গীতসংহিতা 81:12 - Chakma Bible

¹² সেনত্তে মুই তারারে একবুচ্ছ্যে মনর্ মান্‌জ্য আদত্ রাগেলুং, যেনে তারা নিজো আওজ্ মজিম চলন্।

গীতসংহিতা 81:12 ပူးပေါင်းရင်းမြစ်များ

পত্থম 6:3

এ অবস্থা দেগিনে লগেপ্রভু কলঅ, “মর্ আত্মাগানে জনম্‌ ভুরি মানুচ্চুনো ইধু ন-থেবঅ, কিত্তে মানুচ্‌ মরনর্‌ অধীন। মুই তারারে একশঅ কুড়ি বজর সময় দোঙর্।”

২ রাজাবলী 18:12

ইয়েনি ঘুদি যেইয়্যে, কিত্তে তারার গোজেন লগেপ্রভু কধানি তারা ন-পালান্‌, বরং তা সুদোমানি, অত্তাৎ লগেপ্রভুর চাগর্‌ মোশির বেক্‌ উগুমানি তারা অমান্য গোজ্যন্‌। সে উগুমানি তারা কান্‌ ন-পাদন্‌ আর সিয়েনি পালনঅ ন-গরন্‌।

নহিমিয় 9:16

তো আমা পূরোণিমানুচ্চুনোর বেবহার্‌ এলদে বার্‌বোলোই ভরা; তারা একগেয়েমি ওইয়োন্‌ আর তর্‌ উগুমান্‌ ন-পালান্‌।

ইয়োব 8:4

তঅ ঝি-পূঅগুনে হামাক্কাই তা বিরুদ্ধে পাপ গোজ্যন্‌, সেনত্তে তে পাপঅ সাজার্‌ আঢত্‌ তারারে তুলি দিয়্যে।

যাত্রা 11:9

লগেপ্রভু মোশিরে কোইয়্যেদে, “মিসর দেজত্‌ মর্‌ আমক্‌ অবার্‌ কামানি যেনে বেশ্ অয় সেনত্যে ফরৌণে তঅ কধা ন-শুনিবো।”

যিশাইয় 30:1

লগেপ্রভু কোইয়্যেদে, “অভিশাব্ দুয়োং সেই একবুচ্চ্যে পুয়োগুনোরে, যিগুনে পরিকল্পনা মজিম্ কাম্ গরন্ মাত্তর্ মঅ পরিকল্পনা মজিম্ নয়। তারা সমাজ্যে বানান্ মাত্তর্ মঅ আত্মাগানর্ আওজ্ মজিম্ নয়। এবাবোত্যেগুরি তারা পাপ উগুরে পাপ বেশ্ গরন্।

যিশাইয় 30:9

এ মানুচ্চুনে উল্লোমী আর মিজে কধা কোইয়্যে; তারা লগেপ্রভুর্ শিক্ষ্যেনি শুনিবাত্তে রাজি নয়।

যিশাইয় 42:24

যাকোবরে কন্না লুদো হেবাত্তে দিয়্যে? আর ইস্রায়েলরে কন্না লুদেয়্যেগুনো আঢত্ তুলি দিয়্যে? তে কি লগেপ্রভু নয়, যিবের্ বিরুদ্ধে আমি পাপ গোজ্যেই? তারা তা পধেদি চলিবাত্তে ন-চান্, তা উগুমান্ ন-পালান্।

যিরমিয় 42:21

মুই এইচ্চ্যে সিয়েনি তমারে কলুং মাত্তর্ যেদক্কানি পৌইদ্যেনে কবাত্তে তমা গোজেন লগেপ্রভু মরে তমা ইধু পাদেয়্যে সিয়েনি তুমি এজঅ ন-পালঅ।

যিরমিয় 7:24

মাত্তর্ সিয়েন তারা ন-শুনোন আর সিয়েনত্ মনযোগ্‌অ ন-দুয়োন; সিয়েনর বদলে তারা তারার আওজ্ মজিম, তারার ভান্ন্যেই মনর্ একঘেয়েমিলোই চলদন্। তারা পিজেদি উদি যেইয়োন, উজেই ন-যান।

যিহিষ্কেল 20:8

মাত্তর্ তারা মঅ বিরুদ্ধে উল্লোমী গুরিলাক্, মঅ কধানি শুনিবাত্তে রাজি ন-অলাক্। যিদুক্কুন জঘন্য মূত্তি তারা ইধু গম্ লাগিদো সিগুন তারা দূর্ ন-গুরিলাক্ আর মিসরর মূত্তিগুন ন-ছাড়িলাক্। সেনত্তে মুই কলুং মিসরত্ মুই তারা উগুরে মঅ রাগ্‌‌‌‌কান আর অমকদ অহুজি অনাগান্ পুরোপুরি ঢালি দিম।

হোশেয় 9:17

মর্ গোজেনে তারারে এলাফেলা গুরিবো, কিত্যে তারা তার্ বাধ্য ন-অন্; তারা নানান্ জাদ ভিদিরে ঘুরি বেড়েবাক্।

লেবীয় 26:14

মাত্তর্‌ তুমি যুনি মর্‌ কধানি ন-শুনো আর এ বেক্‌ উগুমানি পালন ন-গরঅ,

প্রেরিত্‌ 14:16

আগ দিনোত্ বেক্‌ জাদ্‌তুনোরে তে তারার্ আওজ্ মজিম চলিবাত্তে দিয়্যে,

প্রেরিত্‌ 7:42

মাত্তর্ গোজেনে মুয়োন্ ফিরেল আর আগাজর্ চানানরে-বেলানরে-তারাগুনোরে পূজিবাত্তে তারারে ফেলেই রাগেল। এই একই কধাগান ভাববাদীগুনোর বোইবোত্ লেগা আঘে- ও ইস্রায়েলর মানুচ্চুন, ধূল্যেচর-চাগালাত্ সেই চল্লিশ বজর্ তুমি কি মঅ নাঙে কনঅ য়েমান বা অন্য কনঅ জিনিস্ উৎসর্ব গোজ্য?

রোমীয় 1:24

ইয়েনত্যে গোজেনে মান্‌জ্যরে তার্ মনর্ কামনা-বাসনা মজিম্ জঘন্য কাম্ গুরিবাত্তে ইরি দিয়্যে। যেরেদি তারা একজন আরেক জন লগে জঘন্য কাম্ গুরিনে নিজো কিয়্যেগানিরে অসর্মান গোজ্যন্।

১ শমূয়েল 8:19

মাত্তর্‌ মানুচ্চুনে শমূয়েলর এই বেক্‌ কধানি শুনিবাত্তে রাজী ন-অলাক্। তারা কলাক্কে, “না, আমি এক্কো রাজা চেই।