গীতসংহিতা 74:22 - Chakma Bible

²² ও গোজেন, বিচের গুরিবাত্যে তুই উঠ্ তঅ মগদ্দমাগান্ আরাম্ভ গর; বাজে-মানুচ্চুন ভুলি ন-যেইয়ো পুরো দিন্নো তরে নিইনে ঠাট্টা-তামাজা গরন্।

গীতসংহিতা 74:22 ပူးပေါင်းရင်းမြစ်များ

২ রাজাবলী 19:16

ও লগেপ্রভু, কানান পাদ্, শুন্‌; ও লগেপ্রভু, তঅ চোখকুন্‌ হুল্‌, চাহ্‌; জেদা গোজেনরে অগমান গুরিবাত্তে সন্‌হেরীবে যে কধাগান্‌ কোই পাদেয়্যে সিয়েন্‌ শুন্‌।

গীতসংহিতা 35:23

মর্ গোজেন, প্রভু মর্, তুই চেদন্ অ, মর্ পক্ষ অ, মর্ পক্ষেদি কধা কঅ।

গীতসংহিতা 53:1

যিগুনোর বিবেক্ মরা তারা মনে গরন্দে গোজেন বিলিনে কনজন নেই। তারার্ খাচ্চ্যত্তানি বর্‌বাদ্ ওই যেইয়্যে, তারার্ কামানি জঘন্য; গম্ কাম গরন্ এধোক্ক্যেন কনজন নেই।

গীতসংহিতা 74:18

ও লগেপ্রভু, পুরি ন-ফেলেচ্ শত্রুগুনে তরে নিইনে ঠাট্টা-তামাজা গোজ্যন্, বাজে-বিবেকবলা মানুচ্চুনে তর্ নাঙান অগমান গোজ্যন্।

যিশাইয় 52:5

আর ইক্কিনে ইয়েনত্ মর্ কি আঘে? মঅ মানুচ্চুনোরে দঅ এনেবাদে নেযা ওইয়্যে, আর তারার্ শাজন্‌গুরিয়্যেগুনে তারারে গেইল্ দুয়োন্; নিত্য মঅ নাঙানরে ইংসে গরা অয়।