গীতসংহিতা 74:21 - Chakma Bible

²¹ তুই অত্যেচার ওইয়্যে মানুচ্চুনোরে অগমান ওইনে ফিরি এবাত্যে ন-দিচ্; দুঘি আর নাঢা মানুচ্চুনে তর্ নাঙানর বাঈনী গোরোদোক্।

গীতসংহিতা 74:21 ပူးပေါင်းရင်းမြစ်များ

ইষ্রা 3:11

লগেপ্রভুরে বাঈনী আর ভালেদির্ গীত্ গাদে গাদে তারা গেলাক্, তে ভালেদিগুরিয়্যে, ইস্রায়েল উগুরে তার্ কোচ্‌‌‌পানাগান্ উমরত্যে থিদেবর্ গোজ্যে। লগেপ্রভুর ঘরর গড়াগান্ থিদেবর্ গরা ওইয়্যে বিলিনে বেক্ মানুচ্চুনে অমকদ রঅ ছাড়িনে লগেপ্রভুরে বাঈনী গুরিলাক্।

গীতসংহিতা 103:6

লগেপ্রভু যগাজ্যে কাম গরে; তে গমেডালে অত্যেচারিগুনোর বিচের গরে।

গীতসংহিতা 109:22

মুই দুঘি আর নাদা মানুচ্; মুই মনত্ আঘাত্ পেইয়োং।

গীতসংহিতা 12:5

লগেপ্রভু কইদ্যে, “দুঘি মানুচ্চুনোর্ ভস্ত অনা আর নাঢা মানুচ্চুনোর কানানার্ কারনে এবেরা মুই জাগি উদিম, আর গমেডালে থেবার্ যিগুনোর্ মনর্ আওজ্ তারারে গমেডালে রাগেম।”

গীতসংহিতা 35:10

মর্ কিয়্যেগানে সেক্কেনে কবদে, “ও লগেপ্রভু, আর কন্না আগে তঅ ধোক্ক্যেন্? তুয়ই দঅ দুখি মানুচ্চুনোরে উদ্ধোর গরচ্ তারার্ শত্রুগুনোর্ আঢত্তুন্ যিগুনে তারাত্তুনো বেশ্ বোলী; যিগুনে লুদোন্ তারা আঢত্তুন্ তুই দুখি আর নেইয়্যে মানুচ্চুনোরে উদ্ধোর্ গুরি থাচ্।”

গীতসংহিতা 9:18

নাদা মানুচ্চুনোরে উমরত্তে ভুলি গেলে ন-অবঅ; তারার্ আজানি কনদিন্‌‌অ পূরোণ ন-থেবঅ।

যিশাইয় 45:17

মাত্তর্ গোজেনে ইস্রায়েলরে উমরত্তে উদ্ধোর্ গুরিবো; তুমি কনঅ কালত্ লাজত্ ন-পুরিবা বা অগমান ন-পেবা।