গীতসংহিতা 77:3 - Chakma Bible

³ মুই যেক্কেনে গোজেন কধা ইদোত্ তুলিদুং সেক্কে দুঘে ফোবেদুং; চিদে গত্তে গত্তে মুই আজা আরাং।

গীতসংহিতা 77:3 ပူးပေါင်းရင်းမြစ်များ

পত্থম 37:35

তার অন্য বেক্‌ পুয়ো-ঝি গুনে তারে বুঝেবার্‌ চেলাক্, মাত্তর্‌ কনঅ বুঝোনার কধা তে নঅ শুনিলো। তে কলঅ, “আবিলেচ্ গত্তে গত্তে মুই মরণ জাগাত্‌ মঅ পুয়োবো ইধু যেম।” এবাবোত্যেগুরি যাকোবে যোষেফত্যে কানিলো।

ইয়োব 15:11

গোজেনর দিয়্যে বুঝোনা কি তর্‌ পক্ষে যদেস্ট নয়? সে কধাগান দঅ গমেডালে তরে কুয়ো ওইয়্যে।

ইয়োব 31:23

কিত্যে মুই গোজেনর দিয়্যে সাজা দরাং; তা মহিমাগান এদক্ বেশ্ যে, তা দরে মুই সিয়েনি গুরি ন-পারং।

ইয়োব 6:4

বেগত্তুন্‌ খেমতাবলা গোজেনর সেল্‌লো মইদু ফুট্যে, মঅ পরাণানে সিবের্‌ বিষছান্‌ খার্‌; গোজেনর দর্‌গরেপারা কামানিয়ে মঅ বিরুদ্ধে সুর্‌ বুদিনে থিয়্যেইয়্যে।

ইয়োব 7:11

সেনত্তে মুই আর্‌ জুরো গুরি ন-থেম্‌। মঅ মনত্‌ দুঘ্‌খো গুরিনে মুই কধা কোম্‌; মঅ তিদে পরাণে মুই তইদু দুঘ্‌খানি ফগদাঙ্‌ গুরিম্‌।

গীতসংহিতা 42:11

ও মর্ পরাণান, কিত্তেই তুই আজা আরেয়োজ্? কিত্তেই এদক্ ওলোমোত্য ওইয়োজ্? গোজেন উগুরে আজা রাগা, কিয়া মুই আরঅ তার বাঈনী গুরিম; তে মর্ উদ্ধোর্ গুরিয়্যে আর মর্ গোজেন।

গীতসংহিতা 42:5

ও মর্ পরাণান্, কিত্তেই তুই আজা আরেয়োজ্? কিত্তেই এদক্ চোত্‌‌পোত্যে ওইয়োচ্? গোজেন উগুরে আজা রাগা, কিত্যে তেয়ই মরে উদ্ধোর্ গুরিবো; সেনত্তে মুই আরঅ তার বাঈনী গুরিম।

গীতসংহিতা 43:5

ও মর্ পরাণান, কিত্তেই তুই আজা আরেয়োজ্? কিত্তেই এদক্ চুলুবুলু ওইয়োচ্? গোজেন উগুরে আজা রাগা, কিয়া মুই আরঅ তার্ বাঈনী গুরিম; তেয়ই মর্ উদ্ধোরগুরিয়্যে আর মর্ গোজেন।

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গীতসংহিতা 61:2

মুই যেক্কেনে নিরাজায়্ ভাঙি পড়ং সেক্কেনে পিত্‌থিমীর শেজ্ দুযিত্ থেলেয়ো সিয়োত্তুন্ মুই তরে ডাগিম। মরে তুই এন্ কনঅ অজল্ আশ্রয়-মুড়োত নেযেইনে রাগা যিয়েন মর্ নাগালর বারেন্দি।

পরমগীত 3:1

রেদোত্ মঅ বিচ্ছোনানত্ মর্ পরাণর্ কোচ্‌পানাগানরে মুই তোগেয়োং; মুই তারে তোগেয়োং, মাত্তর্ ন-পেলুং। ‌‌‌

যিশাইয় 26:16

ও লগেপ্রভু, দুঘো সময় তারা তরে দেখ্যন্; তত্তুন্ সাজা পেবার সময়োত্ তারা ওলোমোত্য ওইনে ফিস্ ফিস্ গুরি তবনা জানেয়োন্।

যিরমিয় 17:17

তুই মর্ ভাঙি পড়িবার কারন ন-ওচ্; দযার্ দিনোত্ তুয়ই মর্ আশ্রয়।

আবিলেচ্ 3:17

সুগ-শান্দি মত্তুন্ দূর্ গরা ওইয়্যে; ভালেদি কি, সিয়েন মুই ভুলি যেইয়োং।

আবিলেচ্ 3:39

পাপত্তে সাজা পানার্ পরেদি মান্‌‌‌জ্যে কিত্তেই সিয়েন্দোই আবিত্তি গুরিবাক্?