গীতসংহিতা 82:2 - Chakma Bible

² “আর কয়দিন তুমি অন্যেয়র শাজন্ চালেবা? কয়দিন পাজিগুনোর তপ্পে থেবে?

গীতসংহিতা 82:2 ပူးပေါင်းရင်းမြစ်များ

১ রাজাবলী 18:21

এলিয় মানুচ্চুনোর মুজুঙোত্‌ যেইনে কলঅ, “আর কয়দিন তুমি দ্বিয়েন্‌ নৌকোত্‌ ঠেঙ্‌ দিইনে চলিবা? যুনি লগেপ্রভু গোজেন্‌ অয় সালে তারে সেবা গরঅ, আর যুনি বাল দেবেদাবো গোজেন অয় সালে তারে সেবা গরঅ।” মাত্তর্‌ মানুচ্চুনে কনঅ জোব্‌ ন-দিলাক্‌।

২ বংশধর 19:7

লগেপ্রভু উগুরে দরর্‌ ভাব্‌ তমা ইদু থোক্‌। উজিয়ারে বিচের্‌ গুরিবা, কিয়া অবিচের্‌, একচোখ্যে বিচের্‌ বা ঘুষ হেইয়্যেগুনোর্‌ লগে আমা গোজেন্‌ লগেপ্রভুর কনঅ মিজেমিজি নেই।”

ইয়োব 32:21

মুই কারঅ উগুরে একঢাল্যে ন-গুরিম, বা কনঅ মান্‌জ্যরে বিগিদি ন-গুরিম;

ইয়োব 34:19

তে শাজন্‌গুরিয়্যেগুনোর তপ্পে ন-লয়, নাঢা মানুচ্চুনোরে ফেলেইনে তাগোয়্যেগুনোরে দাঙর্ মনে ন-গরে, কিত্যে তারা বেক্কুনে তার্ আঢ্‌‌তোই বানেয়্যে।

গীতসংহিতা 62:3

আর কয়দিন এক্কো মান্‌জ্য উগুরে তমার এ আক্রমণানি চলিবো, যেনে আলেই-পোজ্যে দেবাল আর পড়েত্তে এমন্ বেড়া ধোক্ক্যেন গুরি তুমি বেক্কুনে তারে শেজ্ গুরি দি পার?

যাত্রা 10:3

মোশি আর হারোণে সেক্কে ফরৌণ ইধু যেইনে কলাক্, “ইব্রীয়গুনোর্‌ গোজেন লগেপ্রভু কত্তে, ‘আর কয়দিন্‌ তুই মঅ মুজুঙোত্‌ মাঢাবো লোঙেবাত্তে অস্বীগের্‌ গুরিবে? মরে তবনা গুরিবাত্যে মঅ মানুচ্চুনোরে যেবাত্তে দে।

গম্ উপদেজ্ 18:5

দুষি মান্‌জ্যর তপ্পে লনা ঠিগ্ নয়, সেক্কে নিদ্দুযিবো উগুরে অবিচের্ গরা অয়।

যিহিষ্কেল 45:9

ও ইস্রায়েলর শাজন্‌গুরিয়্যেগুন, মুই প্রভু লগেপ্রভু কঙর্, যদেষ্ট ওইয়্যে। ইক্কিনে জোর্ জবরদস্তি আর অত্যেচার গরানা ছাড়ি দিইনে তুমি ন্যায় আর গম্ কাম গরঅ। মঅ মানুচ্চুনোর জাগা তমা গজগত্ নেযানা বন্ধ গরঅ।

লেবীয় 19:15

অন্যেয় গুরি বিচের্‌ গরানা ন-চলিবো। বিচেরত্‌ চিগোন-দাঙর্‌ কারঅ‌ পক্ষ নেযানা ন-চলিবো; তুমি বেক্কুনো উগুরে দোল্‌বিচের্‌ গুরিবা।

মথি লেখ্যে গম্ হবর্ 17:17

জোবত্ যীশু কলঅ, “অবিশ্বেজি আর পাজি মানুচ্চুন! আর কয়দিন মুই তমা লগে লগে থেম্? কয়দিন তমারে সোজ্য গুরিম? পুয়োবোরে ইয়েনত্ মইধু আনঅ।”

গালাতীয় 2:6

মন্ডলীর গণ্যমান্য মানুচ্চুনে গম হবর্ পৌইদ্যেনে নুয়ো কনঅ কিচ্চু মরে ন-জানান্। আসলে তারা যিয়েন অদাক্ সাৎ সিয়েনিলোই মুই কিচ্চু মনে ন-গরং।

দ্বি’লম্বর বিররণ 1:17

বিচেরর্‌ পৌইদ্যেনে তুমি কারঅ‌ পক্ষ ন নিবা আর চিগোন্‌-দাগর্‌ বেক্কুনোর্‌ কধা শুনিবা। বিচেরর্‌ কামান্‌ আজলে গোজেনর্; সেনত্তে কনঅ মান্‌জ্যরে তুমি ন দোরেবা। যুনি কনঅ বিচের্‌ তমা ইদু আগাত্যে বিলিনে মনে গরঅ সালে তুমি সিয়েন্‌ মইদু আনিবা, মুই সেই বিচেরান গুরিম্‌।