গীতসংহিতা 79:1 - Chakma Bible

¹ ও গোজেন, অন্য জাদ্‌তুনে তর্ সোম্বোত্তিগানি আক্রমন গোজ্যন্, তারা সিদু চোমেয়োন্দি; তঅ সুদ্ধো-সাংগ ঘরান্ তারা অসিজি গোজ্যন্; যিরূশালেমানরে তারা ভস্তর কুড়্ বানেয়োন্।

গীতসংহিতা 79:1 ပူးပေါင်းရင်းမြစ်များ

২ রাজাবলী 24:13

লগেপ্রভু যেধোক্ক্যেন কোইয়্যে সেধোক্ক্যেন গুরিনে নবূখদ্‌নিৎসরে লগেপ্রভুর ঘরানত্তুন্‌ আর রাজঘরত্তুন্‌ বেক্‌ ধন-সোম্বোত্তিগানি নেযেল আর ইস্রায়েলর রাজা শলোমন লগেপ্রভুর ঘরানত্তে সোনালোই যেদক্কানি পযাপিরা বানেয়্যে সিয়েনি তে কাবিনে কট্টা কট্টা গুরিলো।

২ বংশধর 36:17

তারার্‌ বিরুদ্ধে লগেপ্রভু বাবিলোর রাজারে লোই আনিলো। সে রাজাবো উবোসনা-ঘরত্‌ তারার্‌ গাবুজ্যেগুনোরে মারে ফেলেল আর গাবুজ্যে-গাবুরী, বুড়ো বা বয়স ওইয়্যে কাররে দোয়্যে-মেইয়্যে ন-দেগেল। গোজেনে তারারে বেক্কুনোরে সে রাজাবোর্‌ আঢত্ তুলি দিলো।

২ বংশধর 36:19

তা মানুচ্চুনে গোজেনর ঘরান্‌ পুড়ি দিলাক্‌ আর যিরূশালেম দেবালান্‌ ভাঙি ফেলেলাক্‌। তারা সে জাগার্‌ বেক্‌ দাঙর্‌ দাঙর্‌ ঘরানি পুড়ি দিলাক্‌ আর বেক্‌ মংগা পযাপিরানি বর্‌বাত্‌ গুরি ফেলেলাক্‌।

গীতসংহিতা 50:1

খেমতাবলা গোজেন, লগেপ্রভু গোজেন, কধা কোইয়্যে; পূগত্তুন্ পোজিমেন্দি সং পিত্‌থিমীর বেক্কুনোরে তে ডাক্যে।

গীতসংহিতা 78:71

তারে দুধবলা পাদি ভেড়াগুনোরে চেইচিদিবার কামত্তুন্ আনিলো, যেন তে প্রভুর মানুচ্চুনোরে, অত্তাৎ যাকোবর বংশবোরে, যিগুন তার সোম্বোত্তি সেই ইস্রায়েল জাদ্‌তোরে চোরেই পারন্।

যাত্রা 15:17

তুয়ই তর্‌ মানেইয়ুনোরে আনিনে চারা ধোক্ক্যেন গুরি লাগেই দিবে তর্‌ নিজোর্‌ মুড়োবোত্‌। ও লগেপ্রভু, তর্‌ নিজোর আত্তোই গোজ্যে সিয়েনই তর্‌ থেবার্‌জাগা; ও প্রভু, তর্‌ নিজো আত্তোই‌ গোজ্যে সিয়েনই‌ সেই সুদ্ধো-সাংগ জাগায়ান্;

যিশাইয় 47:6

মঅ মানুচ্চুনো উগুরে মঅ রাগ্‌‌কান জুলি উঠ্যে আর মঅ সোম্বোত্তিগানরে মুই অসিজি অবাত্তে দুয়োং। তারারে মুই তঅ আঢত্ তুলি দুয়োং আর তুই তারা উগুরে কনঅ মেয়্যে ন-দেগাচ্। এমন্ কি, বুড়ো মানুচ্চুনো উগুরেয়ো তুই গুয়োর্ বুদি চাপি দুয়োচ্।

যিশাইয় 63:18

তর্ সুদ্ধো-সাংগ জাগায়ান কয়েক দিনোত্তে তর্ যুদো গোজ্যে মানুচ্চুনোর আঢত্ এলঅ, মাত্তর্ ইক্কিনে আমা শত্রুগুনে সিয়েন টেঙোই উজ্যন্।

যিরমিয় 26:18

“যিহূদার রাজা হিষ্কিয়র সময়োত্ মোরেষ্টীয় মীখা ভাববাদী ইজেবে কধা কদঅ। তে যিহূদার মানুচ্চুনোরে কোইয়্যেদে, ‘বেগত্তুন খেমতাবলা লগেপ্রভু কোইয়্যেদে, সিয়োনানরে ক্ষেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্ আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।’

যিরমিয় 39:8

বাবিলীয়গুনে রাজঘরত্ আর মান্‌জ্য ঘরত্ আগুন বাজেই দিলাক্ আর যিরূশালেমর দেবালানি ভাঙি ফেলেলাক্।

যিরমিয় 51:51

“তুমি কোইয়ো, ‘আমা পৌইদ্যেনে ঈচ্ গরানার কধা শুন্ন্যেই বিলিনে আমি অসর্মান ওইয়্যেই। লাজে আমা মুয়োনি নাঢা যেইয়্যে, কিত্তে লগেপ্রভুর ঘরর্ সুদ্ধো-সাংগ জাগানিত্ বিদেশীগুনে সোম্মোন্।’

যিরমিয় 52:13

তে লগেপ্রভুর ঘরত্, রাজঘরত্ আর যিরূশালেমর বেক্ ঘরানিত্ আগুন ধোরেই দিলো। বেক্ আজল্ আজল্ ঘরানি তে পুড়ি ফেলেল।

আবিলেচ্ 1:10

শত্রুগুনে তার বেক্ মূল্যবান পযাপিরানি উগুরে আঢ্ দিয়্যে; দেবেদা-পূজোগুরিয়্যে জাদ্‌‌‌‌‌‌তুনোরে তে তার সুদ্ধো-সাংগ জাগানত্ সমদে দেখ্যে। ইগুন সেই মানুচ্চুন যিগুনোরে তুই তঅ সমাজত্ সোমেবাত্তে মানা গোজ্যস্।

যিহিষ্কেল 9:7

সে পরেদি গোজেনে তারারে কলঅ, “তুমি মোজ্যন্দে মানুচ্চুন্দোই উদোনান্ ভোরেই ফেলেইনে উবোসনা-ঘরান্ অসিজি গরঅ। যঅ, কাম গরঅ।” সেনত্তে তারা নিগিলিনে শঅরত্ যেইনে মানুচ্চুনোরে মারে ফেলা ধুরিলাক্।

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

ফগদাং পেইয়্যে 11:2

মাত্তর্ উবোসনা-ঘরর্ বারেদি যে উদোনান্ আঘে সিয়েন বাদ দিচ্‌, ন-মাবিচ্; কিয়া সিয়েন অযিহূদীগুনোরে দিয়্যে ওইয়্যে। তারা বিয়াল্লিশ্ মাস সং পবিত্র শঅরান টেঙোই উরিবাক্।