গীতসংহিতা 8:5 - Chakma Bible

⁵ তুই মান্‌‌জ্যরে স্বর্গ দূত্‌তুনোত্তুন্ এক্কেনা তলেন্দি বানেয়োচ্; রাজমুকুট ইজেবে তুই তারে দান গোজ্যস্ বাঈনী আর সর্মান।

গীতসংহিতা 8:5 ပူးပေါင်းရင်းမြစ်များ

পত্থম 2:7

পরেদি লগেপ্রভু গোজেনে মাদিলোই এক্কো মরদ্‌ মানুচ্‌ বানেল আর তা নাগত্‌ ফুন্‌ দিইনে তা ভিদিরে পরাণান্‌ ভোরেই দিলো। সেক্কে সে মানুচ্চো এক্কো জেদা প্রাণি অলঅ।

২ শমূয়েল 14:29

সে পরেন্দি তে রাজা ইদু যেবাত্তে যোয়াবরে ডাগিনে পাদেল, মাত্তর্‌ যোয়াবে তাইদু যেবাত্তে রাজী ন-অলঅ। যেরেন্দি তে দ্বিবারত্‌ যোয়াবরে ডাগিনে পাদেল, মাত্তর্‌ এবেরায়ো যোয়াবে তাইদু যেবাত্তে রাজী ন-অলঅ।

ইয়োব 7:17

“মানুচ্‌ কিবাবোত্যে, তারে তুই এদক্‌ দাম্‌ দুয়োচ্‌, আর তা উগুরে তুই এদক্‌ মনযোগ্‌ দুয়োচ্‌,

গীতসংহিতা 103:20

ও লগেপ্রভুর বোলী দূত্‌তুন, যিগুনে তা কধার বাধ্য থেইনে তা উগুমানি পালন গরর্, তুমি তার্ বাঈনী গরঅ।

গীতসংহিতা 103:4

তে মরণ জাগাত্তুন্ তঅ জিংকানিগান উদ্ধোর্ গরে; তে তরে অমকদ কোচ্‌পানালোই আর মেয়্যেলোই ঘিরি রাগায়।

গীতসংহিতা 144:3

ও লগেপ্রভু, মানুচ্ এদক্ কি ওয়োন্দে, তারা ইন্দি তুই খিয়েল্ গরচ্? মান্‌জ্য পুয়োগুন বা কন্না যে, তারা ইন্দি তুই মনান্ দুয়োচ্?

গীতসংহিতা 45:6

ও গোজেন, তর্ সিংহাসনান্ জিংকানিবর থিদেবর্ গোজ্যে; তর্ শাজনান্ ন্যায়র শাজন্।

ইফিষীয় 1:21

আগাজত্ যিগুনো আঢত্ বেক্ শাসন, খেমতা, বল্ আর রাজাগিরি আঘে তারারে তে খ্রীষ্টর্ অধীন গোজ্জ্যে। আর যিবেরে যে নাঙ্ দিয়্যে অদঅ সাৎ, সিয়েন তে এ যুগোত্ ওক্‌ বা এজেত্তে যুগোত্ ওক্‌, বেক্‌ নাঙান উগুরে খ্রীষ্টর্ নাঙান্।

ইব্রীয় 2:16

যীশু স্বর্গদূত্‌‌তুনোরে এজাল্ ন-দে, বরং অব্রাহামর গুট্টিগুনোরে তে এজাল্ দে।

ইব্রীয় 2:7

তুই মান্‌জ্যরে স্বর্গদূত্‌তুনোত্তুন্ সামান্য তলে গোজ্জ্যস্। রাজমুকুট ইজেবে তুই তারে দান গোজ্জ্যস্ বাঈনী পানা আর সর্মান,

ইব্রীয় 2:9

মাত্তর্ যীশুরে দঅ আমি দেগির্। তারে স্বর্গদূত্‌তুনোত্তুন্ সামান্য নীজো গরা ওইয়্যে, যেন গোজেনর্ দোয়্যেই পত্তি মান্‌জ্যর পৌইদ্যেনে তে নিজেই মুরি পারে। তে দুঘে মোজ্জ্যে বিলি জিদেনার মালা ইজেবে বাঈনী আর সর্মান তারে দান গরা ওইয়্যে।