গীতসংহিতা 83:18 - Chakma Bible

¹⁸ তারা যেন হবর্ পান, তঅ নাঙান লগেপ্রভু, অয়, বানা তুয়ই গোদা দুনিয়াগানর দাঙর্ গোজেন।

গীতসংহিতা 83:18 ပူးပေါင်းရင်းမြစ်များ

পত্থম 22:14

তে সে জাগায়ান নাঙান্‌ দিলো যিহোবা-যিরি (যিয়েনর ভেদ্‌তান্ “লগেপ্রভু যুগেই দে”)। সেনত্তে ইক্কিনিয়ো মান্‌জে কন্‌, “লগেপ্রভুর্‌ মুড়োবোত্‌ লগেপ্রভুই যুগেই দে।”

১ রাজাবলী 18:37

ও লগেপ্রভু, মরে জোব্‌ দে, জোব্‌ দে, যেনে এ বেক্‌ মানুচ্চুনে হবর্ পান্‌, ও লগেপ্রভু, তুয়ই গোজেন আর তুয়ই তারার্‌ মনানি ফিরেই আন্যচ্‌।”

২ রাজাবলী 19:19

ইক্কিনে ও আমা গোজেন লগেপ্রভু, আসিরিয়ার রাজা আঢত্তুন্‌ তুই আমারে রোক্ষ্যে গর্‌ যেনে পিতথিমীর্‌ বেক্‌ রেজ্যগানিয়্যে কোই পারে, তুয়ই, ও লগেপ্রভু, বানা তুয়ই গোজেন।”

গীতসংহিতা 18:13

লগেপ্রভু আগাজত্ গুজুরি উদিলো; আগাজ বাজ্ আর শিলো ঝড়ত্ দাঙর্ গোজেন রবুয়ো শুনো গেলঅ।

গীতসংহিতা 35:4

যিগুনে মরে মারে ফেলেবাত্তে চাদন্ তারা লাজত্ আর অসর্মানত্ পোড়োদোক্; যিগুনে মর্ সর্বনাশর কুজুরোমি গত্তন্ তারা অগমান্ ওইনে ফিরি যাদন্।

গীতসংহিতা 59:13

তুই রাগে তারারে ভস্ত গর্, ভস্ত গর্ যেনে তারা আর্ ন-থান; ইয়েন্দোই পিত্‌থিমীর শেজ্ দুযি সং বেক্কুনে হবর্ পেবাক্, গোজেনে যাকোবর বংশবো উগুরে রাজাগিরি গুরিবো।

গীতসংহিতা 9:16

দোল্ বিচেরর্ মাধ্যমে লগেপ্রভু নিজোরে জানিবাত্তে দে; তে পাজিগুনোরে তা কামর্ ফালত্ ফেলায়।

গীতসংহিতা 9:2

তরে নিইনে মুই হুজি থেম্ আর ফুত্তি গুরিম। ও দাঙর্ গোজেন, মুই তর্ নাঙ্ গিনেদে গান গেইম্।

গীতসংহিতা 92:8

মাত্তর্ ও লগেপ্রভু, তুই উমর সং বেক্কুনো উগুরে থেবে।

গীতসংহিতা 97:9

ও লগেপ্রভু, তুই বেক দুনিয়েগানর দাঙর্ গোজেন; বেক দেবেদাগুনোত্তুন্ ভালোদ্দুর্ উগুরে তর্ জাগায়ান।

যাত্রা 6:3

বেগত্তুন্‌ খেমতাবলা গোজেন ইজেবে মুই অব্রাহাম, ইস্‌হাক আর যাকোবরে দেগা দিদুং, মাত্তর্‌ লগেপ্রভু ইজেবে মুই যে কন্না, সিয়েন্‌ তারা ইধু ফগদাঙ্‌ ন-গুরিদুঙ্‌।

যিশাইয় 42:8

“মুই লগেপ্রভু, ইয়েনই মঅ নাঙান্। মুই অন্যজনরে মর্ বাঈনী বা মূত্তিরে মর্ পাওনা নাঙ্ গিনেনাগান্ পেবাত্তে ন-দিম।

যিশাইয় 5:16

মাত্তর্ বেগত্তুন্ খেমতাবলা লগেপ্রভু দোল্ বিচের গুরিনে দাঙর্ থেবঅ; পবিত্র গোজেনে তা গমানত্তে পবিত্র বিলিনে ফগদাং অবঅ।

যিশাইয় 54:5

তর্ গোজেনে তর্ নেক্, তা নাঙান্ বেগত্তুন্ খেমতাবলা লগেপ্রভু; ইস্রায়েলর সেই সুদ্ধো-সাংগ মানুচ্চো তর্ উদ্ধোরগুরিয়্যে। তারে বেক্ পিত্‌থিমীগানর গোজেন কুয়ো অয়।

যিরমিয় 16:21

লগেপ্রভু কোইয়্যেদে, “সেনত্তে এবার্ মুই ইস্রায়েলীয়গুনোরে মর্ খেমতা আর বল্ দেগেইনে শিক্ষ্যে দিম্। সেক্কে তারা হবর্ পেবাক্, মঅ নাঙান লগেপ্রভু।”

যিহিষ্কেল 30:19

এবাবোত্যেগুরি মুই মিসররে সাজা দিম, আর সেক্কেনে তারা হবর্ পেবাক্, মুয়ই লগেপ্রভু।’ ”

যিহিষ্কেল 38:23

এবাবোত্যেগুরি ভালোক্ জাদ চোগো মুজুঙোত্ মুই নিজোরে ফগদাং গুরিম; মুই যে মহৎ আর পবিত্র সিয়েন দেগেম; সেক্কে তারা হবর্ পেবাক্, মুয়ই লগেপ্রভু।

দানিয়েল 4:25

তরে মানুচ্চুনো ইত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; তুই দামাড়া গোরু ধোক্ক্যেন ঘাস হেবে আর আগাজ শিরোপানিয়ে ভিজিবে। এবাবোত্যেগুরি সাত বজর্ যেবগোই, যেদক ভিলোন্ সং তুই মানি ন-নেযেব, মান্‌‍‍জ্য রেজ্যনি উগুরে দাঙর্ গোজেনে কাবিদ্যঙি গরে আর তেয়ই সিদুগোর্ বেক রেজ্যগানি সেই বেক্ রেজ্যগানি যিবেরে আওজ্ তারে দে।

দানিয়েল 4:32

তরে মান্‌‌জ্য কায় কুরেত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; গোরু ধোক্ক্যেন তুই ঘাস হেবে। যেদক্ বিলোন সং তুই মানি ন ‌‌নেযেবে, দাঙর্ গোজেনে মান্‌জ্য রেজ্যগানি উগুরে কাবিদ্যঙ্‌‌গিরি গরে আর সেই বেক্ রেজ্যগানি যিবেরে আওজ্ তারে দে সেদক্ বিলোন সং সাত বজর্ যেবঅ।”

মীখা 4:13

লগেপ্রভু কত্তে, “ও সিয়োন-ঝিবো, তুই উদিনে শোজ্য মাড়্; মুই তরে লুয়োর্ শিং আর পিদোলর্ খুর্ দিম যেনে তুই ভালোক্ জাদরে চুরমার গুরি পারচ্। তুই তারার্ অন্যেয়গুরিনে পেইয়্যে পযাপিরা আর ধন-সোম্বোত্তিগানি মঅ নাঙে, বেক্ পিত্‌‌‌থিমীগানর্ প্রভুর নাঙে ভস্ত অনা অভিশাবর্ অধীন ইজেবে দি দিম‌।”

সখরিয় 4:14

সেক্কে তে কলঅ, “সেই দ্বিবে অলঅ সেই দ্বিজন যিগুনে পুরো দুনিয়েগান প্রভুর সেবা গুরিবাত্তে অভিষিক্ত ওইয়োন।” ‌‌