গীতসংহিতা 77:6 - Chakma Bible

⁶ রেদোত্ মর্ বেক গীদোর কধানি মনত্ পুরিদো; মুই মনে মনে গভিন্ গুরিনে চিদে গুরিদুং আর মনে মনে পুজোর্ গুরিদুং-

গীতসংহিতা 77:6 ပူးပေါင်းရင်းမြစ်များ

গীতসংহিতা 42:8

দিনোত্ লগেপ্রভু তার অমকদ কোচ্‌‌পানাগান্ মঅ উগুরে ঢালি দে; আর রেদোত্ মর্ জীংকানিগান গোজেনর ইদু মর্ তবনা আর তার বাঈনী-গান মর্ সমাজ্যে অয়।

গীতসংহিতা 4:4

তুমি রাগ্ গুরিনে পাপ ন-গোজ্জ্য। বিচ্ছোনত্ পুরিনে তমা মনানিরে চঅ আর জুরো গুরি থেয়ো।

প্রেরিত্‌ 16:25

সেক্কে প্রায় রেত্ সম্মাক্ ওইয়্যে। পৌল আর সীলে তবনা গত্তন্ আর গোজেনর্ নাঙে বাঈনী-গীত্ গাদন্। অন্য বন্দীগুনে সিয়েন্ শুনোদন্।

আবিলেচ্ 3:40

এজঅ, আমি আমার জিংকানির্-পথ্‌‌‌তানি পোরোক্ষে গুরিই আর যাচাই গুরিই আর লগেপ্রভু ইধু ফিরি যেই।

উপদেশক 1:16

মুই মনে মনে কলুং, “মঅ আগেদি যিগুনে যিরূশালেমত্ রাজাগিরি গুরি যেইয়োন্ সিগুনোর্ বেক্কুনোত্তুন্ মুই জ্ঞানেদি বোউত বেশ্; মর্ বোউত্ জ্ঞান আর বুদ্ধি ওইয়্যে।”

ইয়োব 10:2

ও গোজেন, মরে দুযি ন-গুরিচ্‌, মাত্তর্‌ মঅ বিরুদ্ধে তর্‌ যে আবিত্তি আঘে সিয়েন্‌ মরে কঅ।

ইয়োব 35:10

মাত্তর্ কনজনে ন-কন্, ‘মরে বানেয়্যে গোজেনে কুদু, যিবে রেদোত্ হুজির্ গান দান গরে?

দ্বি’লম্বর বিররণ 32:7

সেই পুরোণি দিনুনোর কধানি মনত্‌ গর্‌; তমার ভালোক্‌ দিন আগর্ পুরোণি মানুচ্চুনোর কধানি ভাবি চঅ। সেই বেক্‌ দিনুনোর কধানি তমার বাপ্পোনোত্তুন পুজোর গরঅ, তারা তমারে কবাক্; বুড়ো মানুচ্চুনোরে পুযোর্‌ গরঅ, তারা তমারে বুঝেইনে কবাক্।

গীতসংহিতা 143:4

সেনত্তে মুই আজা নেইয়্যে ওইয়োং; মঅ মনান্ বাজে ওই যেইয়্যে।

গীতসংহিতা 143:5

মুই পুরোণি দিনুনোর্ কধা ইদোত্ তুলোং, তর্ বেক কামানি পৌইদ্যেনে ধ্যান গরং; তঅ আঢ্‌তানিয়ে যিয়েনি গোজ্যে সিয়েনি ভাবঙর্।