8 পুরোণি মানুচ্চুনোর অন্যেয়ানি তুই আমা বিরুদ্ধে ন-ধুরিচ্; তুই যাদিমাদি তর্ মেয়্যেগান আমারে দেগা, কিত্তে আমি চেরোকিত্যেত্তুন্ কুল ন-পেইয়্যে ওইয়্যেই।
মাত্তর্ তঅ বংশর্ চের্ আজু মানুচ্চুনে ইধু ফিরি এবাক্, কিত্তে পাপ গর্তে গর্তে ইমোরীয়গুনে এযঅ এমন্ অবস্তাদ্ যেইনে ন লুমোন্দোই যিয়েনত্ত্যে মত্তুন্ তারারে সাজা-দিয়া পুড়িবো।
মিলেবো সেক্কে এলিয়রে কলঅ, “ও গোজেনর্ মানুচ্, মুই তর্ কি ক্ষতি গোজ্যং? তুই কি মরে মর্ পাপর্ কধাগান্ মনে গুরি দিবাত্তে আর মর্ পূঅবোরে মারে ফেলেবাত্তে এচ্ছোস্?”
ভালোক্বার তে তারারে উদ্ধোর্ গুরিলো, মাত্তর্ তারা নিজোর আওজে উল্লোমি অলাক্; পাপত্তে তারার এ অবস্তা অলঅ।
লগেপ্রভু সিদেসিদি মানুচ্চুনোরে রোক্ক্যে গরে; মুই অনালর্ ওইয়োং মাত্তর্ তেয়ই মরে উদ্ধোর্ গোজ্যে।
ও লগেপ্রভু, তুই যুনি অন্যেয়র ইজেব রাগাচ্, সালে ও প্রভু, কন্না থিয়্যেই থেই পারিবো?
মঅ কানানিগান তুই শুনিচ্, কিত্তে মুই অমকদ অনালর্ ওইয়োং; মরে যিগুনে লোড়েয়োন্ তারা আঢত্তুন্ তুই মরে বাঁজা, কিত্তে তারা আমাত্তুন্ বেজ্ খেমতাবলা।
ভালেদির্ বোউত্ আশিদ্বাদ নিইনে তুই তারে আগ্বাড়েই আনিবাত্তে যেইয়োচ্, তা মাঢাবোত্ দুয়োচ্ খাটি সনার মুকুট।
মর্ গাবুরো অক্তত্ পাপ্পানি আর তর্ বিরুদ্ধে উল্লোমির কধানি তুই মনত্ ন-রাগেচ্; তর্ ন-পুরেইয়্যে কোচ্পানালোই তুই মরে মনত্ রাগেচ্, কিয়া ও লগেপ্রভু, তুই মংগলময়।
শুনিচ্, যে জাগানর্ কধা মুই কোইয়োং তুই ইক্কিনে যেইনে মানুচ্চুনোরে সিদু নেযা। মর্ দূত্তুনে তমারে পথ্ দেগেইনে নেযেবাক্। যেক্কে সাজা-দিবার্ অক্ত এবঅ সেক্কে মুই তারারে পাপর্ সাজা দিম্।”
ও লগেপ্রভু, তুই এদক্ বেশ্ রাগ ন-গুরিচ্; আমা পাপ্পানি জনম্মো ইদোত্ ন-রাগেচ্। আমি কোজোলি গুরির্, তুই আমা ইন্দি রিনি চাহ্, কিত্তে আমি বেক্কুনে তঅ মানুচ্।
তে কলঅ, “ও মান্জ্যর্ পুয়োবো, মুই তরে ইস্রায়েলীয়গুনো ইধু, অত্তাৎ যিগুনে মঅ বিরুদ্ধে উল্লোমী গোজ্যন্ সেই উল্লোমী জাদ ইধু পাদাঙর্; তারা আর তারার্ পুরোণি মানুচ্চুনে এজঅ সং মঅ বিরুদ্ধে উল্লোমী গুরি এত্তন্।
ও প্রভু, তর্ ন্যায্যতা মজিম তর্ শঅর্, অত্তাৎ তর্ সুদ্ধো-সাংগ মুড়ো যিরূশালেমত্তুন্ তর্ অমকদ অহুজিগান আর রাগ্কান দূর্ গুরি দে। আমা পাপ্পানিত্তে আর আমা পূরোণি মানুচ্চুনোর অন্যেয়ত্তে আমা চেরোকিত্তে মানুচ্চুনো ইধু যিরূশালেম আর তঅ মানুচ্চুনে ঈচ্ গরেদে মানুচ্ ওইয়োন।
তারা মঅ নাঙে য়েমান-উৎসর্ব গুরিনে সিগুনোর য়েরানি হান্ মাত্তর্ মুই লগেপ্রভু তারা উগুরে হুজি নয়। ইক্কিনে মুই তারার্ পাজিগানির্ কধা ইদোত্ তুলিনে পাপর্ সাজা দিম; তারা মিসরত্ ফিরি যেবাক্।
গিবিয়ার সময়োত্ যেবাবোত্যে এলঅ সেবাবোত্যে ইস্রায়েলীয়গুনে অন্যেয় ইধু ডুবি যেইয়োন। গোজেনে তারার্ পাজির্ কধানি ইদোত্ তুলিবো আর তারার্ পাপত্তে সাজা দিবো।
তমা ভিদিরে বজত্তি গোজ্যে অন্য জাদর মানুচ্চুনে তমা উগুরে উদিবাক আর তুমি লামিবা তারার তলেন্দি।
তার পাপ্পানি আগাজ সং অজল ওইয়্যে আর তার্ ভান্ন্যেই কামর কধানি গোজেনে মনে গোজ্জ্যে।