সেনাপতি সীষরারে তার সৈন্যদল আর রথ সুদ্ধো কীশোন গাঙর্‌ ইদু নেযেম্‌ আর তোমা আঢত্‌ তারারে তুলি দিম্‌।’”

বিচের গুরিয়্যেগুন 5:21

সে পূরোণ্‌কালর গাঙর্‌ পানিগানে, সে কীশোন গাঙর্‌ পানিগানে শত্রুগুনোরে ভাজেই নেযেল। ও মর্‌ মনান্‌, দর মর ওইনে উজেই যাহ্।