গীতসংহিতা 78:18 - Chakma Bible

¹⁸ তারার আওজ্ মজিম হানা দাবি গুরিনে মনে মনে তারা গোজেনরে জগা চেলাক্।

গীতসংহিতা 78:18 ပူးပေါင်းရင်းမြစ်များ

যাত্রা 17:2

সেনত্তে তারা মোশি লগে কোল্‌-কোজ্যে বাজেইনে কলাক্, “আমারে হেবাত্তে পানি দে।” মোশি তারারে কলঅ, “তুমি মঅ‌ লগে কিত্তেই কোল্‌-কোজ্যে বাজর্, আর কিত্তেই‌ বা তুমি লগেপ্রভুরে জগা চঅর্‌?”

যাত্রা 17:7

মানুচ্চুনে এই রফীদীমোত্‌ কোল্‌-কোজ্যে গোজ্যন্‌ আর কোইয়োন, “লগেপ্রভু কি আমা লগে আঘে, না-কি নেই?” এই কধানিলোই লগেপ্রভুরে তারা জগা চেইয়োন্‌। সেনত্যে মোশি এই জাগাগানর্‌ দ্বিয়েন্‌ নাঙ্‌ দিলো মঃসা (যিয়েনর্ ভেদ্‌তান্ “জগা চানা”) আর মরীবা (যিয়েনর্ ভেদ্তান্ “কোল্‌বাজানা”)।

গণাণা 11:4

ইস্রায়েলীয়গুনো লগে অন্য জাদর্‌ যে মানুচ্চুনে এলাক্‌ তারা আরেক বাবোত্যে হানার্‌ লুভে পাগল্‌ ওই উদিলাক। তারার্‌ মজুঙো-মুজুঙি ইস্রায়েলীয়গুনে আরঅ‌ কানাকুদি গুরিনে কুয়ো ধুরিলাক, “হায়, যুনি আমি য়েরা হেই পেদং!

১ করিন্হীয় 10:6

আমি যেনে দেগিনে শিগি পারিই সেনত্তে ইয়েনি বেক্কানি ঘোট্ট্যে, যেন তারা যেবাবোত্যে ভান্ন্যেয় পৌইদ্যেনে লুভ্ গোজ্জ্যন আমি সেবাবোত্যে ন-গুরিই।

১ করিন্হীয় 10:9

তারা ভিদিরে ভালোকজনে প্রভুরে পোরোক্ষ্যে গুরিনে যেবাবোত্যে সাপ কামরত্ মুরি যেইয়োন সেবাবোত্যেগুরি আমি যেন প্রভুরে পোরোক্ষ্যে ন-গুরিই।

দ্বি’লম্বর বিররণ 6:16

তুমি তমার্‌ গোজেন লগেপ্রভুরে জগা চেবাত্তে ন-যেয়ো, যেধোক্ক্যেন তুমি মঃসাতত্‌ গোজ্য।