গীতসংহিতা 76:10 - Chakma Bible

¹⁰ ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

গীতসংহিতা 76:10 ပူးပေါင်းရင်းမြစ်များ

পত্থম 50:20

তুমি মর্ অমংগল চেইয়ো, মাত্তর্‌ গোজেনে সিয়েনর্ ভিদিরেদি মংগল গুরিবার সল্লা গোজ্যে যেন ভালোক্কুন মান্‌জোর্ পরাণ রোক্ষ্যে পায়; আর এচ্চ্যে সিয়েনোই অর্‌।

গীতসংহিতা 104:9

এধোক্ক্যেন্ গুরি তুই পানির দুযিগান ঠিগ্ গুরি দুয়োচ্, যেনে পানিয়ে আর্ কনদিন্‌অ দুযিগান পার্ ওইনে পিত্‌থিমীগানরে ঢাগি ন-ফেলায়।

গীতসংহিতা 12:6

লগেপ্রভুর কধাত্ ভেজাল্ নেই; সিয়েন্ যেন আগুন্দোই পুজ্যে রুবো, সাত্পল্লা গুরি শুদ্ধো গোজ্যে রুবো।

গীতসংহিতা 46:6

জাদ্‌তুনে বেক্কুনে রঅ ছাড়দন, রেজ্যগানি ভাঙি পড়ে; তে গুজুরি উদে, পিত্‌থিমীগান গুলি যায়।

গীতসংহিতা 65:7

তুই দোজ্যে সাগরর্ গুজুরোনিগান অলর্ গুরি দুয়োচ্, অলর্ গুরি দুয়োচ্ তার তুবোলর্ গুজুরোনিগান আর জাদ্‌তুনোর বেজালানি।

গীতসংহিতা 82:8

ও গোজেন, তুই উঠ্, পিত্‌থিমীগানর্ বিচের গর্, কিত্তেই বেক জাদ্‌তুনে তঅ অধিকারত্ আগন্।

যাত্রা 18:11

সেনত্তে মুই ইক্কিনে বুঝি পারঙত্তে, বেক্‌ দেবেদাগুনোত্তুন্‌ লগেপ্রভুই‌ দাঙর্‌, কিত্তে দেবেদাগুনে যেদক্কানি পৌইদ্যেনে ইস্রায়েলীয়গুনো বিরুদ্ধে বার্‌বো গুরিদাক্‌ সেদক্কানি পৌইদ্যেনে লগেপ্রভুই দাঙর্‌।”

যিশাইয় 11:4

মাত্তর্ নাঢা মানুচ্চুনো উগুরে গম্ বিচের্ গুরিবো, আর পিত্‌থিমীর নাঢা মানুচ্চুনো পৌইদ্যেনে গমেডালে মীমাংসা গুরিবো।‌ লুদিগো ধোক্ক্যেন্ গুরি তে মুয়ো কধালোই পিত্‌‌থিমীগানরে আঘাত্ গুরিবো, আর পাজিগুনোরে মারে ফেলেব তা মুয়ো নিজেস্‌‌ছোই।

মথি লেখ্যে গম্ হবর্ 24:22

মাত্তর্ সেই দুঘোর্ দিনুন্ যুনি গোজেনে কোমেই ন-দিদো সালে কনজনে ন-বাঁজিদাক্। মাত্তর্ তার্ বেঈ লোইয়্যে মানুচ্চুনোত্তে গোজেনে সেই দিনুন্ কোমেই দিবো।

যোহন 19:22

পীলাতে কলঅ, “মুই যিয়েন্ লেক্ক্যং সিয়েন্ লেক্ক্যং।”

রোমীয় 9:17

পবিত্র বোইবোত্ গোজেনে ফরৌণরে এ কধাগান্ কোইয়্যে, “মুই তরে রাজা বানেয়োং যেন তঅ উগুরে মর্ বেবহারর্ মাধ্যমে মঅ খেমতাগান্ দেগেই পারং আর গোদা পিত্‌থিমীয়ানত্ মঅ নাঙান্ ফগদাং অয়।”

ফগদাং পেইয়্যে 11:18

বেক্‌ জাদ্‌তুনে রাগ গোজ্জ্যন্, আর তর্ রাগ ফগদাং গুরিবার সময় ওইয়্যে। মরাগুনোরে বিচের্ গুরিবার সময় এচ্চ্যে, আর তর্ চাগরুনোর্, অত্তাৎ ভাববাদীগুনোর আর তঅ মানুচ্চুনোর আর চিগোন-দাঙর্ যিগুনে তরে ভোক্তি গরন্ তারারে বক্‌শিজ্ দিবার সময় এচ্চ্যে। ইয়েনিবাদে যিগুনে পিত্‌থিমীর ক্ষোতি গোজ্জ্যন্, সিগুনোরে ভস্ত গুরিবার সময় এচ্চ্যে।”