গীতসংহিতা 74:3 - Chakma Bible

³ উমরর্ এ ভস্তর কুড়োবোন্দি তুই আঢিনে উজেই আয়; সুুদ্ধো-সাংগ জাগানত্ শত্রুগুনে বেক্কানি বর্‌বাত্ গুরি দুয়োন।

গীতসংহিতা 74:3 ပူးပေါင်းရင်းမြစ်များ

২ রাজাবলী 25:9

তে লগেপ্রভুর ঘরত্‌, রাজঘরত্‌ আর যিরূশালেমর বেক্‌ ঘরানিত্‌ আগুন্‌ বাজেই দিলো। বেক্‌ আজল্‌ আজল্‌ ঘরানি তে পুড়ি ফেলেল।

নহিমিয় 1:3

তারা মরে কলাক্‌, “বন্দীদজাত্তুন্‌ যিগুনে দেজত্‌ ফিরি যেইয়োন্‌ তারা অমকদ দুগোত্‌ আর অসর্মানর্‌ ওইনে আগন্‌। যিরূশালেমর দেবালান্‌ ভাঙি যেইয়্যে আর সিয়েনর্‌ গেট্‌টুন আগুন্দোই পুড়ি দিয়্যে ওইয়্যে।”

নহিমিয় 2:13

সে রেদোত্‌ নিগিলিনে মুই কিজিঙো-গেট্টোর্‌ ভিদিরেন্দি সাপ-কূয়ো আর সে পরেন্দি সার-গেদোর্‌ ইন্দি গেলুং আর যিরূশালেমর ভাঙা দেবাল্‌ আর আগুন্দোই ভস্ত গোজ্যে গেট্‌তুনোর অবস্থাগান্‌ চেলুঙ্‌।

নহিমিয় 2:3

তো রাজারে কলুং, “মহারাজ জিংকানিবর্‌ বাঁজি থেজ্‌। মর্‌ পূরোণিমানুচ্চুনে যে শঅরত্‌ গোর্‌ পেইয়োন্‌ সে শঅরান্‌ যেক্কে ভস্ত ওই যেইয়্যে আর সিয়েনর গেট্‌টুন আগুন্দোই পুড়িনে বর্‌বাত্‌ লাগা ওইয়্যে সেক্কে মর্‌ মুয়োন্‌ কিত্তেই সুদোমু ন-লাগিবো?”

গীতসংহিতা 44:23

ও প্রভু, চেদন্ অ, কিত্তেই তুই ঘুম্ যর্? উঠ্, উমরত্তে আমারে ছাড়ি ন-যেচ্।

গীতসংহিতা 44:26

তুই আয়, আমারে বল্ দে; তর্ অমকদ কোচ্‌‌পানা মজিম তুই আমারে উদ্ধোর গর্।

গীতসংহিতা 79:1

ও গোজেন, অন্য জাদ্‌তুনে তর্ সোম্বোত্তিগানি আক্রমন গোজ্যন্, তারা সিদু চোমেয়োন্দি; তঅ সুদ্ধো-সাংগ ঘরান্ তারা অসিজি গোজ্যন্; যিরূশালেমানরে তারা ভস্তর কুড়্ বানেয়োন্।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 25:10

লগেপ্রভুর আঢ্‌‌তান এ মুড়োবো উগুরে থেবঅ। গবর সমারে যেধোক্ক্যেন্ হেরানি টেঙোই মাড়া অয় ঠিগ্ সেধোক্ক্যেন্ গুরি মোয়াবরেয়ো তে টেঙোই মাড়িবো।

যিশাইয় 61:4

তারা আগ দিনোত্ ভস্ত ওইয়্যে জাগানি আরঅ তুলিবাক আর ঠিগ্ গুরিবাক। যেদক্কানি শঅর্ বংশর পর বংশ ধুরিনে ভস্ত ওই যেইয়্যে সিয়েনি তারা আরঅ নূয়ো গুরি বানেবাক্।

যিরমিয় 52:13

তে লগেপ্রভুর ঘরত্, রাজঘরত্ আর যিরূশালেমর বেক্ ঘরানিত্ আগুন ধোরেই দিলো। বেক্ আজল্ আজল্ ঘরানি তে পুড়ি ফেলেল।

আবিলেচ্ 1:10

শত্রুগুনে তার বেক্ মূল্যবান পযাপিরানি উগুরে আঢ্ দিয়্যে; দেবেদা-পূজোগুরিয়্যে জাদ্‌‌‌‌‌‌তুনোরে তে তার সুদ্ধো-সাংগ জাগানত্ সমদে দেখ্যে। ইগুন সেই মানুচ্চুন যিগুনোরে তুই তঅ সমাজত্ সোমেবাত্তে মানা গোজ্যস্।

দানিয়েল 11:31

তা সৈন্যগুনে উপোসনা-ঘর, অত্তাৎ ঘরানি অসিজি গুরিবাক্ আর পত্তিদিনোর উৎসর্বর অনুষ্ঠান বন্ধ গুরি দিবাক্। সে পরেদি তারা ভস্ত অবার্ ঈচ্ গরেদে জিনিস থিদেবর্ গুরিবাক্।

দানিয়েল 9:17

“ইক্কিনে, ও আমা গোজেন, তঅ চাগরুনোর তবনা আর কোজোলী শুন। ও প্রভু, তর্ সুনাঙান্ রোক্ষ্যেত্তে ভস্ত ওই যেইয়্যে তর্ ঘর উগুরে তুই দোয়্যের্ চোগেদি রিনি চাহ্।

দানিয়েল 9:27

সাত বজরত্তে বোউত্ মান্‌‌‌‌‌‌‌জ্য লগে সেই শজন্‌গুরিয়্যেবো মিলে-মিলি গুরিবো, মাত্তর্ সাত বজরর্ সংমোধ্যে তে য়েমান আর শোজ্য উৎসর্ব গরানা বন্ধ গুরি দিবো। সেই ভস্তগুরিয়্যেবো উগুরে ঠিগ্ গোজ্যে সাজা পুরোপুরিভাবে ঢালি ন-দেনা সং উবোসনা-ঘর ভিদিরে যে সর্বনাশা ঘিনেইদ্যে জিনিস্ রাগেবে।”

মীখা 1:3

চঅ, লগেপ্রভু তা থেবার ঘরানত্তুন্ এজের্; তে লামি এইনে পিত্‌‌থিমীর অজল্ জাগায়ানি উগুরেদি যেবঅ।

মীখা 3:12

সেনত্তে তমাত্তে সিয়োনরে খেদ ধোক্ক্যেন গুরি চাষ গরা অবঅ, যিরূশালেমান অবঅ ভস্তর্ কুড়্, আর উবোসনা-ঘরর মুড়োবো ঘন ঝুব্-ঝাড়ে নাঢা পড়িবো।

মার্ক 11:17

পরেদি শিক্ষ্যে দিবার্ অক্তত্ তে সেই মানুচ্চুনোরে কলঅ, “পবিত্র বোইবোত্ কি এ কধাগান লেগা নেই যে, ‘মঅ উবোসনা ঘরানরে বেক্ জাদ্‌তুনোর তবনা ঘর্ কুয়ো অবঅ’? মাত্তর্ তুমি ইয়েনরে ডাগেদর্ আড্ডাখানা বানেয়ো!”

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

যিহোশূয় 10:24

তারা যেক্কে সে রাজাগুনোরে যিহোশূয় ইদু আনিলাক সেক্কে তে বেক্‌ ইস্রায়েলীয়গুনোরে ডাগিলো আর তা লগে যে সেনাপতিগুনে যুদ্ধোত্‌ যেইয়োন তারারে কলঅ‌, “তুমি ইদু এইনে সে রাজাগুনোর গত্তনাত্‌ তমা টেঙানি রাগঅ।” সেক্কে তারা উজেই যেইনে সে রাজাগুনোর গত্তনা উগুরে তারার টেঙানি রাগেলাক্‌।

ফগদাং পেইয়্যে 11:2

মাত্তর্ উবোসনা-ঘরর্ বারেদি যে উদোনান্ আঘে সিয়েন বাদ দিচ্‌, ন-মাবিচ্; কিয়া সিয়েন অযিহূদীগুনোরে দিয়্যে ওইয়্যে। তারা বিয়াল্লিশ্ মাস সং পবিত্র শঅরান টেঙোই উরিবাক্।