গীতসংহিতা 78:12 - Chakma Bible

¹² ইস্রায়েলীয়গুনোর পুরোণি মানুচ্চুনোর চোগো মুজুঙোত্ তে আমক অবার্ কাম গোজ্যে; মিসর আর সোয়ন চাগালাত্ তে সিয়েনি গোজ্যে।

গীতসংহিতা 78:12 ပူးပေါင်းရင်းမြစ်များ

পত্থম 32:3

যাকোবে তা আগে আগে সেয়ীর, অত্তাৎ ইদোম দেজত্‌ তার্ ভেই এষৌ ইধু কয়েক্কো মানুচ্ পাদেল।

২ রাজাবলী 17:7

ইয়েনি বেক্কানি ঘোট্যে, কিত্তে যিবে মিসরত্তুন্‌, মিসর রাজা ফরৌণর অধীনত্তুন্‌ তারারে নিগিলেই আন্যে ইস্রায়েলীয়গুনে তারার্‌ সেই গোজেন লগেপ্রভুর বিরুদ্ধে পাপ গোজ্যন্‌। তারা দেব-দেবেদার পূজো গুরিদাক্‌ আর যিদুক্কুন্‌ জাদরে লগেপ্রভু তারা মুজুঙেত্তুন্‌ ধাবেই দিয়্যে তারা ধোক্ক্যেন আদাউদো গুরিদাক্‌। ইয়েনিবাদে ইস্রায়েল রাজাগুনে যেদক্কানি সুদোম চালু গোজ্যন্‌ তারা সেধোক্ক্যেন গুরি চলিদাক্‌।

নহিমিয় 9:10

ফরৌণ, তার্‌ বেক্‌ কামগুরিয়্যেগুনোরে আর তা দেজর্‌ বেক্‌ মানুচ্চুনোরে তুই বোউত্‌ চিহ্নো আর আমক্‌ অবার্‌ কাম্‌ দেগেয়োচ্‌, কিত্যে তুই হবর্‌ পেদে আমা পূরোণিমানুচ্চুনোর্‌ লগে মিসরীয়গুনোর্‌ বেবহার্‌ এলদে বার্‌বোলোই ভরা। এ কামানি গুরিনে তুই তর্‌ সুনাঙ্‌ রোক্ষ্যে গোজ্যস্‌, যিয়েনি এজঅ আঘে।

গীতসংহিতা 106:22

হাম-বংশীয়গুনোর দেজত্ গোজ্যে আমক্ অবার্ কাম পৌইদ্যেনে তারা ভুলি গেলাক্, লোহিত সাগর ইদু গোজ্যে দর্‌‌বুক্ লাগেদে বেক কামর্ কধানি ভুলি গেলাক্।

গীতসংহিতা 135:9

ও মিসর, তে বুগোত্ ফরৌণ আর তার বেক কামগুরিয়্যেগুনোর বিরুদ্ধে তার চিহ্নো আর আমক্ অবার কামানি গোজ্যে।

যাত্রা 7:1

সেক্কে লগেপ্রভু মোশিরে কলঅ, “চাহ্, ফরৌণ ইধু মুই তরে গোজেন ধোক্ক্যেন গুরিম, আর তর্‌ ভেই হারোণে অবঅ তর্‌ ভাববাদী।

যিশাইয় 19:11

সোয়নর দাঙর্ পোজিশনর্ কামগুরিয়্যেগুনে এক্কুবারে ভুল্ বেদমা; ফরৌনর জ্ঞানী সল্লাদিয়্যেগুনে অত্তনেইয়্যে উপদেজ্ দুয়োন্। তুমি ফরৌণরে কেধোক্ক্যেন গুরি কোই পার, “মুই জ্ঞানী মানুচ্চুনো ভিদিরে একজন আর খুব পুরোনা দিনো রাজাগুনোর বংশধর্”?

যিশাইয় 19:13

সোয়নর দাঙর্ পোজিশনর্ কামগুরিয়্যেগুনে ভুল্-বেদমা ধোক্ক্যেন ওইয়োন্, আর নোফর নেতাগুনে ঠোক্ক্যন্; মিসরর আজল্ নেতাগুনে মিসরর ভান্ন্যেই পধেদি নেযেয়োন।

যিহিষ্কেল 30:14

মুই পথ্রোষরে উগুজ্যে ভূইয়ো ধোক্ক্যেন ফেলেই রাগেম, সোয়নত্ আগুন বাজেই দিম আর নো শঅরানরে সাজা দিম।

গণাণা 13:22

তারা নেগেভর ভিদিরেন্দি যেইনে হিব্রোণ শঅর ইদু আঝিল্ অলাক। হিব্রোণ শঅরান্‌ তুলো ওইয়্যেদে মিসরর্‌ সোয়ন শঅরান্‌ তুলিবার্‌ সাত বজর আগে। সিয়েনত্‌ অনাকর্‌ বংশর্‌ অহীমান, শেশয় আর তল্‌ময় নাঙে তিন্নো মানুচ্‌ এলাক।

দ্বি’লম্বর বিররণ 4:34

তুমি তোগেই চঅ, তমা গোজেন লগেপ্রভু তমা চোগো মুজুঙোত্‌ মিসর দেজত্‌ তমাত্যে যিয়েনি গোজ্য কনঅ দেবেদা কনদিনঅ সেধোক্ক্যেনগুরি পোরোক্কেগুরিনে, আমক্‌ অবার্‌ কাম্‌ আর চিহ্নোলোই, যুদ্ধোলোই, দরমর আর বোলী আত্তোই আর দাঙর্‌ আর দর্‌ লাগাইদে কাম্মোই কনঅ জাদরে অন্য জাদ ভিদিরেত্তুন্‌ নিজোত্তে নিগিলেই আন্যন্‌ নাহি।

দ্বি’লম্বর বিররণ 6:22

লগেপ্রভু আমার্‌ চোগো মুজুঙোত্‌ ফরৌণ আর তা ঘরর্‌ বেক্কুনো উগুরে আর মিসর দেজঅ উগুরে দাঙর্‌ দাঙর্‌ আর দর্‌গরেপারা চিহ্নো আর আমক্‌ অবার্‌ কাম্‌ গোজ্যে।

যিহোশূয় 9:9

জোবত্‌ তারা কলাক্‌, “তঅ‌ গোজেন লগেপ্রভুর সুনাং শুনিনে তর্‌ এই চাগরুনে বোউত্‌ দূর দেজত্তুন এচ্চ্যন্‌। তে মিসর দেজত্‌ যিয়েনি গোজ্যে সে হবরানি আমি পেইয়্যেই।