19 ও বেগত্তুন্ খেমতাবলা লগেপ্রভু গোজেন, তুই আগ অবস্তাদ আমারে ফিরেই নেযা; তর্ দোয়্যে-মেয়্যেগান পহ্র্ ধোক্ক্যেন আমা উগুরে পোড়োক্, আমি সেক্কে উদ্ধোর্ পেবং।
লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;
তর্ মুয়োন্ তুই মত্তুন্ ফিরেই ন-রাগেচ্, রাগ্ গুরিনে তুই তঅ চাগর্বোরে ফিরেই ন-দিচ্; তুয়ই দঅ মর্ এজাল্ দিয়্যেবো ওইনে এজর্। ও গোজেন, মর্ উদ্ধোর্গুরিয়্যে, মরে ফেলেইনে ন-যেচ্, মরে বাদ্ ন-দিচ্।
তর্ চাগর্বো উগুরে তর্ দোয়্যে পহর্ ধোক্ক্যেন গুরি পোড়োক্; তর্ থুম্ ন-ওইয়্যে কোচ্পানালোই তুই মরে রোক্ষ্যে গর্।
তারা নিজো তলোয়ারলোই এ দেজ্ছান গজক্ ন-গরন, নিজো বল্লোই নয়ও জিদোন্; তর্ বল্লোই, অয়, তর্ বল্লোই; আর তর্ মহিমালোই সিয়েনি গোজ্যন্, কিয়া তারা উগুরে তর্ দোয়্যে এলঅ।
ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্রান তুই ছিদি দে।
ও গোজেন, তুই আগ অবস্তাদ আমারে ফিরেই নেযা; তর্ দোয়্যে-মেয়্যেগান পহ্র্ ধোক্ক্যেন গুরি আমা উগুরে পোড়োক্, আমি সেক্কে উদ্ধোর্ পেবং।
ও বেগত্তুন্ খেমতাবলা গোজেন, আমারে তুই আগ অবস্তাদ ফিরেই নেযা; তর্ দোয়্যে-মেয়্যেগান পহ্র্ ধোক্ক্যেন আমা উগুরে পোড়োক্, আমি সেক্কে উদ্ধোর পেবং।
মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্অ মত্তুন্ ফিরি ন-যান।
সেনত্যেই তমার গোজেন লগেপ্রভু তমারে যিয়েনি গুরিবাত্তে উগুম দিয়্যে সিয়েনি তমাত্তুন্ য্ত্তন্ গুরিনে পালন গরা পুরিবো; সিয়োত্তুন্ এক্কানায়ো ইন্দি-উন্দি ওই ন-পারিবো।
তুই বলী অ আর বুগোত্ সাহস বান্। মঅ চাগর্ মোশি তরে যে রীদি-সুদোমানি দি যেইয়্যে বেক্ রীদি-সুদোমানি পালেবাত্তে মন্ দিবা, সিয়োত্তুন এক্কেনায়ো ইন্দি উন্দি ন-সুরিবা। ইয়েন্দোই তুই যিয়োত্ যেবে সিয়োদোই ফোলেবে।