গীতসংহিতা 76:12 - Chakma Bible

¹² শাজন্‌গুরিয়্যেগুনোর সাহস্‌ছানি তেয়ই দোঙেই দে; পিত্‌থিমীর রাজাগুনে তারে দরান্।

গীতসংহিতা 76:12 ပူးပေါင်းရင်းမြစ်များ

২ বংশধর 32:21

সেক্কে লগেপ্রভু এক্কো স্বর্গদূতোরে পাধেই দিলো যিবে আসিরিয়ার রাজার তাম্বুলো ভিদিরেত্তুন্‌ বেক্‌ যোদ্ধাগুরিয়্যেগুনোরে, নেতাগুনোরে আর সেনাপতিগুনোরে পুরোপুরি গুরিনে ভস্ত গুরি ফেলেল। সেক্কে সন্‌হেরিবে লাজে নিজো দেজত্‌ ফিরি গেলঅ। তে তার্‌ দেবেদাবোর্‌ মন্দিরোত্‌ যানার্‌ পরেন্দি তার্‌ কয়েক্কো পুয়ো তারে মারে ফেলেল।

গীতসংহিতা 2:10

সেনত্তে ও রাজাগুন্, তুমি ইক্কিনে গমেডালে আঢঅ; পিত্‌থিমীর শাজন্‌গুরিয়্যেগুন, উজিয়ার অ।

গীতসংহিতা 2:5

তে অমকদ বেজার্ ওইনে তারারে থেঝেরা মারিবো, তা রাগর্ আগুনান্ তারার্ মনত্ দর্‌বুগ্ লাগেব।

গীতসংহিতা 47:2

দাঙর লগেপ্রভু ভোক্তিবলা দর্‌বুগ্ লাগায়; পুরো পিত্‌থিমীগান উগুরে তেয়ই দাঙর্ রাজা।

গীতসংহিতা 50:14

গোজেন ইদু তর্ ভালেদিগানই তর্ উৎসর্ব ওক্; সেই দাঙর্‌বো ইদু তর্ বেক্ মান্যেগানি পূরোণ গুরি থেচ্।

গীতসংহিতা 68:12

সেই মিলেগুনে কন্দে, “সৈন্যদলর রাজাগুনে ধেই যাদন, ধেই যাদন, আর ঘরত্ থেইয়্যে মিলেগুনে লুদেয়্যে পযাপিরানি ভাগাভাগি গত্তন্।

গীতসংহিতা 68:35

ও গোজেন, তর্ পবিত্র জাগানত্ তুই থেলে ভোক্তিবলা দর্‌বুক্ লাগে। ইস্রায়েলর গোজেন তা মানুচ্চুনোর বল্ আর খেমতা দে। গোজেনর বাঈনী ওক্!

যিশাইয় 24:21

সেদিন্যে লগেপ্রভু আগাজ উগুরে বেগত্তুন্ খেমতাবলাগুনোরে সাজা দিবো, আর পিত্‌থিমীত্ রাজাগুনোরে সাজা দিবো।‌‌

লেবীয় 23:38

যে উৎসর্বগুনোর কধা আগে কূয়ো ওইয়্যে সিগুনো ভিদিরে এ উৎসর্বগুন্‌ ধরা ন-অবঅ। সিগুন্‌ অলঅ, লগেপ্রভু জিরেবার দিন্নোর্ উৎসর্ব, লগেপ্রভুরে দিয়্যে অন্য বেক্‌ দানুন্‌, মান্যা আর নিজোর আওজে গোজ্যে উৎসর্ব।

সফনিয় 3:6

লগেপ্রভু কত্তে, মুই জাদ্‌তুনোরে শেজ্ গুরি দুয়োং; তারার্ অজল্ চুগিদার ঘরানি ভস্ত ওই যেইয়্যে। মুই তারার্ পথ্‌‌‌তানি মানুচ্ নেইয়্যে গোজ্যং; কনজনে সিন্দি আর ন-যান। তারার্ বেক শঅরানি ভস্ত ওই যেইয়্যে; সিয়েনিত্ কনজন নেই, কনজনে বজত্তি ন-গরন্।

যিহোশূয় 5:1

যর্দন গাঙর্‌ পোজিমেন্দি ইমোরীয়গুনোর বেক্‌ রাজাগুনে আর সাগর পারর্‌ বেক্‌ কনানীয় রাজাগুনে যেক্কে শুনিলাক, আমি পার্‌ ওই এজানার্‌ সলাবোত্‌ লগেপ্রভু কিঙিরিনে যর্দনর পানিগান আমারে, অত্তাৎ ইস্রায়েলীয়গুনোর মুজুঙোত্তুন্‌ শুগেই দিয়্যে সেক্কে তারার আজা-ভরসা থুম্‌ অলঅ; ইস্রায়েলীয়গুনো মুজুঙোত্‌ থিয়্যেবার সাহস আর তারার ন-থেলঅ।

ফগদাং পেইয়্যে 6:15

পিত্‌থিমীর বেক্‌ রাজাগুনে আর বেগ দাঙর্ নেতাবো, সেনাপতি, থাগোইয়্যে আর খেমতাবলা মানুচ্‌, পত্তি চাগর আর চাগর নয়দে মানুচ্‌ মোন্‌মুড়ো হুলুঙে হুলুঙে আর পাত্তর আন্দলে আন্দলে নিজোরে লুগেলাক্।