গীতসংহিতা 79:11 - Chakma Bible

¹¹ বন্দিগুনোর কানানিগানি তঅ কানত্ লুমোক্; যিগুনো উগুরে মরণর রায় দিয়্যে ওইয়্যে তর্ দাঙর্ বল্লোই তুই তারারে বাঁজা।

গীতসংহিতা 79:11 ပူးပေါင်းရင်းမြစ်များ

গীতসংহিতা 102:21

সেনে যেক্কেনে অন্য বেক জাদ্‌তুনে আর রেজ্যগানিয়ে লগেপ্রভুর সেবা গুরিবাত্তে একসমারে এগত্তর্ অবাক্, সেক্কেনে লগেপ্রভুর নাঙান সিয়োনত্ ফগদাঙ্ গরা অবঅ, যিরুশালেমত তার বাঈনী গরানার্ কধা ফগদাঙ্ গরা অবঅ।

গীতসংহিতা 12:5

লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

গীতসংহিতা 69:33

লগেপ্রভু নাদামানুচ্চুনোর্ কধানি শুনে; তা মানুচ্চুন, যিগুনে বন্দীদজাত্ আগন্, তারারে তে বেঙা চোগেন্দি ন-চায়।

যিশাইয় 33:2

ও লগেপ্রভু, আমা উগুরে দোয়্যে গর্; আমি তত্তে বাজ্জেই আগিই। পত্তিদিন বেন্যে অক্তত্ তুই মঅ মানুচ্চুনোর বল্ অ, আর দুঘো সময়োত্ আমার উদ্ধোরগুরিয়্যে অ।

যিশাইয় 42:7

তুই কান্ মানুচ্চুনো চোগ্‌কুন খুলি দিবে, জেলখানাত্তুন্ বন্দিগুনোরে উদ্ধোর্ গুরিবে আর সিদুগোর্ আন্ধার গাদত্ রাগেয়্যে মানুচ্চুনোরে নিগিলেই আনিবে।‌‍‍

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

ইফিষীয় 3:20

আমা মনত্ গোজেনর্ যে খেমতাগান কাম্ গরের্ সেই খেমতা অনুসারে তে আমার চানা আর চিন্তেত্তুন্‌অ বোউত্ বেশ্ গুরি পারে।