গীতসংহিতা 78:41 - Chakma Bible

⁴¹ বার বার তারা গোজেনরে জগা চেইয়োন, ইস্রায়েলর সেই পবিত্র মানুচ্চোরে দুঘ্ দুয়োন।

গীতসংহিতা 78:41 ပူးပေါင်းရင်းမြစ်များ

২ রাজাবলী 19:22

তুই কারে অসর্মান্‌ গোজ্যস? কা বিরুদ্ধে অগমান কধা কোইয়োচ্‌? তুই কা বিরুদ্ধে রঅ ছাজ্যস্‌ আর বার্‌ গুরিনে চোখ্‌ তুলি চেইয়োচ্‌? ইস্রায়েলর সে সুদ্ধো-সাংগ মানুচ্চো বিরুদ্ধে তুই ইয়েনি গোজ্যস্‌।

গীতসংহিতা 89:18

আমা রাজাবোরে ইস্রায়েলর সেই সুদ্ধো-সাংগ মানুচ্চো নেযেয়্যে; আমা সেই ঢালান লগেপ্রভুর্ বেঈ লোইয়্যে।

যিশাইয় 1:4

হায়! তারা এক্কো পাপে ভরা জাদ, দুষোর্ ভারে ভোজ্যে মানুচ্, অন্যেয় গুরিয়্যেগুনোর্ বংশ, ভান্ন্যেই কাম গোজ্যে পুয়ো। তারা লগেপ্রভুরে ছাড়ি যেইয়োন্ আর ইস্রায়েলর্ সেই পবিত্র মানুচ্চোরে এলাফেলা গোজ্যন্ আর তা পিজেদি ফিজ্যন্।

গণাণা 14:22

এই মানুচ্চুনোত্তুন্‌ একজনেয়ো সেই দেজ্‌চান্‌ চেই ন-পেবাক, যে দেজ্‌চান্‌ দিম্‌ বিলি মু্‌ই তারার্‌ পুরোণি মানুচ্চুনো ইদু শমক্‌ গোজ্যং। ইয়েনর্‌ কারণান্‌ অলঅ, এই মানুচ্চুনে মর্‌ মহিমাগান্ আর মিসরর্‌ ধূল্যেচর-চাগালাত্‌ দেগেয়্যে মর্‌ আমক্‌ অবার চিহ্নগানি দেগিনেয়ো মরে অগ্রাজ্য গোজ্যন আর দশ দশবার মরে যগা চেইয়োন। যিগুনে মরে ইংসে-নিন্দে গোজ্যন্ তারা কনজনে সেই দেজ্‌চান্‌ ন-দেগিবাক।

গণাণা 14:4

তারা একজন আরেকজনরে কলাক্, “যঅ, এক্কো নেতা ঠিগ্ গুরি নেযেইনে আমি মিসরত্‌ ফিরি যেই।”

প্রেরিত্‌ 7:39

মাত্তর্ আমা পূরোণি মানুচ্চুনে মোশিরে মানি লবাত্তে ন-চেলাক্। সিয়েনর বদলে তারা মোশিরে এলাফেলা গুরিনে মিসর দেজ ইন্দি মন ফিরেইনে হারোণরে কলাক্, আমারে পধ দেগেই নেযেবাত্যে দেব-দেবেদা বানেই দে, কিয়া যে মোশি আমারে মিসর দেজত্তুন্ নিগিলেই আন্ন্যে তার কি ওইয়্যে আমি কোই ন-পারিই।

দ্বি’লম্বর বিররণ 6:16

তুমি তমার্‌ গোজেন লগেপ্রভুরে জগা চেবাত্তে ন-যেয়ো, যেধোক্ক্যেন তুমি মঃসাতত্‌ গোজ্য।