গীতসংহিতা 80:16 - Chakma Bible

¹⁶ সে গাজ্‌ছুন আগুনে পুড়ি যেয়োন, সিগুন কাবি ফেলা ওইয়্যে; তঅ মানুচ্চুনে তর্ গেইল্ হেইনে শেজ্ ওই যাদন্।

গীতসংহিতা 80:16 ပူးပေါင်းရင်းမြစ်များ

গীতসংহিতা 39:11

পাপত্তে তুই যেক্কেনে মান্‌জ্যরে দরমর গুরিনে কধালোই শাজন্ গরচ্, সেক্কেনে পুক্-যুগো ধোক্ক্যেন গুরিনে তারার দোলান্ তুয়ই বর্‌বাদ্ লাগেই দুয়োচ্; মানুচ্ দঅ এক্কো নিজেস ধোক্ক্যেন্।

গীতসংহিতা 79:5

ও লগেপ্রভু, আর কয়দিন? তুই কি জিংকানিবর্ বেজার ওই থেবে? আর কয়দিন তর্ পাইদ্যে ভোক্তি ন-পানার জ্বালা আগুনো ধোক্ক্যেন জুলিবো?

গীতসংহিতা 90:7

তর্ রাগে আমি শেজ্ ওই যেই; তর্ অমকদ রাগ্‌কান আমি দোরেই।

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যোহন 15:6

যুনি কেঅ মঅ সমারে ন-থায় সালে কাপ্প্যে ডেলা ধোক্ক্যেন্ তারে বারেদি ফেলেই দিয়্যে অয় আর সিবে শুগেই যায়। সেক্কে সেই ডেলাগুন্ কুড়েইনে আগুনোত্ ফেলে দিয়্যে অয় আর সিগুন পুড়ি যান্।

২ থিষলনীকীয় 1:9

প্রভু যেক্কে এবঅ সেক্কে তারারে এমন্‌ সাজা দিয়্যে অবঅ যিয়েনর কারনে তারা আজিল্ আর দাঙর্ খেমতার্ বারেদি পড়িনে জিংকানিবর্ ভস্ত অনাত্ থেবাক্। সেদিন্যে তার্ নিজো মানুচ্চুনোর মাধ্যমে তার্ মহিমাগান ফগদাং অবঅ আর যিগুনে বিশ্বেজ্ গোজ্জ্যন তারার্ বেক্কুনোর্ মাধ্যমে তার্ বাঈনী অবঅ। তুমিয়ো সেই বিশ্বেজিগুনো ভিদিরে আঘঅ, কিয়া তুমি আমার সাক্ষিগানি বিশ্বেজ্ গোজ্জ্য।