গীতসংহিতা 79:4 - Chakma Bible

⁴ পাড়াল্যেগুনো ইদু আমি মুয়োন দেগেই ন-পারির্, আমা চেরোকিত্যে মানুচ্চুনোর ইদু ঈচ্ গরা হেইয়্যে মানুচ্ ওইয়্যেই।

গীতসংহিতা 79:4 ပူးပေါင်းရင်းမြစ်များ

১ রাজাবলী 9:7

মাত্তর্‌ ইস্রায়েলীয়গুনোরে যে দেজ্‌ছান মুই দুয়োং সিয়োত্তুন্‌ মুই তারারে ধাবেই দিম্‌। যে তবনা-ঘরান মুই মর্‌ থেবারঘর্‌ ইজেবে যুদো গোজ্যং সিয়েন্অ মঅ চোগো মুজুঙেত্তুন্‌ দূর্‌ গুরি দিম। সেক্কে ইস্রায়েলানে অন্য বেক্‌ জাত্তুনোর্‌ ইদু ঈচ্‌গোজ্যা আর চোগোছাল্ অবঅ।

নহিমিয় 1:3

তারা মরে কলাক্‌, “বন্দীদজাত্তুন্‌ যিগুনে দেজত্‌ ফিরি যেইয়োন্‌ তারা অমকদ দুগোত্‌ আর অসর্মানর্‌ ওইনে আগন্‌। যিরূশালেমর দেবালান্‌ ভাঙি যেইয়্যে আর সিয়েনর্‌ গেট্‌টুন আগুন্দোই পুড়ি দিয়্যে ওইয়্যে।”

নহিমিয় 2:19

মাত্তর্‌ হোরণীয় সন্‌বল্লট, অম্মোনীয় মুরুব্বী টোবিয় আর আরবীয় গেশম্‌ এ কধাগান শুনিনে আমারে ঘিনা ধুরিলাক্‌। তারা কলাক্‌, “তুমি ইয়েন কি গরর্‌? তুমি কি রাজার বিরুদ্ধে উল্লোমি গুরিবা?”

গীতসংহিতা 80:6

তুই এন্ গোজ্যস যেনে কায়-কুরে জাদ্‌তুনে আমারে নিইনে কোল্-কোজ্যে বাজান্। আমা শত্রুগুনে আমারে নিইনে তারা তারা আজি-তামাজা গরন্।

গীতসংহিতা 89:41

যিগুনে তা দেজর্ কায়-কুরেন্দি যান তারা বেক্কানি লুদোন্; তার পারাল্যে জাদ্‌তুনোর ইদু তে ইংসে গরা হেইয়্যে ওইয়্যে।

যিশাইয় 43:28

সেনত্তে মুই তমা উবোসনা-ঘরর্ ধর্মগুরুগুনোরে অগমান গুরিম আর যাকোবরে ভস্তর্ অভিশাবর্ তলে গুরিম আর ইস্রায়েলরে ঠাট্টা-তামাজার্ মানুচ্ বানেম্।”

যিরমিয় 24:9

মুই তারারে যিয়েনত্ দূর গুরি দুয়োং সাৎ সিয়েনত্ মুই তারারে দর্‌‌গরেপারা মান্‌‌‍জ্য ধোক্ক্যেন গুরিম‍, পিত্‌থিমীর বেক্ জাদ্‌‌‍‌‌তুনো ইধু কাঙেলেত্যের বেপার্, এক্কো ঈচ্ গরা হেইয়্যে মানুচ্, এক্কান দাগ কধা আর এক্কো ঈচ্ গরা হেইয়্যে মানুচ্। মান্‌‌‍‌‍‌জ্যে তারা নাঙানিলোই অভিশাব্ দিবাক্।

যিরমিয় 25:18

মুই যিরূশালেম আর যিহূদার শঅরানিত্ আর তার রাজাগুনোরে আর রাজকর্মচারীগুনোরে হাবেলুং, যেন তারা এচ্চ্যে যেবাবোত্যে আগন সেবাবোত্যে ভস্তর্, অমকদ দর্‌গরেপারা, ঠাট্টার আর অভিশাবর্ জাগাত্ থান।‌‌‌‌

যিরমিয় 42:18

ইস্রায়েলর গোজেন বেগত্তুন্ খেমতাবলা লগেপ্রভু কোইয়্যেদে, যিগুনে যিরূশালেমত্ বজত্তি গুরিদাক্ তারা উগুরে যেবাবোত্যে মর্ অহুজি আর রাগ্ ঢালি পোজ্যে তুমি মিসরত্ গেলে সেবাবোত্যেগুরি মঅ রাগ্‌কান তমা উগুরেয়ো পুরিবো। তুমি অবা ঠাট্টা আর ঈচ্ গরা হেইয়্যে মানুচ্; তমা অবস্থা দেগিনে মানুচ্চুনে আমক্ অবাক্ আর তমা নাঙানিলোই মান্‌জ্যে অভিশাব্ দিবাক্। তুমি আর কনদিন্‌অ এ জাগায়ান ন-দেগিবা।

যিরমিয় 51:51

“তুমি কোইয়ো, ‘আমা পৌইদ্যেনে ঈচ্ গরানার কধা শুন্ন্যেই বিলিনে আমি অসর্মান ওইয়্যেই। লাজে আমা মুয়োনি নাঢা যেইয়্যে, কিত্তে লগেপ্রভুর ঘরর্ সুদ্ধো-সাংগ জাগানিত্ বিদেশীগুনে সোম্মোন্।’

আবিলেচ্ 1:11

তার বেক্ মানুচ্চুনে ভঅনিজেস্ ফেলাদে ফেলাদে হানা তগাদন্; নিজোরে বাঁজেই রাগেবাত্তে তারা হানার্ বদলে তারার মূল্যবান পযাপিরানি দি দুয়োন্। যিরূশালেমে কত্তে, “ও লগেপ্রভু, রিনি চাহ্, ভাবি চাহ্, মরে ঈচ্ গরা ওইয়্যে।

আবিলেচ্ 5:1

ও লগেপ্রভু, আমা উগুরে যিয়েনি ঘোট্যে সিয়েনি ইদোত্ তুলি চাহ্; তুই রিনি চাহ্, আমা অগমানানি চাহ্।

যিহিষ্কেল 22:5

ও অশান্তিবলা জঘন্য শঅরান্, যিগুনে কায়কুরে এজন্ আর যিগুনে দূরোত্ আগন তারা তরে ঈচ্ গুরিবাক্।

যিহিষ্কেল 35:12

সে অক্তত্ তুই হবর্ পেবে, তুই ইস্রায়েলর মুড়ো-মুড়িগুনোর বিরুদ্ধে যেদক্কানি অগমানর্ কধা কোইয়োচ্ সিয়েনি মুই লগেপ্রভু শুন্যং। তুই কোইয়োচ্চে যে, সিয়েনি ভস্ত ওইনে পড়ি আঘে আর সিয়েনি গজক্ গুরিবাত্তে তরে দিয়্যে ওইয়্যে।

যিহিষ্কেল 36:15

জাদ্‌‌‌‌‌‌তুনোর্ ঠাট্টা-মশ্‌‌‌‌‌‌কারী আর তরে শুনিবাত্তে ন-দিম্ আর তারার অগমান গরানা আর তত্তুন্ সোজ্য গরা ন-পুরিবো। তত্তে তঅ জাদর্ মানুচ্চুনে আর উজোত্ ন-হেবাক্। মুই প্রভু লগেপ্রভু এ কধাগান কঙর্।’ ”

যিহিষ্কেল 36:3

সেনত্তে মুই প্রভু লগেপ্রভু কঙর্, তুমি যেনে অন্য জাদ্‌‌‌‌‌তুনোর গজগত্ এজ আর মানুচ্চুনোর ইংসে আর নিন্দের্ মানুচ্ অ সেনত্তে তারা চেরোকিত্তেত্তুন্ তমারে ভস্ত আর গিলি ফেল্যন্।

দানিয়েল 9:16

ও প্রভু, তর্ ন্যায্যতা মজিম তর্ শঅর্, অত্তাৎ তর্ সুদ্ধো-সাংগ মুড়ো যিরূশালেমত্তুন্ তর্ অমকদ অহুজিগান আর রাগ্‌‌‌‌কান দূর্ গুরি দে। আমা পাপ্পানিত্তে আর আমা পূরোণি মানুচ্চুনোর অন্যেয়ত্তে আমা চেরোকিত্তে মানুচ্চুনো ইধু যিরূশালেম আর তঅ মানুচ্চুনে ঈচ্ গরেদে মানুচ্ ওইয়োন।

সফনিয় 3:18

লগেপ্রভু কত্তে, “ঠিগ্ পরব্‌পুন পালেই ন-পারিনে তর্ যে মানুচ্চুনে দুঘ্ গোজ্যন তারারে মুই এগত্তর্ গুরিম। তারা দঅ অসর্মানর বুধি বুয়োদন্।‌‌

সখরিয় 8:13

ও যিহূদা আর ইস্রায়েল, বেক্ জাদর্ মানুচ্চুনে আগে তমা নাঙানি অভিশাব্ ইজেবে বেবহার গুরিদাক্, মাত্তর্ ইক্কিনে মুই তমারে উদ্ধোর্ গুরিম আর তারা তমা নাঙানি আশিদ্‌‌বাদ ইজেবে বেবহার গুরিবাক্। তুমি ন-দোরেয়ো, বরং দরমর অ।

দ্বি’লম্বর বিররণ 28:37

লগেপ্রভু তমারে যিদুক্কুন জাদ ভিদিরে ধাবেই দিবো তারা তমার অবস্থা দেগিনে দরে গির্‌গিরে উদিবাক, আর তারা তমারে ঈস্ গুরিবাক আর ভান্ন্যেই কধান্দি গুবিবাক।